سەبەرست بامەرنی، چاڤدێرێ سیاسی، د هەڤپەیڤینەکێ دا دگەل مالپەرێ سبەهێ، ژ بۆ کۆنگرەیێ ١٤ێ یێ پارتییا دەمۆکراتا کوردستانێ بالێ دکشینە سەر چەند مژارێن گرنگ و چەند پێشنیاران ژی ژ بۆ کۆنگرەیێ پەدەکێ بەرچاڤ دکە.
ل گۆر بامەرنی، ژ بەر کو پەدەکە خوەدی دیرۆکەک دوورودرێژە ژبەر هندی کۆنگرەیێ وێ ژی دێ پێنگاڤێن مەزن بەر ب پێش ڤە پاڤێژە و دێ وەرچەرخانەک گرنگ و ب باندۆر بە.
بامەرنی د وێ باوەریێ دایە کو کۆنگرەیێ ١٤ێ دێ گەلەک کەساتیێن بیانی دۆستێن پەدەکێ و گەلێ کورد ژ وەلاتێن جودا ژ بۆ کۆنگرەیێ ١٤ێ ب فەرمی دەعوەت بکە و دێ وێنەیەکێ ،سەرکەفتی و کاریگەر بێخە بەر چاڤێن جیهانێ
سەربەست بامەرنی د ناڤ بەرسڤێن خوە دا داخواز دکە کو رێ ژ بۆ بەشداربوونا نفشێ نوو بهێتە خوەشکرن و کو بکەڤن د سەرکرداتیا پەدەکێ دا.
پرسێن مالپەرێ سبەهێ:
ژ کۆنگرەیێ ١٣ یێ پارتییا دەمۆکراتا کوردستان هەتا نها ١٢ سال دەرباس بوون، د ناڤا ڤان ١٢ سالان دا گەلەک بوویەر قەومین و ل دەڤەرێ گەلەک گوهەرتن چێبوون. د رۆژا مە یا ئیرۆ ژی دا، دەڤەر د ناڤ کەلینێ دایە و بەر ب گوهەرتنێن مەزنتر دچە. ل باشوور ژی خەلک ب ئاوایەکی گشتی ژ رەوشا هەیە نەرازیە و گەلەک گلی و گازندە هەنە. د ناڤ ڤێ رەوشا :ئالۆز و تەژی تەڤلیهەڤی دا دێ پەدەکە کۆنگرەیێ خوە یێ ١٤ێ بکە.
١- وە چ هیڤی ژ کۆنگرەیێ ١٤ێ یێ پەدەکێ هەنە؟
٢- ل سەر ئاستا ناڤدەولەتی و جیهانی پێشنیارێن وە ژ بۆ کۆنگرەێی هەنە؟
٣- ل سەر ئاستا ناڤخوەیی، ب تایبەتی ئیدارە و حکومەتێ وە چ پێشنیار هەنە؟
٤- ژ بۆ گوهەرتنێن ناڤخوەیا پارتی و هەیکەلێ وێ هوون چ پێشنیار دکن؟
بەرسڤێن سەربەست بامەرنی:
١- دیارە پارتییا دەمۆکراتا کوردستانێ (پەدەکە) دیرۆکەکا دوورودرێژ و پر خەبات و سەروەریێن چارەنووسسازا هەیە و بێگومان دێ کونگرەیێ وێ یێ ١٤ێ ژی وەرچەرخانەکا گرنگ و کاریگەر بیت بۆ بەر ب پێشڤە.
٢- ئەز باوەر دکەم کو دێ ژ بۆ کۆنگرەیێ ١٤ یێ پەدەکێ گەلەک دۆست و هەڤالێن بییانی بێن ڤەخواندن و کۆنگرە دێ وێنەیەکێ سەرکەفتی و کاریگەر دەتە جیهانا دەرڤە.
٣- پێدڤییە گەلەک پشتگیریا حکومەتا هەرێما کوردستانێ بهێتەکرن و هندی کێماسیەک هەبیت ب زووترین دەم چارەسەرێن ریالیست و واقعبینانە بو بکەت.
٤- ئەز دبینم گەلەکا فەرە کو ئەڤ کۆنگرە گوهرینێن بابەتی د رێڤەبەریێ دا بکەت، لێ گرنگتر ئەوە کو تەکید بێتەکرن سەر بیروباوەرێن سەرۆک مەسعود بارزانی کو ریفراندۆم کری و گەلێ کوردستانێ ئازادی و سەربەخوەیی هەلبژارد، هەر وەسا ئەز دبینم کو گەلەک پێدڤییە رێ بهێتە خوشکرن بۆ بەشداربوونا نفشێ نوو، گەنجێن نوو، د سەرۆکاتیا پەدەکێ دا.
هەر بژین ب خوەشی.
