پرسگرێکێن ب بەغدایێ را و چارەسەرکرنا وان
ل گۆری من دڤێ ئه‌م ب هه‌ڤالبه‌ندێن خوه یێن کو مه حکومه‌ت ب هەڤ را ئاڤا کریە دیالۆگه‌ک جدی بکن. دڤێ پرسێ دا دڤێ ئەم ب هه‌ڤالبه‌ندێن خوه را، ئیداره‌یا ده‌وله‌تێ، را دیالۆگه‌ک جدی بێ کرن و ل سه‌ر پرسا بودجه‌یێ مه‌کانیزمه‌کا جدی بێ دانان. د وارێ دارایی دا یا کو به‌غدا دگەل هه‌رێما کوردستانێ دکه نە ل گۆر سیستەما فەدەرالیێ یە، فه‌ده‌رالیزمه‌کا وەسا ل چ دەرێن جیهانێ نینە. ئه‌ڤ نه گازنددنە، دڤێ ئه‌م رۆژه‌کێ روونن، ژ به‌ر کو ئەڤە ۲۰ سالن هه‌تا ئیرۆ ئه‌م دبێژن ئه‌م د قۆناغا ڤەگوهێز دانه. نها ده‌م هاتیه کو ئه‌م ڤان پرسگرێکان ب جدی چاره‌سه‌ر بکن. دیسان ئه‌ز نابێژم ئه‌ڤ هه‌موو سووجێ به‌غدایێ یه. گەلۆ مه پێناسه‌یه‌ک هه‌یه کا سیسته‌ما فه‌ده‌رالی چیه؟ دبە کو هندەک کارێن هەرێما کوردستانێ دکە نە ل گۆر سیستەما فەدەرالی بن، لێ تەڤگەرێن بەغدایێ ژی ل هەمبەر ەرێما کوردستانێ دەرڤەیی سیستەما فەدەرالی نە. ژ بەر هندێ دڤێ ئه‌م روونن و هه‌موو ڤان پرسگرێکان ب دیالۆگێ چاره‌سه‌ر بکن و ئیراق ب راستی ببه ئیراقه‌کا فه‌ده‌رال. د سالا ۲۰۰۳ێ دا ئه‌م ب ڤان سۆزێن خوه چوون به‌غدایێ، ل ره‌وشێ بنێرن، ژ سالا ۲۰۰۳ێ ڤه کو ئه‌م به‌شداری د ئاڤاکرنا ئیراقا نوو دا بوون، ژ ئالیێ سیاسی ڤه ژ بۆ هه‌رێما کوردستانێ زێده تشته‌ک نەهاتیە گوهەرتن. به‌ریا سالا ۲۰۰۳ئان ژی ره‌وشا مه یا نها هه‌بوو، لێ سۆزێن کو هاتن دایین کو سیسته‌م دێ فه‌ده‌رالی، ده‌مۆکراتیک و فه‌ده‌رال و هه‌تا داویێ بە، ئه‌ڤ هه‌موو ژ بۆ مه هه‌موویان هێڤی بوون کو ب راستی مه ئیراقه‌کا نوو هه‌به. ئیراق ب پرسگرێکان را رووبروو ما، پرسگرێکێن ناڤخوه‌یی هه‌بوون. ته‌رۆر پرسگرێکا هه‌ری مه‌زن یا ئیراقێ بوو. داعش ژ بۆ مه هه‌موویان کاره‌ساته‌کا مه‌زن بوو. ل هه‌رێما کوردستانێ زێده‌تری دو ملیۆن په‌نابه‌ر و زێده‌تری ۱۰۰۰ کیلۆمه‌تران سینۆرێن مه دگه‌ل داعشێ هه‌بوون و ئەم د چه‌په‌رێن پێشیێ یێ شه‌ری دا بوون. ل ئه‌نیێن شه‌ر ته‌نێ پێشمه‌رگه‌یان نێزی ۲ هه‌زار شه‌هید دانه. ل ده‌ڤه‌رێن دن ئێن ئیراقێ، ئارتێشا ئیراقێ و حه‌شدا شه‌عبی هه‌موویان شه‌هید دانه ژ بۆ پاراستنا ئیراقێ. نها ئه‌ز دفکرم، ئه‌ڤ نه گلی یه، ئه‌ڤ وه‌کی داخوازه‌کێ یه، نها وه‌ختێ وێ یه کو، دڤێ جڤینه‌ک جدی، بێیی چ مجامله، بێ کرن و پێناسه‌یه‌کا راست یا فه‌ده‌رالیزمێ و چەوانیا برێڤه‌برنا ئیراقێ هه‌به.
