نڤیسار

خیانەت نەشێت لسەر دبلوماسیەتا حەکیمانە سەربکەفە

كوردستان دنافبەرا خیانەت و پشتەڤانێن دبلوماسی دا

رەمەزان نسرالدین کێڤلی

خیانەت و دبلوماسیەت دوو پەیڤن گەلەك جاران لناڤ مە کودران دهێن بیهستن. لڤێرە هەرئێک ژمە لگور بەرژوەندیا خوە پێناسا ئەڤان هەردوو چەمکان دکە، بەلێ دبە كو خیانەت د سیاسەتێ دا ب تەکتیک بهێتە هژمارتن یانژی پەیڤەکە دگەل سیاسەتێ گەلەك گونجایی یە.

ئەگەر ئەم لسەر ئاستێ وەلاتان تەماشە بکەن، ئەم نەشێن بێژن فلان وەلاتی خیانەت ل وەلاتێ دی کر. بەلێ ئەگەر ئەم لسەر ئاستێ نافخو بهێن شروڤەبکەن، نەخاسمە بو مللەتەکێ بن دەست، بەلێ خیانەت هەیە و دهێتە کرن و ئەڤە ل مێژویا کەفن و نوویا کوردان هاتیە کرن و ئەنجامێن وێژی خراب بوینە لسەر ئەزمونا بزاڤا رزکاری خوازا کوردی یانژی وان میرنشین و شورەشێن کوردی.

ب دیتنا گەلەك ژ مێژونڤێسان مەزنرین خیانەت ل ١٦ ئوکتوبەرا سالا بۆری هاتیە کرن و كو ئاخا ھاتە فرۆتن و هێڤیێن مللەتەکێ بن دەست ھاتن شكاندن. لێ بەلێ نە بڤێ خیانەتێ و نەژی ب یێن بەری وێ نەشیاینە پێگەهێ کوردان لاواز بکن. ب رول، پێنگاڤ وکار و رێکەڤتنێن حکومەتا هەرێما كوردستانێ، تایبەت ژلایێ پارا دبلوماسی ڤە، شیا شکەستنێ ب هەمی وان پیلانێن خیانەتکاری بینە ئەوێن ل دژی هەرێما کوردستانێ هاتینە داریشتن و قوناغەکا نوی یا دبلوماسی دەست پێکر.

ژ بو هەرێما کوردستانێ ژی دیار بوو دڤێت پێداچوونا د پەیوەندیێن خوە یێن ناڤدەولەتی بکە و شێوازێ، پێشەوازی کرنا بەرێز نێچیرڤان بارزانی ژلایێ سەروک ماکرون، سەرۆكێ فرانسایێ، ڤە ئاماژێن گەلەك مەزن لپشت بوون، چونکە فرنسا خودان پێگەهەکێ گەلەك بهێزە ل پەیوەندین ناڤدولەتی و فرنسا دشێت دژی هەر بریارەکێ راوەستە ئەگەر ل دژی هەرێما کوردستان دەربچە و ژلایەکی دیڤە فرنسا دشێت هەر پروژەکێ پێش کیشی چڤاتا ئێمناهیێ بکە ژ بو پشتەڤانی کرنا مللەتێ كورد، باشترین بەلگە ل سالا ١٩٩١ رولێ فرنسا چ جارا ناهێتە ژببرکرن. فرنسا ژی گەهشتی یە وێ باوەریێ ئەو گەشەیا سیاسی و ئابوری و کومەلایەتی ئەوا ل کوردستانێ دەروست بویە، نمونەیا گەشەیا سیاسی یە ل روژهەلاتا نافەراست، سەرەرای رەخنێن مە لسەر گەلەك بابەتان، ئەڤ پێنگاڤا ل پاریس هاتیە هاڤێتن دەرئەنجامێن وێ د بەرژوەندیا هەرێما کوردستانێ دا بوینە، لەورا زوربەیێ چاڤدێران ناسناڤێ ئەندازایارێ دبلوماسیێ دانە بەرێز نێچیرڤان بارزانی.

لڤێرە ئەنجامێ ڤێ گوتارێ ئەوە خیانەت نەشێت لسەر دبلوماسبەتا حەکیمانە سەربکەفە، خیانەتکار سەرشور و شەرمزار بوون بەرامبەری مللەت و دوژمنێن خو و سەرکەفتن بو رێا راست بوو.

Back to top button