سیاسی

جڤینەك گەلەك گرنگ ل ھەولێرێ ب وێنە

ژان- ئیف لودریان  وه‌زیرێ ده‌رڤه‌ یێ فەرانسایێ، ب سه‌رۆکاتیا شانده‌یه‌کێ کو ژ بالیۆزێ فرانسایێ ل به‌غدایێ و کۆنسولێ وی وه‌لاتی ل هه‌ولێرێ پێکاتبوو، ڕۆژا 14.01.2019 ێ ب سه‌ردانه‌که‌ فه‌رمی گەهشتن هه‌ولێرێ و ژ ئالیێ نێچیرڤان بارزانی سه‌رۆکوه‌زیرێ کوردستانێ ڤه‌ هاتن پێشوازی کرن.

د جڤینه‌کێ ده‌ سەرۆكوەزیر دگەل وەزیرێ دەرڤە یێ فەرانسایێ  ڕه‌وشا سیاسیا عیراق و باشوورێ کوردستانێ گۆتووبێژ کرن و به‌هسا پێکانینا حکومه‌تا نوو یا عیراقێ و دانووستاندن و هه‌ولێن پێکانینا کابینه‌یا نوو یا حکومه‌تا هه‌رێما کوردسانێ هات کرن.

وه‌زیرێ ده‌رڤه‌ یێ فرانسایێ پشته‌ڤانیا وەلاتێ خوە ژ بۆ باشوورێ کوردستان و خوه‌سته‌کا وه‌لاتێ خوه‌ یا ژ بۆ گه‌شکرنا تێکه‌لیێن ب  کوردستانێ ڕه‌ نیشان دا و هێڤیا زێده‌تر پێشکه‌تن و ژیانه‌که‌ باشتر  ژ بۆ کوردستانێ خوه‌ست.

نێچیرڤان بارزانی سپاسیا پشته‌ڤانیا به‌رده‌واما فەرانسایێ ژ بۆ کوردستانێ کر کو د شه‌رێ دژی ته‌رۆرێ و د چارچۆڤه‌یا هه‌ڤپه‌یمانیا ناڤده‌وله‌تی ده‌ ئالیکاری پێشکه‌ش کرن. ڕۆلا سه‌رۆک ماكرۆن سه‌رۆکێ فەرانسایێ بلند نرخاند کو د ده‌مێن سەخت ودژوار ده‌ پشته‌ڤانیا کوردستانێ کر و ده‌ریێ دپلۆماسییێ ل پێش کوردستانێ ڤه‌کر و هه‌ولێر و به‌غدا پالدان کو هه‌موو پرسگرێکێن خوه‌ ب دیالۆگێ چاره‌سه‌ر بکن.

وەزیرێ دەرڤە یێ فەرانسایێ د چارچۆڤەیا سەردانا خوە یا بۆ باشوورێ كوردستانێ دێ دگەل سەرۆك مەسعود بارزانی و دگەل كاندیدێ پارتی ژبۆ پێكانینا حكومەتا نوو یا كوردستانێ مەسرور بارزانی بجڤە.

فەرانسا یەك ژ وان وەلاتانە كو تێكەلی و دۆستینیەك دیرۆكی دگەل خەلكێ كوردستانێ ھەیە و ھەما بێژە لسەر دەما ھەموو حكومەتێن وی وەلاتی دەستێ ھاریكاریێ ژ خەلكێ كوردستانێ رە درێژ كریە. پشتی خیانەتا 16ێ ئوكتۆبەرا سالا 2017ێ یا كو ژ لایێ گرۆپەكە ناڤ یەكێتی ھاتیە كرن، باشوورێ كوردستانێ كەتە د رەوشەك گەلەك دژوار و ئالۆز دە و كەتە بن بارێ دوورپێچێن ئابۆری، ئھا د وێ رەوشا سەخت دا سەرۆك ماكرۆن سەرۆكێ فەرانسایێ رێیێن دپلۆماسی ل پێش حكومەتا كوردستانێ ڤەكرن و ئەو یەك بۆ ئەگەرا كوردستان ڤەگەرە رەوشا خوە

Back to top button