تۆڤێن بارزانیان چاندبوون ئێدی فێقی دده
دخوازم ب ئاوه‌یه‌کی ڤه‌کری و ئاشکه‌ره دیار بکم کو مله‌ته‌ک، خه‌لکه‌ک ل گۆر ڕێڤه‌به‌ریا خوه دھێنە ئیداره‌کرن. دھێنە ب ڕێڤه‌برن و پاراستن. سه‌رکه‌تن و وه‌نداکرنێن وان ژ وێرێ دھێت…
له‌ورا ژی گرینگه کو دڤێ ئه‌م کورد ژی ل گۆر ڤێ ھندەك تشتان فێر ببن. ژ به‌ر کو پشتی تێکچوونا کۆمارا کوردستانێ ل مه‌هابادێ، هه‌می کورد ل سه‌ر ڕوویێ ڤێ جیهانا کو دۆستێن وان تێده کێم بوو، یا ژی نه‌بوون، بێ ده‌نگ مابوون، بێ هێز و یار دژیان.
ژ بۆنا کورد ژ بنده‌ستیێ، فه‌قیرتیێ و یا تالی ژ سێویتیێ ئازاد ببن. سه‌رۆکێ نه‌ته‌وه‌یی ب چووینا خوه یا سۆڤیه‌تێ ئه‌و تۆڤێن کو کورد نه‌مرن ژی چاندبوو.
ئه‌و تۆڤێن کو ژ ئالیێ سه‌رۆک بارزانی هاتبوو چاندنێ، پشتی شۆره‌شا ئیلۆنێ وان تۆڤان هێدی هێدی سه‌رێ خوه ژ ناڤ ئاخێ و ژ بن عه‌رد ده‌رخستن. شێن بوون، بلند بوون و ئێدی وێ فێقی بدنا دیار بوو. لێ ب شۆره‌شا گولانێ ئه‌ڤ هاته خه‌ملاندن.
ئارمانجا شه‌ر و به‌رخوه‌دانێن بارزانیان ئه‌و بوو کو کوردان ژ بنده‌ستیێ ئازاد بکه. لۆما بێ ڕاوه‌ستاندن هه‌تا کو ل باشوورێ کوردستانێ کورد گەهشتن هن ماف و ئازادیان، شه‌رێ چه‌کداری هه‌ر به‌رده‌وام بوو.
چ بوو، پشتی وێ ئازادیێ بوو. ژ به‌ر وان تۆڤێن بارزانیان ژ بۆنا کورد نه‌مرن چاندبوون، پشتی وێ ئازادیا (1991) کوردان ل باشوورێ کوردستانێ ب ده‌ست خستبوون، ئێدی هێدی هێدی به‌رهه‌مێن خوه ددان.
مه‌سه‌له گه‌له‌ک درێژه. ژ بۆنا مرۆڤ ڤێ هه‌می فێر ببه و بارزانیان و خه‌باتێن وان بزانبه، دڤێ مرۆڤ دیرۆکا وان باش فێر ببه، دا کو وان ژ بۆنا من، ژ بۆنا ته، ژ بۆنا مه و گه‌لێ خوه چ کرنه بێ زانین.
هه‌ر چقاسی بارزانیان، ئه‌م پشتی وێ ئازادیێ، کرن خوه‌دێ هن مافان ژی لێ ئه‌و ل وێرێ نه‌سه‌کنین و هه‌ر به‌رده‌وامیا ئانگۆ ئاڤادانا وان تۆڤێن هاتبوون چاندنێ دکرن دا کو فێقیێن وان بخون.
هه‌تا کو مرۆڤ ل ڤێ جهانێ نه‌به خوه‌دی ده‌ستکه‌فتیه‌کێ، هه‌تا مرۆڤ نه‌به خوه‌دی ده‌وله‌تا خوه و یا گرینگ هه‌تا کو مرۆڤ وه‌لاتێ خوه یێ سه‌ربخوه ڕانه‌گهینه، د ڤێ جیهانێ دا مرۆڤێ تم قه‌لس سێوی و پشتکول به.
ئه‌م نها ب هه‌ڤره شاهدێ وێ یه‌کێ نه کو، وان تۆڤێن ژ ته‌ره، سه‌رۆکێ نه‌ته‌وه‌یی و هه‌می بارزانیان ڤه هاتبوون چاندنی ئێدی به‌رهه‌مێن خوه دده.
