کورد دڤێ ب سه‌بر و ته‌حه‌مول بن، بفکرن و بزانبن چ دێ چاوا بگه‌ره. نه‌بن قوربانا دیتنێن خوه یێن ئه‌مرواقع. تالیێ هه‌ر تشته‌ک دێ باش ئان خه‌راب بگه‌ره. ل گۆر من ئێدی تشته‌ک کوردان خه‌راب بگه‌ره زێده نه‌مایه.
کورد ل ڕۆژهلاتاناڤێن بوویه ئاکتۆرێ هه‌ری مه‌زن و ئێدی بێ وان سیاسه‌ت ل ور نایێ مه‌شاندن. کورد بوونه هێز و قوه‌ته‌ک، کورد بوونه ئاکتۆرا ئارام و ڕه‌عه‌تیا ڕۆژهلاتا ناڤین. ئه‌ڤ ژی دده زانین کو هه‌تا کورد نه‌گه‌هژه ئازادی و سه‌رخوه‌بوونا خوه دێ چ ڕه‌عه‌تی و ئارامی ژی نه‌به قسمه‌تێ ڕۆژلاتاناڤین.
لێ هه‌زار جار مخابن، سیاسه‌تمه‌دار، ڕه‌وشه‌نبیر و هنده‌ک ژ کوردان هێشتا ژی ئه‌ڤ فێم نه‌کرن و نکارن بفکرن کو بێ ئه‌و چقاسی ب هێز و قاوه‌تن. ده‌ما ته ب هێز و قوه‌تا خوه نزانی به تێ تم د ناڤا ترسێ دا بژی. ترس ژی د تالیێ دا مرۆڤ ب نه‌خوه‌شیا زه‌رکێدخوه کو ژێ خه‌لاسی ئێدی زه‌عمه‌ت دبه. دڤێ کورد ڤێ نه‌کن.
لۆما کورد نکارن بفکرن کو ئێدی بێ وان، تو پرۆبله‌م د ڕۆژهلاتا ناڤین ده نه‌ما تێنه چاره‌سه‌ر کرن. ماده‌م ڕه‌وش گه‌هشتیه ڤێ قۆناخێ دڤێ ئێدی کورد ژی خوه بگوهه‌رن، قوه‌تاخوه ببینن ل گۆر وێ ژی ببن خوه‌دی هه‌لوه‌سته‌ک نه‌ته‌وه‌یی.
دڤێ کورد ل هه‌مبه‌ر بوویه‌رێن دقه‌ومن نه‌بن خوه‌دی فکرێن ئه‌مرواقع، دڤێ باش بفکرن، باش ب پیڤێن دووڤ ڕا گۆتنا خوه بێژن. ب گۆتنێن سڤک و بێ هێڤی مرۆڤ زه‌رارێ دده خوه و نه‌ته‌وه‌یا خوه.
ده‌ور و قوناغا کو نها ئه‌م تێده‌نه گه‌له‌ک حه‌ساسه. کێمانی و شاشیه‌که ب چووک دکاره ببه سه‌ده‌ما خه‌رابوون و مالوێرانیێن مه‌زن،
د ڤێ پێڤاژۆیا کو نها ئه‌م تێ دانه، پێڤاژۆیه‌کا وه‌ها یه کو تو نکاره کێمانی و شاشیان بکه، هه‌گه‌ر ته کر ژی تێ به‌ده‌له‌کی مه‌زن ل هه‌مبه‌ر وان شاشیێن خوه بده.
ئه‌مریکا ب سالانه کو دخوازه جهێ خوه ل ڕۆژهلاتاناڤێن مه‌زن، فره‌ھ و خورت بکه. ژ بۆنا وێ هه‌تا نها به‌ده‌ل و مه‌سره‌فه‌کا گه‌له‌کی مه‌زن کری یه. نابه کو ئه‌مریکا ده‌ڤ ژ هه‌می تشتان به‌رده و هه‌ره مالا خوه وه‌که قه‌ت چ تشته‌ک نه‌بوو به.
ئه‌ڤ یه‌ک کاره‌کێ نه ئاقلانه یه. لۆما ژی دێ ئه‌مریک ڤێ نه‌که دێ ئه‌مریکا ده‌ست ژ کوردان به‌رنه‌ده. هه‌گه‌ر به‌رێ چه‌ند جاران کربه‌ژی، وێ ده‌مێ و ئه‌ڤ ده‌م نه وه‌که هه‌ڤن. فه‌رقه‌ک مه‌زن د ناڤبێرا وان هه‌یه.
هه‌گه‌ر کورد د ڕۆهلاتا ناڤێن دا نه‌بن ده‌وله‌ته‌کا سه‌ربخوه، دێ ڕه‌وشا ئیسرایل تم د خه‌ته‌رێ دا به ژ به‌ر کو ئیران و پێگرتێ وان هه‌رلێ دگه‌رن کو بێ وێ چاوا ئیسرایل ژ هۆلێ ڕاکه.
