سهرۆک بارزانی مێڤانداریا بالیۆز تۆم باڕاک، نوونهرێ تایبهتی یێ سهرۆکێ ئامهرکا بۆ کارووبارێن سووریێ، مهزلووم ئهبدی فهرماندهیێ گشتی یێ هێزێن سووریا دهمۆکرات و محهمهد ئیسمائیل سهرۆکێ ئهنەکەس-ێ کر.
ڕۆژا شهمیێ، ۱۷.۰۱.۲۰۲٦ئان، ل پیرمامێ، سهرۆک مهسعود بارزانی مێڤانداریا جڤینهکا گرینگ یا د دەربارێ رەوشا رۆژاڤایێ کوردستانێ کر کو تێدا هەر یەک ژ: بالیۆز تۆم باڕاک، نوونهرێ تایبهتی یێ سهرۆکێ ئامهریکایێ ژ بۆ کارووبارێن سووریێ، وهندی گرهئهن، کۆنسولا گشتی یا ئامهریکایێ ل ههولێرێ، گهنارال کهڤن لامبهرت، فهرماندارێ هێزێن ئامهریکایێ ل سووریێ، کۆلۆنهل زاکاریا کۆرک، و گهنارال مهزلووم ئهبدی، فهرماندارێ گشتی یێ هێزێن سووریا دهمۆکراتیک (هسد)، و محهمهد ئیسمائیل، سهرۆکێ ئهنجوومهنا نشتمانی یا کورد ل سووریێ (ئهنکس) بەشدار بوون.
د ههڤدیتنێ دا، سهرۆک بارزانی ب گهرمی بخێرهاتنا ههموو ئالیان کر و سپاسیا وان کر کو د ڤێ ڕهوشا تایبهت دا د ڤێ جڤینا دەربارێ بەرقەرارکرنا ئاشتییێ و ڕێگرتن ل بەرفرەهبوونا شەر و زێدەبوونا توندووتووژیان ل رۆژاڤایێ کوردستانێ و سووریەیێ ، ئامادە بوون. سهرۆک بارزانی تهکهز ل سهر گرینگیا دیالۆگ، ئارامی و پێکڤهژیانێ د سووریهیا نوو دا کر.
ههر د ڤێ ههڤدیتنێ دا، بالیۆز تۆم باڕاک ب نوونهرایهتیا ئامهریکایێ سپاسیا سهرۆک بارزانی کر ژ بۆ ڤێ مێڤانداری و جڤینێ و پشتهڤانیا وی یا بهردهوام ژ بۆ چارەسەرکرنا پرسگرێکان ب رێیا دیالۆگ و ئاشتییێ.
پاشی، ئامادهبوویان ل سهر چهند مژاران گۆتووبێژ و دانووستاندنا بیر و ڕامانان کرن و ژ بۆ پێکانینا ئارامیێ بالکشاندن ل سهر چهند پێنگاڤێن کرداری.
