ڕۆژا ٢٦\١\٢٠٢٥ێ ل پرتووکخانه‌یا کوردی یا ل وه‌لاتێ سوید ل باژارێ ستۆکهۆلمێ جڤینا داناسینا به‌رهه‌ما نڤیسکارێ باکورێ کوردستان یا بووبێ ئه‌سه‌ر یا ب ناڤێ ڕێباز، پێک هات.
جڤین ژ ئالیێ سه‌رهاد ئه‌سه‌ر ب یه‌ک ده‌قێ ڕاوه‌ستیان ژ بۆنا ڕێزگرتنا ل شه‌هیدێن کوردستانێ هاته ڤه‌کرن. پشتی ئاخاڤتنه‌کا کورت و ب خێرهاتنا مێڤانان وی گازی هالووک ئاگرین کر کو ئاخافتنا خوه یا ل سه‌ر ڕێبازێ بێژه. پشتی بداویهاتنا ئاخاڤتنا هالووک ئاگرین، سه‌رۆکا یه‌کتیا نڤیسکارێن کورد ل سوێدێ، نه‌سرین ڕۆژکان، ئاخافتنا خوه کر.
پاشی نڤیسکارێ کتێبێ، بووبێ ئه‌سه‌ر، و رێڤەبرێ جڤینێ برێز نسرەت حاجی ژ بۆنا ڕێڤه‌برنا جڤینێ جهێ خوه گرتن. جڤینێ ب شۆره‌ڤه‌کا کن، تێبنی و پرسێن نسرەت حاجی و به‌رسیڤێن نڤیسکار داوی لێ هات.
پشتی هه‌ردو برێزان، پرس و تێبنیێن به‌شداران هاتنه وه‌رگرتن و گوهداریکرن. بەرسڤا ڕه‌خنه‌یێن وان هاتن دان. جڤین ب ڕەنگه‌کی ب ئاوایه‌کی باش و سه‌رکه‌تی داوی لێ هات.
ژ بۆنا بێهنڤه‌دانێ ڤه‌خوارنا چای، قاهوه و ئیمزه‌کرنا پرتووکێ داوی ل جڤینێ هات.
وه‌که تێ زانین، نڤیسکارێ کورد، بووبێ ئه‌سه‌ر، کتێبا خوه یا ب ناڤێ (رێباز) نڤیسیه و د ڤێ کتێبێ دا گه‌له‌ک ب به‌رفره‌هی به‌هسا پره‌نسیپ و بنگه‌هێن ڕێبازا بارزانی دکه.
کتێب ب کورمانجیا هه‌رفێن لاتینی ب به‌رفره‌هی ل سه‌ر ڕێبازا پیرۆز نڤیسیه کو هه‌تا نوها گه‌له‌ک کێم ب کورمانجیا هه‌رفێن لاتینی ل سه‌ر ڕێبازێ هاتیه نڤیسین. ئه‌ڤ به‌رهه‌م ب ته‌نێ به‌هسا ڕێبازێ ژ ئالیێ نه‌ته‌وه‌یی و کوردبوون و ده‌وله‌تبوونێ ڤه ناکه، لێ ل سه‌ر چه‌ند وارێن ژیانێ و جڤاکی پارڤه دبه و هه‌ر به‌شه‌کی ب به‌رفره‌هی شرۆڤه دکه، وه‌ک میناک؛ د ڕێبازێ دا ژینگه‌ه، د ڕێبازێ دا پێکه‌ڤه‌ژیان، د ڕێبازێ دا زمان، د ڕێبازێ دا وه‌کهه‌ڤی، د ڕێبازێ دا ژن، د ڕێبازێ دا سۆز و قه‌رار، د ڕێبازێ دا تفاق و د ڕێبازێ دا ئالا و د ڕێبازێ دا خوه‌نه‌چه‌ماندن و گه‌له‌ک وارێن دن د ناڤا ڕووپه‌لێن خوه دا همبێز دکه
