ژ بۆ دوران کالکان، جارێ تو خوه فێری کوردی بکه پشترا ل سه‌ر سییاسه‌تا نێچیرڤان بارزانی باخڤه،
ته‌نیا کوردی
دوران کالکان یان باشتر بێژم (عباس) کو ئه‌ندامێ ده‌سته‌یا رێڤه‌به‌ریا پەکەکێ یه، دیسا ل سه‌ر پەدەکێ و کاک نێچیرڤان بارزانی داخویانییه‌ک دا، کالکان د داخویانیا خوە دا به‌هسا داوی سەردانا سه‌رۆکێ هه‌رێما کوردستانێ ژ بۆ ترکیێ دکه و هێرشه‌کا نه‌ره‌وا دکه و دبێژه: “ئه‌رێ نێچیرڤان بارزانی تشته‌ک ژ سییاسه‌تێ و کوردایه‌تییێ فێم دکه دچه ترکیێ..” وه‌ک هه‌ر جار کو پیشەیا وانە، کالکان ب کۆمه‌کا گۆتنێن کرێت بێرێزیێ دکە و تۆمه‌تان چێدکە …
ئه‌م د به‌رسڤێ دا دبێژن: دوران کالکان، کاک نێچیرڤان بارزانی سه‌رۆکێ هه‌رێما کوردستانێ یه، ئه‌و کاره‌کته‌ره‌ک جیهانییه کو شرعییه‌تا دپلۆماسی هه‌یه، ئه‌و ده‌ما چوی بریتانیایێ، وه ل بیره، ل وێ ده‌رێ ل پێشییا هه‌می جیهانێ سه‌رۆکوه‌زیرێ بریتانیایێ گۆت ئه‌ڤە نێچیرڤان بارزانی یه، وه ل بیره، ل وێ ده‌رێ گۆت: سه‌رۆکێ هه‌رێمه‌کێ یه کو به‌رژه‌وه‌ندییا هه‌رێما خوه دخوازه…
- ل بیرا وه‌یه ده‌ما دۆنالد تره‌مپ (سەرۆکێ بەرێ یێ ئەمریکایێ) ژێ را گۆت: شه‌رکه‌رێ مه‌زن. ل بیرا وه‌یه ده‌ما ماکرۆن (سەرۆکێ فرانسایێ) ژێ را گۆت: گه‌لێ فره‌نسا ڕێزێ ل سه‌رۆکێ هه‌رێمێ دگره کو سییاسه‌تێ ژ بۆ کوردان دکه…
- ل بیرا ته‌یه ل ئه‌نجومه‌نا ئاسایشا ناڤنه‌ته‌وی د وه‌سفا نێچیرڤان بارزانی دا هات گۆتن کو کار ژ بۆ بهه‌ڤره‌ژییانێ و پێشخستنا هه‌رێما کوردستانێ دکه…
- ل بیرا ته‌یه کو ل باکور ژ بۆ ئاشتیێ چه‌ند مه‌هوسالان خه‌بات کر ژ بونا کورد بکارن ب ئاشتیێ بگەهن مافێن خوه، لێ وه چ کر؟ وە ته‌قین و کارێن ته‌روریستی ل ئامه‌د و ده‌ڤه‌رێ دن ئه‌نجام دان.. هوون بۆن سەرئێشە ژ بۆ کوردێن باکور و ئه‌زمۆنا ب ده‌ستخستییا کوردان ل تورکیێ ژ هۆلێ راکر…
- ل بیرا ته‌یه کو ئه‌مه‌ریکا ناڤێ ته خست لیسته‌یا ته‌رورێ؟ ئه‌رێ ما رەوایە که‌سه‌ک ل جیهانێ د ل یسته‌یا ته‌رورێ دا به، ل دژی کوردان به، ده‌مه‌ک به‌رێ ل ئەلمانیایێ کارێ قه‌چاخیێ کربه، ب ناڤێ عەباس ب ده‌هان کارێن سه‌خته کربه و ده‌ستێ وی د سه‌دان که‌یسێن کوشتنێ دا هه‌به و نها بهێت و پێناسه‌یا سییاسه‌تێ و کوردایه‌تییێ بکه؟
کاک نێچیرڤان دەما چویە ترکیێ ب کارێ دپلوماسی وه‌ک سه‌رۆکێ هه‌رێمێ چویه و ئه‌ڤ پیشەیا شه‌رعی یا سه‌رۆکه کو ژ بۆ بده‌ستخستنا ده‌ستکه‌فتان و ژ بو به‌رژه‌وه‌ندییا کوردستانێ سه‌ردانێن دپلۆماسی ئه‌نجام بده.
لێ به‌لێ ده‌ما هوون ب ئیستخباراتا وه‌لاتێن هه‌رێمی ڕا د جڤن و د مه‌دیایێ ژی دا ل دژی وان داخویانیان ددن، چ ناڤ ل ڤێ بکن؟ بێژین کرێگرتی ئان چه‌ته!!
هوون وەک خه‌ته‌که ئایدولۆژیک ئا نه‌تێگەهشتی و نه پێگەهشتی ل دژی پێشکه‌تنا کوردانن و دژی هه‌ره‌ما کوردستانێ نه،دژی دونیایا پێشکه‌تی و مۆده‌رنن، هوون د تۆنه‌له‌کا تاری دا حه‌ره‌که دکن، له‌وما هون ژ تارییا فکرێن خوه به‌هسا ئەزمۆن و پێشداچونا هه‌رێمێ دکن، ل هه‌ر ده‌ری ده‌سکه‌فته‌ک ژ بۆ هه‌رێما کوردستانێ هه‌به هون تێن دژبه‌رییێ دکن.
نها هه‌لمه‌ته‌ک ژ بۆ فێربۆنا زمانێ کوردی ل ترکیێ هه‌یه، ده‌سپێکێ تو هه‌ره خوه فێری کوردی بکه، پشترا خوە فێری ئەدەبیاتا کوردی و ئه‌ته‌کێتا دپلوماسی بکە.
به‌لێ، دزانم هون ئه‌وقاس ل دژی کوردانن ده‌ما به‌هسا کوردان تێکرن زمانێ وه ناگه‌ره.
