جه‌میل بایک، ل سەر رەشا چەکدانینا پەکەکێ ژ بۆ کانلەکێ سەر ب پەکەکێ ڤە داخوویانیه‌ک بالکێش دا. بایک د داخویانییا خوە دا وه‌شاندنا ڤیدیۆیا ڕێبه‌رێ پەکەکێ ئەبدولا ئۆجەلان، پشتی ۲٦ سالان، وه‌که گاڤه‌که “پر گرینگ” دیت و ته‌که‌ز کر کو مه‌راسیما سه‌مبۆلیک ئا چه‌کدانینێ یا ۱۱ێ تیرمه‌هێ ژی ل سه‌ر بانگا ئۆجەلان بوو.
بایک گرینگیا دامه‌زراندنا کۆمیسیۆنا ل مه‌جلیسێ ده‌ستنیشان کر، لێ هشیاری دا کو نابه کارێ وێ ته‌نێ ببه چه‌کدانینا پەکەکێ. هه‌روها گۆت، “یا گرینگ، ب یاسایێن ده‌مۆکراتیک نه‌هشتنا بنگه‌ها شه‌رێ چه‌کداری یه. ئه‌گه‌ر ئه‌ڤ بنگه‌ه ڕانه‌به، پەکەکە چه‌کێن خوه ده‌ینه ژی، دێ کۆمه‌که دن چه‌کان هلگره.”
جه‌میل بایک مه‌رجێن پەکەکێ یێن ژ بۆ چه‌کدانینێ ب ئاوایه‌کی زه‌لال ڕێز کرن و وها ئاخڤی: “ئه‌گه‌ر ترکیه د مه‌رجێن ئۆجەلان دا گوهه‌رتنێ بکه، ته‌جریدێ ڕاکه، ئۆجەلان بکاره ب ئاوایه‌کی ئازاد کار بکه و ب هه‌موو ئالیان را بکه‌ڤه ناڤا تێکەلییان و یاسایێن پێویست یێن ده‌مۆکراتیک بهێنە ده‌رخستن، وێ ده‌مێ ئه‌م دکارن چه‌کێن خوه ده‌ینن. ئه‌گه‌ر نا، که‌س نکاره ژ مه بخوازه کو ئه‌م چه‌کێن خوه ده‌ینن.”
به‌رپرسێن پەکەکێ داخوویانیێن کو هه‌ڤناگرن ددن. بایک ژ ئالیه‌کی ڤە بهحسا بریارا ئۆجەلان دکە ب گاڤەک گرینگ دزانە و ژ ئالیەک دن ڤە ل دژی تشتێن کو ئۆجەلان دبێژه داخویانییا ددە.
ده‌ڤله‌ت باخچه‌لی ڤەکری دبێژه کو، وان تو بازار ل گه‌ل ئۆجەلان نه‌کریه. دانوستاندنه‌ک هه‌یه و د پرۆژه‌یا “ترکیا بێ ته‌رۆر”دا پەکەکێ خوه هلوەشاند و وەکە گاڤەک سه‌مبۆلیک ژی د مەراسمەکێ دا چەکێن خوە شەوتاندن.
لێ بایک ژ بۆ چه‌کدانینێ بهحسا هنده‌ک مه‌رجان دکە. هه‌روه‌ها یا بالکێش ئه‌وه کو، بهحسا ته‌جریتا ئۆجەلان دکە. ته‌جریتا ئۆجەلان وه‌ک هێجه‌ته‌کی تینن ڕۆژه‌ڤێ. گه‌لۆ که‌سه‌ک د زیندانێ د ته‌جریتێ دا به، چه‌وا دکاره ئه‌وقاس چالاکیان بکه؟ ئه‌ڤ گه‌له‌ک بالکێشه. ئۆجەلان ب خوه ناخوازه ژ ئیمرالی ده‌رکه‌ڤه. ئۆجالان دترسه. لێ هه‌رکس دزانه و بایک ژ هه‌رکه‌سی باشتر دزانه کو چو ته‌جریت ل سه‌ر ئۆجەلان نینە.
هەر کەس دزانە کو جەمیل بایک گرێدایێ ئیرانێ یه. ئه‌گه‌ر ب داخوازا ئیرانێ نه‌به بایک نکاره خوه بله‌پتینه. ئیران ژی ناخوازه پەکەکە خوه بێچه‌ک بکه. پەکەکە سه‌ناریۆیه‌کا ئامادەکری دله‌یزه، یانی حه‌نه‌کێن خوه ب ڤی مله‌تی دکن. هه‌ر ڕۆژ ب ئاوایه‌کی داخوویانیان ددن.