له‌ورا ژی ژ نها دا ژ بۆنا مه کوردان یا گرینگ ئه‌وه کو ئیرۆ به‌رژه‌وه‌ندیا مه و ئیسرائیلێ بوویه یه‌ک. ل سه‌ر ڤی ئاساسی وێ ئیسرائیل نه‌هێله وه‌که جارێن به‌رێ ئه‌مریکا پشتا خوه بده کوردان.
ئه‌ڤ یەك ژ بۆنا مه کوردان گه‌له‌ک گرینگه. دڤێ کورد ڤێ ڕه‌وشێ باش بخوینن و ل گۆر وێ ژی ببن خوه‌دی هه‌لوه‌ست، نه‌رین و گۆتن.
دڤێ کورد و سیاسه‌تمه‌دارێن وان هه‌ر کو بایه‌ک ڕابوو، خوه ل به‌ر وی بایێ نه‌خن، جهێ خوه ساخلەم بکن دا کو نه با و نه باهۆز نکاره وه ژ جهێ وه بله‌قینه.
دڤێ ئێدی سیاسه‌تمه‌دار و ڕه‌وشه‌نبیرێن کوردان دۆستان ببینن و ل گۆر وێ دۆستانیێ بكن. دڤێ ئێدی کورد ژی ل گۆر ڕه‌وشا نوو، خوه بگوهه‌ره و نه‌به خوه‌دیێ خوه و گۆتنێن چۆرس کو نه د به‌رژه‌وه‌ندیا گه‌لێ مه دا.
دڤێ کورد ل گۆر ڕه‌وشێ ته‌ڤبگه‌رن ببن خوه‌دی هه‌لوه‌ست و ژ بیر نه‌کن کو ئیرۆ ل ڤێ جیهانێ هه‌ر تشته‌ک ل سه‌ر ئەساسێ به‌رژه‌وه‌ندیان دمه‌شه. هه‌رکه‌س ل گۆر به‌رژه‌وه‌ندیا خوه ته‌ڤدگه‌ره و دڤێ ئه‌م کورد ژی ل گۆر به‌رژه‌وه‌ندیا گه‌لێ خوه ته‌ڤبگه‌رن.
ب گۆتنێن ب چووک، ب هه‌لوه‌ستێن ئه‌مرواقع ئه‌م دلێ دۆستان ژ خوه سار نه‌کن. هنده‌کێ ئارام بن ل ڕه‌وشێ ته‌ماشه بکن کو بێ به‌رب کو دا دهاره.
دڤێ کورد ئێدی نه‌ترسن. ژ به‌ر کو دۆستێ وان ئێ هه‌ری قه‌دیم د ڕۆژا ئیرۆ دا، د ڤێ ڕۆژا ته‌نگ و ئاسێ دا ئه‌مریکا و ئیسرائیله. دڤێ ئه‌م ژ بیر نه‌کن وێ ئەڤ جامێرانە ده‌وله‌ته‌که کوردی بۆ مه کوردان دامه‌زرینن. لۆما دڤێ ئه‌م ئارام بن و ل به‌ندا وێ ڕۆژێ بن..
هه‌ر چقاسی ئیسرائیل بێده‌نگ ژی خویا دکه، لێ ئه‌و دێ چ جاران ده‌ستێن دۆستێ خوه یێن کورد به‌رنه‌ده. ئه‌ڤ ئێدی زەلال و ئاشکه‌ره یه.
تێکچوونا کوردان ل ڕۆژهلاتا ناڤێن، تێکچوونا ئه‌مریکا، ئیسرائیل و هه‌می ئه‌ورۆپیانه. له‌ورا ژی ب وان ته‌نێ ژی بمینه دێ کوردان بکن خوه‌دی ده‌وله‌ت- ژ نها و شووندا ئێدی گاڤ نه‌ما ب پاشڤه تێ ئاڤێتن.
ها وێ چ ده‌مێ ڤێ بکن؟ هه‌تا کو ڕه‌وش مناسب بوو. ژ به‌ر کو د ناڤا ڤێ ته‌ڤلهه‌ڤی و قرێژیا ڕۆژهلاتا ناڤێن هه‌لوه‌ست و کریارێن ئه‌مرواقع وێ زه‌رارێ بده مه کوردان. هه‌ر تشت ب ئارامی ب سه‌برێ دێ بکه‌مله…
لێ دڤێ ئێدی کورد ژی خوه ته‌ڤبدن. فرسه‌تا که‌ت ده‌ست به‌رنه‌دن. ژ بۆنا ڕاگەهاندنا ده‌وله‌تا خوه یا سه‌ربخوه دڤێ پیچەكێ له‌زێ بکن…
ژ بیر نه‌کن هه‌گه‌ر سەدام نه‌که‌تبا کووه‌یتێ دبوو کو ئیرۆ باشوورێ کوردستانێ نه د ڤێ ڕه‌وشێ دا با.
لۆما دڤێ ئه‌م ب سه‌بر و ئارام ل مه‌سه‌لێ بنێرن، وێ سبێ چ بێ سه‌رێ ترکان هێ نه دیاره.
بووبێ ئەسەر
2019.10.10
