نڤیسین: سەردار ھێتوتی
ل كوردستانێ، ئۆپۆزسيونەكا ب ناڤ مافخواز و دەستهەلاتەكا كێم شەهرەزا د رێڤەبەريێ دا، خوەدان دو جەمسەرێن هزرى ژ بۆ كاركرن ل سەر مێشكێ خەلكى، تێكدانا ديوارێ جڤاكى و هەرفاندنا بەهايێن مروڤى هەموو كار و كريار كرينە. هەر ئێك ژ ڤان ژ بۆ مەرەم و مەبەستێن خوە يێن تايبەت، چ وەك حزب يان ژى وەك كەساتيێن سياسى يێن بەرژەوەندیخواز، د ناڤا حزبان دا بزاڤكرينە داكو جادەيا كوردستانێ وەك وان بڤێت بلڤينن.
لێ دەما كو ئەم لێنێرينێ د رەوشا نوكە يا كوردستانێ دا دكەين و ڤێ مەترسيا زێدە مەزن يا كو بەروكا جيهانێ و گشت مرۆڤاتيێ گرتى، ئابوورێ وەلاتێن زلهێز هەرفاندى و ڤێ ململانا نەرەوا يا ئۆپۆزسيونێ دگەل حكومەتێ ل بەر چاڤان دەینین، دێ ب زەلالى هەر تشت خوەيا بن.
حكومەتا هەرێما كوردستانێ نەشێت وەك پێدڤى د ئاست رێگريكرنا ڤى ڤايروسى دا بە، لەورا ژ نەچارى پەنايێ دبەتە بەر كەرەنتينەكرنا باژێران كو ئەڤ رەوشە هەر چەندە يا ب زيان ژى بە ژ بۆ كەرتێ ئابوورى لێ ژ بۆ كەرتێ ساخلەميێ و لەشساخيا مرۆڤێ كوردستانى يا ب مفايە.
كوۆرۆناڤايروس يێ هەى و كەس نەشێت هەبوونا وى ماندەل بكە. لێ بێ باوەريا خەلكى ل هەمبەرى حكومەتێ و دەستلێدانا ئۆپۆزسيونێ ل پشتا هندەك مروڤان ئەڤرۆ رەوش يا د مەترسيێ دا و يا پێدڤيە كو قەلەمبدەست، نڤیسكار، رِۆژنامەڤان و چالاكڤانێن مەدەنى خەمێ ژ رِەوشا ساخلەميا مروڤێ كورد بخون و ببنە پالدەرێن خەلكى كو د ناڤا مالَێن خوە دا بمينن و نەدەركەڤن هەكە چ كارەك پێدڤى نەبە و د هەمان دەم دا ژى حكومەت چیێابە ژيانا خەلكى ب گشتى راوەستينە و دڤێت رِێك ب خوەدانكاران بهێتەدان ل سەر كارێ خوە بن لێ ب مەرجێ پێگيريكرن ب گشت شيرەتێن ساخلەميێ.
ئاها دێ ل ڤى دەمێ بەرەيێ سەركەفتى خەلك بە كو ئەون دشێن هەم ئۆپۆزسيونێ و هەم ژى حكومەتێ بگوهرن يان ئاڤا بكەن.
2020.06.03
