سەرۆکوەزیرێ حکومەتا هەرێماکوردستانێ ل رۆژا ١٦\٣\٢٠٢٥ێ ل باژارۆکێ پیرمام یێ سەر ب هەولێرێ ڤە، دگەل سەرۆکێ یەکێتییا نشتمانییا کورساتانێ ل سەر چەوانییا پێکانینا کابینەیا نوو یا حکومەتا هەرێما کوردستانێ جڤیان.
مەسروور بارزانی سەرۆکوەزیرێ هەرێما کوردستانێ و بافل تالەبانی سەرۆکێ یەکێتییا نشتمانییا کورساتانێ پشتی جڤینا خوە یا ل پیرمامێ دەرکەتن پێشبەری مەدیایێ و ب داخویانیەک کورت بەحسا ناڤەرۆکا جڤینا خوە کرن.
بافل تالەبانی سەرۆکێ یەکێتییا نشتمانییا کوردستانێ گۆت کو جڤینا وان گەلەک باش و ئەرێنی بوو و ل سەر چەند خالێن گرنگ و ستراتەژیک کو د خزمەتا گەلێ کوردستانێ دا بوون ل سەر دانووستاندن کرن. هەروەسا بافل گۆت کو دێ جڤینێن وان بەردەوام بن هەتا د دەمەک زوو دا کابینەیا نوو یا حکومەتا هەرێما کوردستانێ پێکبینن.
مەسروور بارزانی سەرۆکوەزیرێ هەرێما کوردستانێ د داخویانیا خوە دا گۆت: ئه‌ڤ دو جارن ئەم ژ بۆ نێزیکبوون و گۆتوبێژکرنا پرسگرێکێن کو ژ بۆ گه‌لێ کوردستان و هه‌رێما مه ب گشتی گرنگن، جڤینێن باش و ئه‌رێنی دکن. پێشکەفتن و لهەڤتێگەهشتنا باش ل سەر وان مژاران هەبوو و ئه‌ز هێڤی دکم کو شاندەیێن مە یێن دانوستاندنان ژی هەر ب وێ روحێ بگەهنە ڕێکه‌فتنه‌کا ته‌ڤاهی ل سه‌ر پێکانینا حکومەتا نوو د دەمەک نێزیک دا، دا کو گه‌لێ کوردستانێ ژ پێشکه‌فتنا دانووستاندنێن د ناڤبه‌را مه دا دلخوه‌ش ببە.
وەکە تێ زانین د هلبژارتنێن پارلەمانتۆیا کوردستانێ دا ل رۆژا ٢٠\١٠\٢٠٢٤ێ پەدەکێ ٣٩ کورسی، یەنەکێ ٢٣ کورسی ب دەست ئانی بوون.
