جوندیانی دێ بێژه: حزبا ئا یان ب ئیعتیرافێ پێ بکه یان نا ئه‌ڤ تشته‌ک دنه، لێ به‌لێ هه‌موو جیهان دزانه و ئیعتیراف دکه کو کاک مه‌سعود ئێکانه سه‌رۆکێ بێرکابه‌ر و ب کاریزمایه ل کوردستانێ کو هه‌تا نها مایه. ئه‌ز نزانم پشتی ۱۰-۱۵ سالێن دن کی دهێت و دچه ئه‌ڤ جودایه، لێ به‌لێ پارتی برایێ مه‌زنه و کاک مه‌سعود ژی ئێکانه سه‌رۆکێ کاریزما و بێ رکابه‌ره نها ل کوردستانێ.
ئازاد جوندیانی، سه‌رکرده‌یێ به‌رێ یێ یه‌کێتیا نشتمانیا کوردستانێ، د هه‌ڤپه‌یڤینه‌کا خوه دا دگه‌ل ڕادیۆیا ده‌نگێ ئه‌مریکا به‌حسا ڕه‌وشا باشورێ کوردستانێ و پێکانینا حکومه‌تا هه‌رێما کوردستانێ دکه و دبێژه کو، ل هه‌رێما کودستانێ که‌س نکاره دویداره‌ییێ ئاڤا و دروست بکه. ب ته‌نێ وه‌لاتێن جیران دکارن وێ یه‌کێ بکن. ئیران دخوازه باخچه‌یه‌کێ تمام ڤه‌کری ل سلێمانیێ هه‌به، یه‌کێتی ب ئاگاداریا ئیرانێ داخواز و شه‌رتێن خوه یێن پێکانینا کابینه‌یا نوو یا حکومه‌تا هه‌رێما کوردستانێ زێده دکه.
ل گۆر جوندیانی، ئه‌گه‌ر هه‌تا ۱ئێ نیسان، یه‌کێتی هه‌ر ب ڤی ئاوایی به‌رده‌وام به، پارتیا ده‌مۆکراتا کوردستانێ دێ ل خوه ڤه‌گه‌ره و دێ یه‌کێتیێ ل پاش، ل ده‌رڤه، بهێله و دێ وان وه‌زاره‌تێن ژ بۆ پشکا یه‌کێتیێ ده‌ستنیشان کرنه یان دێ ڤالا بهێله یان ژی دێ ب وه‌کاله‌ت برێڤه ببه کو ئه‌ڤ ژی ژ بۆ یه‌کێتیێ دێ ترسناک به، نه ژ بۆ پارتی و گۆرانێ، ژ به‌ر هندێ دڤێ یه‌کێتی د ناڤا ڤان ۱۰ ڕۆژان دا خوه سافی بکه و گریێن خوه یێن ناڤخوه‌یی ڤه‌که چونکی ئه‌و دێ زیانێ ببینه. هه‌ر که‌س دزانه یه‌کێتی ئاسته‌نگان ژ پێکانینا حکومه‌تێ ڕا چێ دکه، ژ به‌ر پرسگرێک و ناکۆکیێن ناڤخوه نکاره بریارێ بده.
ئازاد جوبدیانی دبێژه کو یه‌کیتی گه‌له‌ک مه‌غرۆر ببوو، دخازه شه‌رتێن خوه فه‌رز بکه و دڤێ ئه‌و دفنبلندیا وێ بشکێ، د ناڤا ڤان چه‌ند مه‌هان دا پارتی گه‌له‌ک ب سه‌بر و ته‌حه‌مول ب ئاوایه‌کی ئه‌رێنی دگه‌ل یه‌کێتیێ ته‌ڤگه‌ریا. ده‌ستێ پارتی ڤه‌کریه، ب تایبه‌تی پشتی ڕێکه‌فتنا دگه‌ل ته‌ڤگه‌را گۆرانێ، دکاره حکومه‌تێ ئاڤا بکه. لێ ته‌ڤی ڤێ ژی دخوازه دگه‌ل یه‌کێتیێ ژی ل هه‌ڤ بکه و یه‌کێتی ژی ئاسته‌نگان ده‌ردخه پێش.
ئه‌گه‌ر هژمارا کورسیان و هژمارا ده‌نگان و هه‌بوونا سه‌رۆکه‌کی خوه‌دی کاریزاما وه‌که کاک مه‌سعود بارزانی حساب بکه‌ی، پارتی برایێ مه‌زنه، و برایێ مه‌زن ژی دڤێ هنده‌ک سۆز ژ بۆ برایێن بچووک هه‌به. کاک مه‌سعود ئێکانه سه‌رۆکێ بێرکابه‌ره و ب کاریزمایه کو هه‌تا نها ل کوردستانێ مایه لێ مرۆڤ نزانه هه‌تا پشتی ۱۰-۱۵ سالێن دن کی دهێت و دچه. پارتی و کاک نێچیرڤان بارزانی ده‌رفه‌ت ژ یه‌کێیتێ ڕا دا داکو ل وان ده‌ڤه‌رێن ڕاستی قه‌یرانا بێباوه‌ریێ هاتبوو د ناڤ سه‌ماوه‌رێ خوه دا جاره‌کا دن ڕابه سه‌ر لنگان وه‌ره سه‌ر قوه‌تا خوه.
ژ بۆ خاندنا ھەموو ھەڤپەیڤینێ لینكا ل خوارێ ڤەكە
