بۆچی دێ لیستا (١٩٠) هەلبژێرین؟
( خۆڕاگری- ئاڤەدانی – ئارامی – پێکڤە ژیان)
هەوا هەلبژارتنا دەستپێکریە و هەر کەس و لایەک یێ ئازادە بانگەشێ ب خوە بکت بۆ بدەستڤەئینان و کۆمکرنا دەنگا دوور ژ کەرب و کین و توندۆتیژیێ و ئێکدوشکاندنێ و بریندارکرنا هەستێ ئێکدو، هەروەسا چاڤێ جیهانێ هەمییێ یێ ل سەر ڤان هەلبژارتنان، لەوما پێدڤی یە ب رەنگەکێ شارستانی و مەدەنیەت، نەرم و ل سەر خوە، هەتا ڤێرێ کارەک پیرۆزە و ئاسایی یە، لێ یا نە سڕۆشتی هندەک ئەحزابا دوورشمێن تەیسۆک داڕێژتینە و ئەو ژی دزانن نەشێن جێ بەجێ بکن، چونکو کوردا ژ مێژە یا گۆتی : ”هەلگرتنا کەڤرێ مەزن نیشانا نەهاڤێتنێ یە”، ئاخفتن و کریار دو تشتێن ژێک جودانە، هوون باش دزانن نەشێن ب بن جهێ باوەرییا دەنگدەری، لەومانێ دوورشمێن پتر ژ هێز و سەنگا خوە بلندکن و بخوە ژی باوەری پێ نینە، پاشی بۆ ڤەشارتنا شکەستنا خوە خەلکێ سوچیدار نەکن، چونکو هەر وەلاتیەک یێ ئازادە و دیسان هوشیاربوونەک یا هەی، دزانن کا چ د بەرژەوەندییا وان دایە و چەوا دەنگێ خوە بدەن و بدەنە کێ؟
دا ڤەگەرم سەر بابەتێ خوە بۆچی پارتی هەلبژێرین؟ پشتی دوورشمێن ئەو حزبێن دێ پشکداریێ د هەلبژارتنێن خولا شەشێ یا پەرلەمانێ کوردستانێ دا کەن دیاربوون، خۆیا یە مرۆڤ پیچەکێ ل سەر ڕاوستت و ب وژدانە ل گەل خوە دانوستاندنەکێ بکت ب ڕاستی چ بهێنا هەستا نەتەوەیی ژ دوورشمێن وان نائێتن ژ بلی فەخفەخێ و ڕسواکرنێ وان ب بخوە، تەنها بۆ دژایەتی و شکاندنا پارتی هەمی د ئێک چەپەر دانە، دزانن پارتی ئانکو کوردبوون ، لێ ئەو حزبێن هەتا ئەڤرۆ ژی دناڤ دەستهەلاتێ دا دگەل پارتی خوە ب مەغدور دبینن و چوونە پال وان حزبێن ب ناڤ ئۆپۆزسیون. ب دیتنا من هەبوونا ئۆپۆزسیونێ ل کوردستانێ ژ موستەحیلاتانە، هەگەر بەڕێخوە بدەن پارتییێن ئۆپۆزسیون یێن جیهانێ کا چەوا دبنە خودیکەک بشێن کێماسییێن دەستهەلاتێ بەرچاڤ بکن بۆ باشترکرن و خۆەشگۆزاریا هاڤوەلاتی، لێ د خالا ئاسایشا نەتەوەیی دا هەمی ب هەڤڕانە و د ئێک چەپەردانە دژی هەر پیلانەکا بۆ تێکدانا ئارامییا وەلاتێ وان بت ،هەمی د ناڤ ئێک وەلات دا دژین خوە ب هەڤوەلاتی دبینن دوور ژ مەرەمێن سیاسی، ل دەف مە بەرەڤاژی یە هەمی پێکڤە هەول ددن پارتی بشکێنێن یان لاواز بکن باش دزان پارتی سەنگا خوە یاهەی و خودانێ کوردستانێ یە ، لێ دڤێتن خەونێن خوە دگەل خوە ب بن ژێر ئەردی، هەر وەکو ێین بەری وان ژی خەون ب نەمانا پارتی ڤە ددیتن و ئەڤرۆ ژی دیارە پارتی ل چ ئاست دایە هەم ل نافخوە و ژدەرڤە ژی هیچ جارەکێ ژ بەرپرسیارەیەتیێ نەرەڤیە و ئەوا شیان دا بت ئەنجام دایە، ل ژێڕ هیچ فشارەکێ دەست ژ دوورشمێن نەتەوەیی بەرنەدایە.
کا دا پێداچوونەکێ ل سەر درووشمێن پارتی بکن بۆچی ( خۆڕاگری- ئاڤەدانی – ئارامی- پێکڤەژیان) هەکە هەر ئێک ژ ڤانا ل سەر ڕواستێن دێ بۆ مە خۆیا بت كو ، ب تنێ پارتی هەلگرا بەرپسیارەتیێ یە:
١- ژ بەر کو خۆڕاگری کەنگی دیار دبت دەما ژ بەرپسیارەتیێ نەبازدی و هەر ئاریشەک هاتە پێش هەول بدەی چارەسەر بکەی.
٢- ئاڤەدانی، ئەڤە ژی یا ل بەر چاڤە ، دیسان ل سەر وژدانێ دمینت کا مرۆڤ چەند دگەل خوە یێ راستگۆیە و ئاڤەدانییێ هەمی سەکتەرێن ژیانێ یێن گرتن ب تایبەت د کابینەیا نەهێ دا.
٣- ئارامی، ئێکە ژ هەرە خالێن گرنگ و گڕێدایی ژیانێ یە، ژ بەر کو هەگەر ئارامی نەبتین پێشڤەچوون ل هیچ وەلاتەکێ دنیایێ بەدی ناکت، هەر دەما ل کوردستانێ ژی ئاسایش و ئارامی ب قەرار بت پێنگاڤێن باش چوویە پێش ئاڤەدانی یا بەردەوامە.
٤- پێکڤەژیانا ئۆلی و نەتەوەیی ژی خالەکا هەرە ب هێزە ل کوردستانێ ،دوست و دۆژمنان ب ڕاستگۆیانە دایە خۆیا کرن كو، ئەو پێکڤەژیانا ل کوردستانێ هەی ل سەرانسەرێ جێهانێ کێم وێنەیە. ئەڤە ژی ڤەدگەرت بۆ (بارزانی یێ نەمر) کا چەوا شەنگستێ پێکڤەژیانێ دورستکری یە و گرۆڤە سەر ئاخفتنا من شۆرەشا ئەیلۆلا مەزن ژ هەمی ئایین و مەزهەب و نەتەوا پێک دهات د ناڤ شۆڕەشێ دا چەکێ بەڕگریکرنێ دا بۆ ملێ خوە دگەل برایێن خوە یێن پێشمەرگە بەرەڤانی ژ ڤێ ئاخێ کری یە، لەوما ژی هەتا ئەڤرۆ پارتی ل سەر ڤی نەهجی یا بەردەوامە، ل سەر ئاستێن بلند چ ئەوێن سەرەدانا کوردستانێ دکن، یان ژی دەما بەرپرسێن مە سەرەدانا دەرڤە دکن ئەڤە ڕاستیە بەرچاڤ دبیتن شاهدێن ڤێ ڕاستیێ نە، لەوما دەنگدان
بۆ پارتی دەنگدانە بۆ پاراستنا ناسنامە و ئاخ و زالبوونا هەستا نەتەوەیی و زامنێ پێکڤەژیانێ یە کو ب ئازادی و ئارامی بژین.
