ب وێنە دیار غەریب ل تركیێ و باكورێ كەردستانێ

پشتی کو کۆنسه‌یا سه‌رۆکاتیا کۆما جڤاکێن کوردستانێ (کەجەکە) جانژده‌ستدانا دییار خه‌ریب، ئه‌ندامێ کۆنسه‌یا سه‌رۆکاتیا کەجەکێ و دو گه‌ریلایێن پارتیا كاركەرێن كوردستانێ (پەکەکە)ێ ڕاگه‌هاند، ئالیگرێن پەکەکێ د مدیا و تۆرێن جڤاکی دا ده‌ست ب هێرشان کرن و پارتییا ده‌مۆکراتا کوردستانێ (پەدەکە) و پەدەکەیێ توهمه‌تبار دکن ب سیخووریکرن ل سه‌ر به‌رپرسێن خوه‌.

لێ ل گۆر چه‌ند وێنه‌یان خویا دبه‌ کو به‌رێ دییار خه‌ریب سه‌ردانا ترکیێ و باکورێ کوردستانێ کریه‌ و ب ئازادی د ناڤ وی وه‌لاتی ده‌ هاتووچوون کرییه‌ و دیدار و جڤین د گه‌ل ئۆسمان بایده‌میر، شاره‌دارێ به‌رێ یێ دیاربه‌کرێ و به‌رپرسێن دن ئه‌نجام دایه‌ و د ناڤ باژێری ژی دا ب ئازادی گەریایە و هاتووچوون کرییه‌.

د وێنه‌یه‌کێ دا دیار دبە كو، دییار خه‌ریب، ئه‌ندامێ کۆنسه‌یا سه‌رۆکاتیا کەجەکێ د گه‌ل مه‌حه‌مه‌د ئۆجه‌لان، برایێ عه‌بدووڵا ئۆجەلان، ڕێبه‌رێ زیندانکری یێ پەکەکێ و هه‌ڤژینا وی ل گوندێ ئامارا خویا دبه‌ و سه‌ردانا وان کریه‌ و ل باکورێ کوردستانێ و ب هه‌ڤ ڕا دانووستاندن کرنه‌.

ل گۆر ئه‌ڤان وێنه‌یان به‌، دییار خه‌ریب ب ئازادی چوویه‌ تورکیێ و ده‌ستهلاتدارێن وی وه‌لاتی هایداری وێ سه‌ردانێ بوونه‌.

چاڤدێره‌کێ کارووبارێ ترکیێ ژی ژ کوردستان 24 ڕا گۆت: “د ڕه‌وشه‌کا وه‌ها دا کو به‌رپرسه‌کێ پەکەکێ ب ئازادی ل ترکیێ هاتووچوونێ بکه‌، ته‌ڤایا زانیاریان ل به‌ر ده‌ستێن ده‌زگه‌هێن ئه‌وله‌کاری و ئارتێشا وی وه‌لاتی هه‌بوویه‌ و پێدڤی ب وێ یه‌کێ نه‌بوویه‌ که‌س سیخووریێ ل سه‌ر وی بکه‌ و ده‌وله‌ت ب خوه‌ هایداری وی بوویه‌.”

به‌رێ ژی ل سه‌ر جانژده‌ستدانا وی به‌رپرسێ پەکەکێ و دو گه‌ریلایێن وێ پارتیێ، ئاژانسا ئانادۆل یا فه‌رمی یا حکومه‌تا ترکیێ ڕاگه‌هاندبوو، ده‌زگه‌ها هه‌ولگرییا ترکیێ (میت) و ئارتێشا ترکیێ ل 27 مه‌ها بوری ل قه‌ندیلێ ئۆپه‌راسیۆنه‌ک بۆ سه‌ر بارێگه‌ها ناڤه‌ندا پەکەکێ ئه‌نجام دابوو و ژ ئه‌نجاما وێ ئۆپەراسیۆنێ، دییار خه‌ریب، ئه‌ندامێ کۆنسه‌یا کەجەکە هاته‌ کوشتن.

هه‌رچه‌نده‌ ئاژانسا ئانادۆلێ ڕاگه‌هاندبوو کو د هێرشا 27ێ مه‌ها بوری دا، ئه‌و سه‌رکرده‌یێ پەکەکێ کرنه‌ ئارمانج، لێ کەجەکێ د داخویانی یا خوه‌ دا ئاماژه‌ ب وێ یه‌کێ کریه‌ کو ل ڕۆژا 5 ئه‌ڤێ مه‌هێ، دییار خه‌ریب و دو گه‌ریلایێن پەکەکێ ب ناڤێن ده‌رڤان و شاهین به‌ر هێرشێن ئاسمانی یێن ترکیێ که‌ڤتنه‌ و جانێ خوه‌ ژ ده‌ست دانه‌.

دییار خه‌ریب مه‌حه‌مه‌د ل سالا 1973ێ ل ده‌ڤه‌را قه‌ره‌داخ ژ داییک بوویه‌، کۆلیژا زانست، پشکا فیزیایێ ته‌مام کریه‌، ل سالا 1992ێ په‌یوه‌ندی ب پەکەکێ کریه‌، ل سالا 2008ێ بوویه‌ سه‌رۆکێ پارتیا چاره‌سه‌را ده‌مۆکراتا کوردستان (پەچەدەکە)، ئه‌ندامێ کۆنسه‌یا کەجەکێ بوو.

كوردستان24