ب بەلگە تێكەلیێن پكك و پاسداران
تێ زانین کو پێوه‌ندیه‌ک بهێز ناڤبه‌را پارتیا كاركەرێن كوردستانێ (پککێ) و هنده‌ک وه‌لاتێن هه‌رێمی ڕه هه‌یه. پێوه‌ندیێن پککێ ب سالانه ل گه‌ل ئیرانێ، ڕژێما سوریه و حوکومه‌تا عیراقێ هه‌یه. لێ چ جارا به‌رپرسێن پککێ ل گه‌ل به‌رپرسێن ڤان وه‌لاتان ئه‌شکه‌ره نه‌هاتنه دیتن. هه‌ردو ئالی ژی ڤێ پێوه‌ندیێ ڤه‌دشێرن. ئه‌ڤ ژی تێ واته‌یه کو، پێوه‌ندیێن هه‌یین، پێوەندیێن ئیستخباراتینه و ئه‌ڤ وه‌لات ده‌ما پێوست بە پککێ ژ بۆ به‌رژه‌وه‌ندیێن خوه ب کار تینن و ئه‌ڤ ژی بوویه سه‌ده‌مه‌ک کو پکک ژ کوردستانیبوویینێ دوورکه‌تیه و ل دژێ به‌رژه‌وه‌ندیێن خه‌تا سیاسی کوردستانی سیاسه‌تێ دکه.
نووچه‌یه‌ک کو مەدیایێ ده هاتی به‌لاڤکرن به‌لگه‌یا پێوه‌ندیێن پککێ و پاسدارێن ئیرانێ ب به‌لگه ئه‌شکه‌ره دکه.
نووچه‌یا باسنه‌وسێ د ڤێ ده‌ربارێ ده ئه‌ڤه:
ل گۆری به‌لگه‌یه‌کا نڤیسکی، د ناڤبه‌را پکک و هێزێن پاراستنا شۆره‌شا ئیسلامی یا ئیرانێ (سپاها پاسداران) ده ڕێکه‌فتنه‌ک ڤه‌شارتی هه‌بوویه.
گه‌له‌ک جاران دهات گۆتن و نها ژی تێ گۆتن کو د ناڤبه‌را پکک و سپاها پاسدارێن ئیرانێ ده پێوه‌ندی و ڕێکه‌فتن هه‌بوویه و هه‌یه. ئێدی به‌لگه‌یا ڤێ یه‌کێ ژی ده‌رکه‌ت هۆلێ.
ئه‌و به‌لگه، کو ل سه‌ر مالپه‌رێن جڤاکی هاتیه به‌لاڤکرن و ب زمانێ فارسی هاتیه نڤیساندن و وه‌ک به‌لگه‌یا “گه‌له‌کی سڕی” هاتیه نیشانکرن، نیشان دده کو د ناڤبه‌را پکک و پاسدارێن ئیرانێ ده ڕێکه‌فتنه‌ک ڤه‌شارتی هه‌بوویه.
د وێ به‌لگه‌یێ ده کو وه‌ک نامه ژ ئالیێ فه‌رمانده‌هیا سپاهێ یا ل ڕۆژهەلاتێ کوردستانێ (ئه‌و دبێژن ڕۆژاڤایێ ئیرانێ) ڤه بۆ کۆمیسیۆنا ئاسایشا نه‌ته‌وی یا پارلامه‌نتۆیا ئیرانێ هاتیه شاندن، هاتیه گۆتن کو پێوه‌ندیێن سپاهێ پاسداران دێ ب شه‌رت لگه‌ل پککێ بدۆمه.
ل گۆری وێ به‌لگه‌یێ، یه‌ک ژ وان شه‌رتان ئه‌وه کو نابه هێزێن پککێ چ جارا شه‌رێ پاسداران بکن، ئه‌گه‌ر ئه‌و ڕێکه‌فتنێ بنپێ بکن وێ چاخێ “ئالیکاریێن لۆژیستیکی و ڕاداری” ل سه‌ر وان تێ قوتکرن!
شه‌رته‌ک دن یا سپاهێ پاسداران ئه‌وه کو پکک دێ نۆبه‌داریا وان ده‌ڤه‌ر و سینۆرێن ئیرانێ بکه یێن کو د بن کۆنترۆلا پککێ ده نه.
د ڕێکه‌فتنا وان ده هاتیه ڕاگەهاندن کو ئه‌گه‌ر ئه‌ندامێن ئیرانی یێن پککێ ژ ئالیێ پاسداران ڤه هاتن گرتن دێ ڕاستی لێپرسینێ و زیندانێ بێن لێ ئه‌گه‌ر ئه‌ندامێن سووری، ترکی و عیراقی یێن پککێ هاتن گرتن، دێ چه‌کێن وان ژ وان بێن ستاندن و دیسا بۆ “ناڤه‌ندا سه‌ره‌کی” یا وێ ڕێخستنێ بێن ڤه‌گه‌راندن.
به‌لگه‌یا ڤه‌شارتی یا کو به‌حسا ڕێکه‌فتنا ناڤبه‌را پکک و پاسدارێن ئیرانێ دکه:
