ترمپ “کوردان” ب دیپلۆماسیێ تەھدید دكە
سەرۆکێ ئەریکایێ، ترومپ، د جڤینا حوکومەتێ دە بەحسا ڤەکشاندنا ژ سوریێ کر و گۆت: د دەربارێ ڤەکشاندنێ دە، من نەگۆتیە ئەم دێ د ٤ مەھان دە یان ژی ب چ شکلی ڤەکشن. ھندەک دبێژن ئەمێ د ناڤا ٤ مەھان دە ڤەکشن، من تو تشتەک وەلێ نەگۆتیە. لێ ئەز دبێژم ئەمێ د دەمەکی دە ژ سوریە ڤەکشن.
ژ ئالیەک دن دا ترومپ بەحسا پێوەندیێن د گەل پکک/یپگێ کر و گۆت: ترکیا حەز ژ وان ناکە، لێ ھندەک دن ژ وان حەز دکن. پیچەکا پەترۆلێ د دەستێ وان دە ھەیە و وێ ژی دفرۆشن ئیرانێ. ئەم ژ ڤێ یەکێ نە رازینە. ئەو شەرڤانێن باشن. ئەم دخوازن کوردان بپارێزن، لێ ئەڤ نایێ واتەیا کو ئەمێ ھەتا ھەتایێ ل سوریێ بمینن. ئەودەڤەر مرنە.
دیندار نەجمان دۆسکی ژی، ژ باس نیوز رە دیارکر کو ئەڤە دەمەک درێژە پەترۆلێ دفروشن ئیرانێ. لێ یا گرینگ ئەوە کو ترومپ چما ئەڤ مژار ئانی رۆژەڤێ ؟ ترومپ د ئاخافتنا خوەیا دووھی دە تەرەفێن کو ل باشور و رۆژاڤایێ کوردستانێ پەترۆلێ دفرۆشن ئیرانێ ھشیار و تەھدید کرن”
ل گۆر ئاگاھدارییێن سپوتنیکێ ئەم دزانن کو ل گۆر پەیمانا د ناڤبەرا پکک-پید، دسگ و رژێما سوریا ئەسەدی را ھاتییە چەکرن؛ دێ ل حەسەکێ، رمێلان و جەبسێ د رۆژەکی دە ٥٠ ھەزار بەرمیلێن پەترۆلێ دەرێخن و ٣٠%ێ ڤێ پەترۆلێ وێ ژ رافینەرییا کو ل حوموسێیە رێبکن ویا مایی ژی ژ بۆ پێدڤییێن خوەیێن ھەرێمی ب کاربینن.
پەترۆلا کو ل رمێلان دەردکەت بەرییا کریزێ د رۆژێ دە ١٦٠ ھەزار بەرمیل بوو لێ ئیرۆ داکەتیە د رۆژێ دە ١٢ ھەزار بەرمیلان. ل جەبسێ ژی ئەڤ داکەتن ژ ٣٠ ھەزار بەرمیلان ھەتا ١٢ ھەزار بەرمیلانە. پەترۆلا کو د بن کۆنترۆلا حوکومەتێ دەیە ئیرۆ د رۆژێ دە ٢٢ ھەزار بەرمیل پەترۆل و ١٦،٥ میلیۆن م٣ خازە. پەترۆلا حوموس و پالمرا د بن کۆنترۆلا حوکومەتێ دەیە لێ ھەمی دەڤەرێن دن د بن کۆنترۆلا پکک-پید، دسگ دە نە.
تەقریبەن سالەکی بەرێ د مەھا ١٢ا ٢٠١٧ێ دە پەیمانەکا پەترۆلێ د ناڤبەرا عیراق و ئیرانێ دە ھاتبو ئیمزەکرن. ل گۆر پەیمانێ د رۆژێ دە ٦٠ ھەزار بەرمیل پەترۆلا کەرکووکێ وێ ب تانکەران ھەرە دەرییێ ئیران یا کرمانشاھێ تەسلیم ببە. شرکەتا سۆمۆ یا پەترۆلا عیراقێ دییار کربو کو پرۆژەیا وان ئەوە کو ئەو دخوازن پەترۆلا کەرکووکێ ب خەتەکی بۆرییان ببن ئیرانێ.
ل گۆر ڤێ دیمەن و تابلویا کو ئەم دبینن شەرێ کو ئیرۆ تێ کرن ھەر ل سەر کۆنترۆلکرنا پەترۆلا باشور و رۆژاڤایێ یە. ئیدیعا ئەوە کو بەشەک نە دیاریا ڤێ پەترۆلێ ب دەستێ ئیرانیا ب رێیا ینک، پکک-پید ، دسگ و داعشێ و ب رازیبونا حوکومەتا سوری ب رێیێن قەچاخ تێ فرۆشتن و ئەڤ ل حەسابێ ئەریکایێ نایێ.
