ل باکورێ کوردستانێ ۷ پارتی و ڕێخستنێن کوردی بریار دان کو د گه‌ل پارتیا ده‌مۆکراتیکا گه‌لان (ھه‌ده‌په) تفاقه‌کێ ئاڤا بکن و ب ھه‌ڤ ڕا به‌شداریێ د هلبژارتنێن شاره‌داریان ببن کو بریاره ڕۆژا 31.03.2019 ل ترکیێ و باکورێ کوردستانێ بێن کرن.
جارا یه‌که‌مه ب ڤێ ئاوایێ به‌رفره‌ھ پارتی و ڕێخستنێن کوردان ھه‌ڤپه‌یمانیه‌کێ ئاڤا دکن، لێ چار پارتیێن دن یێن مه‌زن یێن باکورێ کوردستابێ ل ده‌رڤه‌یی ڤێ هه‌ڤپه‌یمانێ مانه و ئه‌و چار پارتی دبێژن کو ئه‌و ناچن بن بانێ ھه‌ده‌پێ.
ھه‌ڤپه‌یمانیا نوو ھاتیه ئاڤاکرن بانگ ل کوردێن ناڤا ئاک پارتی و جهپێ ژی کرن کو ده‌ڤ ژ پارتیا ده‌وله‌تێ به‌ردن و د ناڤا ئیتفاقێ ده جهێ خوه بگرن.
پلاتفۆرما ده‌مۆکراتێن کورد، پارتیا ده‌مۆکراتا کوردستانێ (پدک-ترکیه)، پارتیا هه‌رێمێن ده‌مۆکراتیک، پارتیا ئینسان و ئازادیێ، پارتیا کۆمونیستا کوردستانێ، ددکد و هه‌ره‌که‌تا ئازادیێ د ڤێ هه‌ڤپه‌یمانێ ده جھ دگرتن.
ده‌ربارێ ڤێ مژارێ ده ئالیکارا هه‌ڤسه‌رۆکا گشتی یا ھەدەپێ، مه‌رال دانش به‌شتاش ژ ڕووداوێ ڕه وها گۆت: “د ناڤا ئاکپێ ده، د ناڤا جهپێ ده، د ناڤا پارتیێن دن ده یێن کو دبێژن ئه‌ز کوردیتیا خوه هیس دکم و دخوازم کوردیتیا خوه بپارێزم ئه‌ڤ نه ڕاسته. بلا هه‌موو بێن ته‌ڤلی ڤێ ئیتفاقێ، ته‌ڤلی ڤێ یه‌کتیێ ببن.”
ل گۆر به‌رپرسێن پارتیێن د هه‌ڤپه‌یمانێ دا، ئه‌ڤ تفاق دێ د ناڤا کوردان گه‌رماتی و ھه‌یه‌جانه‌که مه‌زن چێکه.
پارتیا سۆسیالیستا کوردستانێ (پسک) و پارتیا ئازادیا کوردستانێ (پاک) کو ل ده‌رڤه‌یی ڤێ هه‌ڤپه‌یمانێ مانه، وان بریار دان کو ب نامزه‌تێن سه‌ربخوه به‌شداریێ د هلبژارتنێن شاره‌داریاندا بکن. هاکپار و پدک- باکور کو ئه‌و ژێ ده‌رڤه‌یی تفاقا ھه‌ده‌پێ دا مانه، دێ پشتگریا نامزه‌تێن سه‌ربخوه یێن ڤان هه‌ردو پارتیان بکه‌ن. ئالیکارێ سه‌رۆکێ گشتی یێ پسکێ، بایرام بۆزیه‌ل، گۆت: “ئه‌م دخوازن نیشان بدن کو خه‌لک مەجبووری ھه‌ده‌پێ و ئاکه‌پێ نینه. ئه‌م ژ قه‌یومان ڕه ژی و ژ خه‌نده‌قان ڕه ژی دبێژن نا. ئه‌م دخوازن خوه ب ده‌ستێ خوه ئیداره بکن، ب گه‌ل ڕه خوه ئیداره بکن. دڤێ نامزه‌دێن مه خه‌تا نه‌ته‌وه‌یی ته‌مسیل بکن. دڤێ ببن ته‌رجوومانێ گه‌لێ کوردستانێ کو ژ هه‌ر ئالی ڤه د بن زه‌خت و زۆرێ ده نه. دڤێ نامزه‌دێن مه کوردی بزانبن. کورمانجی و زازاکی بزانبن
