سه‌رۆکێ ده‌سته‌یا کارگێرییا مه‌کته‌با سیاسی پارتییا ده‌مۆکراتا کوردستانێ (پدک) فازل میرانیر، ۆژا شه‌میێ ۸ێ مژدارا ۲۰۲٥ێ د هه‌ڤپه‌یڤینه‌کێ دا دگەل کوردستان۲٤ێ ب ئاوایەکی توند بەرسڤا داخویانییێن سەرۆکێ یەکێتییا نئتمانییا کوردستانێ (یەنەک) ێ دا و گۆت:
– ب ڕاستی ژی شه‌رمه کو که‌سه‌کێ وەکە بافل تالەبانی سه‌رۆکێ پارتییه‌کا وەکە یەنەکێ یه. ئه‌و دیرۆکا یەنەکێ ژی نزانه و هاتیه سه‌ر ماله‌کا حازر. ڕه‌فتارێن وی ناشبن رەفتارێن سه‌رۆکێن پارتییان
– ته‌ڤی وان تۆهمه‌تێن کو سەرۆکێ یەنەکێ ئاراستەیی مە کرین، دڤێ بزانه کو ئه‌و ب خوه ل سالێن ۱۹٦٤ هه‌تا ۱۹۷۰ێ ل ده‌بابه‌یێن ئیراقێ سوار بوون و خیانه‌ت ل کوردان کر، پاشی، سالا ١٩٧٠ ب رەزیلی هاتن و داخوازا لێبۆرینێ ژ نەمر بارازانی خوەست و بارزانی ژی ب مەزانهیا خوە ئەو عەفو کرن
– ئه‌و گۆتنێن کو بافل تاله‌بانی دوهی کرنه، باڤێ وی یێ ڕه‌حمه‌تی ژی ئه‌و ئاخاڤتن نه‌کرنه و وسا نه‌فکریه. مام جه‌لال هه‌ر تم دگۆت: ئه‌ز تێکلیا خوه ب پەدەکێ را خراب ناکم. ئه‌ز پۆشمانم کو ئه‌ز د ده‌مێن بۆری دا ژ مه‌لا مسته‌فا بارزانی ڤه‌قه‌تیامه.
– ئه‌ز ماتمایی مامه کو د ناڤ یەنەکێ دا که‌سه‌ک نینە کو شیره‌تان ل بافل تاله‌بانی بکه و ژێ را ببێژه: ئه‌و داخویانیێن ته باش نینن و دێ زرارێ بدن یەنەکێ. ب ڕاستی داخویانیا وی هه‌ژی یاریپێکرنێ یه و ته‌نێ زارۆک پێ دکه‌نن.”
– یەنەک هه‌ر جار ڕه‌وشێ خرابتر دکه، لێ پەدەکە به‌ره‌ڤاژی وان ڕه‌وشێ باشتر دکه و کاروانێ ئاڤه‌دانیێن وێ به‌رده‌وامه..سیاسەتا شاس یا یەنەکێ بوو سه‌ده‌ما داخستنا بالافرخانه‌یا سلێمانیێ، لێ مه ئه‌و ڤه‌کر
– بافل تالەبانی دبێژە “ئه‌م دێ بهه‌رفینن” دڤێ ئه‌و که‌سێ کو وێ گۆتنێ دکه ژ خوه بپرسه کا ئه‌و دێ کێ بهه‌رفینه. پەدەکێ دو جاران هندی یەنەکێ جه‌ماوه‌ر و هێزا له‌شکه‌ری هه‌یه. دیرۆکا پەدەکێ ده جاران ژ یا یەنەکێ پاقژتره. ب ڕاستی ئه‌م شه‌رم دکن کو ب ئه‌ینی زمانێ وان به‌رسڤا وان بدن. ئه‌م ئاستا خوه شۆر ناکن ئاستا وان
– مە داکری و ئەم دکارن بێی یەنەکێ حکومه‌تێ ئاڤا بکن، لێ مه وسا نه‌کر. گه‌ر ئه‌م بخوازن، ئه‌م دکارن نها ژی وسا بکن، لێ یەنەک شانازیێ ب وێ یه‌کێ دکه کو وان نه‌هشت حکومه‌ت بێ ئاڤاکرن. ئاڤانه‌کرنا حکومه‌تێ د به‌رژه‌وه‌ندیا خەلکێ هه‌رێما کوردستانێ دا نینه.
– چاڤکانیێن خوه‌زایی، سەرئەر و بنئەر، ملکێ هه‌می خه‌لکێ کوردستانێ نه، نه ملکێ یەنەکێ و نه ژی یێ پەدەکێ ته‌نێ یه