جاره‌کێ دڤێ ئه‌م ل دیرۆکا گه‌لێ خوه یا هه‌ر چار په‌رچه‌یان بنێرن و ببینن کو هه‌تا سالا 2000 چ ده‌ستکڤتیه‌که کورده‌کی/ێ ل ڤێ جیهانێ ببا، ئه‌و وه‌که یا وان ده‌وله‌تێن داگیرکه‌رێن مه دهاتن زانین ئان وه‌ها ڕێ ددان.
لێ ب هه‌بوونا وی په‌رچێ ئازاد، ئێدی هه‌ر سه‌رکه‌فتنا کورده‌کی/ێ دبه مالێ کوردان و تێ نڤیساندن و گۆتن کو ئه‌ڤ دیاری، ئه‌ڤ سه‌رکه‌فتن، ئه‌ڤ قه‌زه‌نجکرنا کوردان دبه یا وان.
د ڤان دھ سالێن داوی دا هن کوردان ل ڤێ جیهانا کو ئێدی دۆستێن مه ژی ڕۆژ ب ڕۆژ چێ دبن، گه‌له‌ک دیاری و سه‌رکه‌فتنێن مه‌زن وه‌که کورد هاتن ب ده‌ست خستن.
ڤان سه‌رکه‌تنان چ د وارێ وه‌رزشێ (سپۆر) چ ژی د هن وارێن دن دا، ئێدی وه‌که یێن کوردانه تێنه داناسین و زانین. مه‌سه‌له درێژه و نڤیساندنا وان یه‌ک ب یه‌ک وێ ڤێ نڤیسێ گه‌له‌کی درێژ بکه. لۆما ئه‌ز ئێ ڤێ د ڤرده ببرم و هێڤیدارم وه بێ فێم کرن کو مه‌به‌ستا من چیه؟
مه‌به‌ست ڤه‌کری و زه‌لاله، ده‌ما تو هه‌به، دنیا ژی ته دناسی، ده‌ما تو ب هێز بی هه‌رکه‌س حه‌سابێ ته دکه. ده‌ما تو ل هه‌ڤ به، ڕۆژ ب ڕۆهێژ سه‌رکه‌تنێن کوردان د ڤێ جیهانێ دا تێن دیتن و زانین.
نها ژ وانا و یا هه‌ری گرینگ ئه‌وه کو ئه‌مه‌ریکا ژنه‌کا کورد ب ناڤێ هێرۆ مسته‌فا و جارا یه‌که‌م د دیرۆکا ئامه‌ریکا دا، ژ بۆنا بالیۆزا ئەمه‌ریکا ل وه‌لاتێ بولگاریایێ ژ ئالیێ سه‌رۆکێ ئەمه‌ریکا دۆنالد ترومپ ڤه هات ده‌ستنیشانکرن. ما نه ئه‌و تۆڤ با، هه‌گه‌ر ئه‌و تۆف نه‌هاتبه چاندنی گه‌لۆ وێ ئیرۆ ژنه‌کا کورد کاریبا ببا بالیۆزێ ئەمه‌ریکا ل بولگاریایێ؟
له‌ورا ژی ژ بۆنا ده‌وله‌تبوونێ دڤێ ئه‌م هه‌می کورد پتر و چالکاتر کار بکن. چ ده‌ما ئه‌م بوونه ده‌وله‌ت و کوردستانه‌که سه‌ربخوه ڕاگهاند ئاها وێ ده‌مێ کورد دێ پتر د قادا ناڤنه‌ته‌وه‌یی ده ناڤ بدن و سه‌رکه‌تنان ب ده‌ست بخن.
دڤێ ئه‌م گۆتنا سه‌رۆک مه‌سعود بارزانی یا کو گۆتبوو: ”گونده‌کی ئازاد و سه‌ربخوه ژ وه‌لاته‌کی بنده‌ست و داگیرکه‌ری باشتره”. ژ بیر نه‌کن.
ژ به‌ر ڤێ دڤێ ئێدی کورد ژی ل گۆر ڤێ گۆتنێ ته‌ڤبگه‌رن و ببینن بێ وان تۆڤێن سه‌رۆکێ نه‌ته‌وه‌یی بارزانیێ مه‌زن چاندبوو، بێ ئیرۆ چاوا ڕۆژ ب ڕۆژ، چ ل وەلات و چ ژی د قادا ناڤنه‌ته‌وه‌یی ده فێقی دده.
بووبێ ئه‌سه‌ر
2019.06.25
