ب بەلگە: مستەفا سەلیمی رادەستی ئیرانێ كریە
پشتی د رایا گشتی دا ھاتیە بەلاڤ كرن كو ئاساییشا پێنجوینێ سەر ب پارێزگەھا سلێمانیێ ڤە، ھەڤوەلاتیێ رۆژھەلاتێ كوردستانێ مستەفا سەلیمی تەسلیمی حكومەتا ئیرانێ كریە و ئیرانێ ژی ئەو ل سێدارێ دا، پێنچ پارله‌مه‌نته‌رێن کوردستانێ دەست ب لێكۆلینا سەر ڤێ پرسێ كر داكو راستیا وێ مەسەلێ ژ رایا گشتی را ئاشكەرا بكن.
وان پێنچ پارله‌مه‌نته‌ران ئه‌نجاما لێكۆلینا خوه یا دەربارێ دۆسیه‌یا مسته‌فا سه‌لیمی دا پێشکەشی پارله‌مه‌نا کوردستانێ کرن و ب ئیمزایا جیگرێ سه‌رۆکێ پارله‌مه‌نێ ژ ور ژی ژ بۆ سه‌رۆکا‌تیا ئه‌نجوومه‌نا وه‌زیران شاندن.
ل گۆر لێكۆلینا وان پێنچ پارله‌مه‌نته‌ران، مسته‌فا سه‌لیمی پشتی ڕه‌ڤینا ژ زیندانا سه‌قزێ دچە گوندێ سیاگوێزا سه‌ر ب باژارۆکێ گه‌رمکا پێنجوێن. پشتی کو ل مزگه‌فتا گوند دمینە كەسەك ب ناڤێ سیروان. ئاساییشا پێنجوینێ ئاگاهدار دکه، ئاساییش پاشی وی دبن باشماخ و ل ور کارانتینه دکن.
ل گۆر گۆتنا وان پارله‌مه‌نته‌ران، مسته‌فا سه‌لیمی به‌ری سێداره‌دانێ ژ که‌سوکارێن خوه ڕا گۆتیه كو ئەو چوویه باشوورێ کوردستانێ و ژ ور ڕاده‌ستی ئیرانێ کرنه. مالباتا وی په‌یوه‌ندیێ ب عەلی جوانمه‌ردی دكن داكو ئەو رایا گشتی ئاگادا بكە کو ڕێگریێ ل سێداره‌دانا وی بگرن. لێ به‌لێ ل ڕۆژا 2020.04.11 حكومەتا ئیرانێ مستەفا سەلیی ل سێدارێ دا.
ل ژێر ناڤەرۆكا لێكۆلینا وان پێنچ پارله‌مه‌نته‌ران
