ل ترکیێ چاڤکانیێن ئهولههیێ دیار دکن کو ههتا داویا سالێ هەسەدە دێ تهڤلی ئارتێشا سووریێ ببه، ئهڤ ژی نیشان دده کو ترکیه د ڤێ مژارێ دا خوهدی ههلوهستهک زهلاله.
چاڤکانی دبێژن: “وهکی ترکیه، ئهم دبێژن، ‘هوون دێ خوه وهکی ڕێخستن هلوهشینن و ب فهردی\تاکەکەسی تهڤلی ئارتێشێ ببن. هوون ئێدی وهکی ڕێخستنهک یهکانه تهڤناگهرن. ئهڤ شهرتێ مه یه. ئهم ب تهڤاهی قهبوول ناکن کو سهرۆکاتیا بلند یا هەسەدێ بهشهک ژ حکومهتا شامێ به.”
چاڤکانیێن ئهولههیێ ب بیر ئانینا رێکەفتنا ۱۰ێ ئادارێ دیار کرن کو ههکه شهرت نهیێن بجهانین، حکومهتا سووریێ دکاره ئۆپهراسیۆنهکی بکه و ترکیه ژی دێ پشتگریێ بده ڤێ ئۆپهراسیۆنێ.
ئهردۆگان د “کۆنفهرانسا بالیۆزان” (١٦\١٢\٢٠٢٥) دا ئاخڤی و گۆت: “دڤێ رێکەفتنا ۱۰ێ ئادارێ بهێتە بجهانین. ئێریشێن ئیسرائیلێ ل پێشیا سووریێ ئاستهنگن. دیاره کی دێ ژ پارچهکرنا سووریێ سوود وهربگره.”
وهزیرێ بەرگرییێ یێ ترکیێ، گولهر، ژی دهربارێ هەسەدێ هشیاری دا و گۆت: ”ژ بۆنا کو پێڤاژۆ ب ئاوایهکی ساخلهم بخهبته و بەردەوام بە، دڤێ ڕێخستنا “تهرۆریست“ یا پەکەکێ و ههموو کۆمێن گرێدایی وێ ل ههموو ههرێمێن کو لێ نه، د سهری دا ل سووریێ، ل گۆری بریارا هلوهشاندنێ هەموو چالاکیێن خوه یێن “تهرۆریستی“ ڕاوهستینن و بێ شهرت و مهرج چهکێن خوه ڕادهست بکن.”
گولهر دیار کر کو ژ بۆ بجهکرنا دائیمی یا ئارمانجا “ترکیهیا بێ تهرۆر” ئهنتهگرهکرنا بلهز یا هێزێن چهکدار یێن ل سووریێ ب حکومهتا ناڤهندی را پێویسته و گۆت: “ئهم ژ ڕێخستنێ هێڤی دکن کو بانگێن ژ بۆ چهکدانین و ئهنتهگرهکرنێ یێن ژ هوندرێ خوه تێن ل بهر چاڤان بگره و ڤێ ڤهگوههرینێ بێیی دهرهنگمایینێ ب ئاوایهکی کو ڕێ ل بهر دهستوهردانێن دهرڤه بگره، تهمام بکه.”
گولهر دیار کر کو دهستوور نایێ دایین کو چو ئاڤاهیهک تهرۆریست کو ئاشتیا ههرێمێ دخه خهتهرێ، د بن ههر ناڤی دا بە، بهردهوام بکه. گولهر ههر وها گۆت: “هندەک داخویانی و ئانالیزێن داوی یێن د مهدیایا ناڤنهتهوهیی دا نیشان ددن کو ڕێخستنا “تهرۆریست“ یەپەگە-پەیەدە ژ هێلا ئاکتۆرێن ههرێمی ڤه وهکی ئاموورهک تێن بکار ئانین دا کو زهمینەیێ دیزاینکرنا ژیۆپۆلیتیکایەک نوو ئاماده بکه. ئهڤ ڕهوش نه تهنێ ژ بۆ سووریێ، لێ د ههمان دهمێ دا ژ بۆ ئهولههیا نهتهوهیی یا ترکیێ ژی گهفهک ڕاستهراسته.”
ئارتێشا سووریهیێ پشتی بداویبوونا دهما دیارکری یا کو ژ هەسەدێ را هاتبوو دایین، ئامادهکاریێن ئۆپهراسیۆنهک بهرفرهه تهمام کر. تێ پلانکرن کو ۷ فرقه و نێزیکی ۸۰ ههزار لهشکهر ل ڤێ ههرێمێ بهێن بجهکرن. ل گۆری پێشکهتنان، دبه کو ئهڤ ههژمار هین زێدهتر ببه و تێ گۆتن کو د ئۆپهراسیۆنێ دا چهکێن گران، ههر وها درۆن ، ههلیکۆپتهر و بالافرێن شهر ژی بهێن بکارانین. ل باسکێ دێرا زۆر، تشرین-قهرهقۆزاک، تهبقا، خهلسا، عهین عیسا و ڕهقایێ فرینێن چاڤدێریێ زێده بوونه و یهکینهیێن پێشهنگ ژی هاتنه دهستنیشانکرن.
