خوه‌پێشاندانێن ل ئیرانێ ژ کۆنترۆلێ ده‌ردکه‌ڤن

خوه‌پێشاندانێن ل ئیرانێ، کو ژ به‌ر نزمبوونا نرخێ دراڤێ ئیرانی ل هه‌مبه‌ر دراڤێن بیانی و پرسگرێکێن ئابۆری ده‌ست پێ کرنه‌، بەرفرە دبن.

د ئه‌نجاما خوه‌پێشاندانێن ئابۆری یێن کو ل ته‌هرانێ ده‌ست پێ کرن و ب له‌ز ل گه‌له‌ک باژاران به‌لاڤ بوویین دا هه‌تا نها ٥ که‌سان ژیانا خوە ژ داست دایە. ل پارێزگه‌ها لورستانێ، ئێریشه‌ک ل سه‌ر قه‌ره‌قۆله‌ک پۆلیسان بوو سه‌ده‌ما کوشتنا ٣ که‌سان و برینداربوونا ۱۷ که‌سان. هێزێن ئه‌وله‌هیێ ته‌دبیرێن خوه‌ ژ بۆ کۆنترۆلکرنا ڕه‌وشێ توند و زێده‌ کرنه‌. خوه‌پێشاندانێن کو ژ به‌ر نزمبوونا نرخێ دراڤێ ئیرانێ ل هه‌مبه‌ر دراڤێن بیانی و پرسگرێکێن ئابۆری ب ڕۆژان به‌رده‌وام دکن، ڕۆژ ب ڕۆژ به‌رفره‌هتر دبن‌.

د په‌ڤچوونێن ب هێزێن ئه‌وله‌هیێ را پێنج که‌س هاتنە کوشتن، د هه‌مان ده‌مێ دا ئێریشه‌ک ل سه‌ر بنگەهەک پۆلیسان ل پارێزگه‌ها لورستانێ بوو سه‌ده‌ما کوشتنا ۳ که‌سان و برینداربوونا ۱۷ که‌سان.

خوه‌پێشاندانێن ل هەمبەر رەوشا خرابی و تێکچونا ئابۆری و بلندبوونا بوهایێ کەلووپەلان و زێدەبوونا تێچویێن ژیانێ کو ل ته‌هرانێ ده‌ست پێ کرن، ب له‌ز گەهشتە گەلەک باژاران ل سەرتاسەری ئیران. ڕۆژا پێنجشه‌مێ، هاته‌ ڕاگەهاندن کو د خوه‌پێشاندانێن ل ڕۆژاڤا و باشوورێ ڕۆژاڤایێ ئیرانێ دا پێنج که‌س هاتنە کوشتن و گه‌له‌ک که‌س بریندار بوونه‌.

ل گۆر گەلەک چاڤکانییان خوه‌پێشاندانێن ل ئیرانێ ژ کۆنترۆلێ ده‌ردکه‌ڤن! هه‌ژمارا کوشتیان زێده‌ دبه‌

ل گۆری نووچه‌یێن داوی، هندەک ژ خوه‌پێشانده‌رێن، ب چه‌کان ئێریشی بنگەهەک پۆلیسان کرن. د په‌ڤچوونێن پشتی وێ دا سێ که‌سان ژیانا خوه‌ ژ ده‌ست دا و ۱۷ که‌س ژی بریندار بوون.

داخویانیا په‌زشکیان

سه‌رۆککۆمار مه‌سعود پزشکیان دیار کر کو دڤێ بهێتە قه‌بوول کرن کو حکومه‌ت به‌رپرسیارێ زه‌حمه‌تیێن ئابۆری یه‌، لێ دیار کر کو ئه‌و ژ بۆ سڤککرنا نەرازیبوونا ڕایا گشتی گاڤان داڤێژن. پزشکیان گۆت، “ئەگه‌ر خەلک نه‌رازی بن، سووجێ مه‌ یه‌. ل ئەمریکا یان یێن دن سووجداریێ نه‌گه‌رن. به‌رپرسیاری ل سه‌ر مه‌ یه‌.”

سه‌رۆککۆمارێ ئیرانێ د گۆتاره‌کێ دا ڕاگەهاند کو وان بریار دانه‌ کو داوی ل پراکتیکا دایینا په‌ره‌یێن بیانی ب ڕێژه‌یه‌ک نزم کو ژ هێلا ده‌وله‌تێ ڤه‌ ژ بۆ هندەک به‌رهه‌مان هاتی ده‌ستنیشانکرن، بینن.