دژە تەرۆرا كوردستانێ بەرسڤا ئەبۆ ئالا وەلائی سەرۆكێ كەتیبەیا سەید شوھەدا یا سەر ب حەشدا سەعبی ڤە ددە. سەرۆكێ كەتیبەیا سەید شوھەدا گەف ل ھەرێما كوردستانێ و سەرۆك مەسعود بارزانی كرن كو ئەو رێ نادن بودجەیا ھەرێما كوردستانێ ژ پارلەمەنتۆیا ئیراقێ دەرباس ببە و دگەل چەند گۆتنێن بێ بنگەھ .
دژە تەرۆرا كوردستانێ د بەرسڤا خوە دا كو ل مالپەرا خوە یا فێسبۆكێ دا وەشاندیە، دبێژە: ھوون تەرۆریستێن ترسۆنەكن و ل سەر داخوازا ئاغایێن خوە وەلاتی وێران دكن.”
تێكستا بەرسڤا دژە تەرۆرا كوردستانێ:
ھوون نە نوونەراتیا ئیراقێ دكن و نە ژی خوەدیێ ستاتویەك فەرمی نە، ھوون تەرۆریستێن ترسۆنەكن كو ل سەر داخوازا ئاغایێن خوە وەلاتیی وێران دكن و ھەر رۆژ ل دەرەكێ كریارێن تەرۆریستی ئەنجام ددن، ھەڤوەلاتیێن سڤیل دكن قوربانی و جھێن گشتی و بالەفرخانەیێن مدەنی مووشەكباران دكن و ئێریشی سەر ھەڤپەیمانان دكن.
وەلاتەك كو بودجەیا وی د دستێ وە دا بە و ھوون بریارێ ل سەر بدن، بێگومان دێ ئەنجام ئەڤە بن كو ژیانا ھەڤوەلاتیان پری مەرگەسات بە و د بن خەتا ھەژاریێ دا بژین و ل سەر زبلێ رەخێن باژاران ل دانەكێ خوارنێ بگەرھن.
ھەوە كینا خوە ل ھەمبەر سەرۆك بارزانی ل 16ێ ئۆكتۆبەرێ جەرباند، لێ ھوون شكەستن و سەرشۆری ژ بۆ وە ما.
2021.03.17
