داخوازا سەرۆك نێچیرڤان بارزانی ژ حكومەتا فەدەرال
نێچیرڤان بارزانی سه‌رۆکێ هەرێما كوردستانێ د داخویانیەكێ دا ب هەلكەفتا ٣٥ سالڤەگەرا تاوانا ئەنفالێ داخوازێ ژ حكومەتا فەدەرال یا ئیراقێ دكە كو ل گۆر بریارا دادگەها بلند یا تاوانان یا ئیراقێ كەسوكارێن ئەنفالكریان قەرەبۆ بكە.
تێكستا داخویانیا سەرۆك نێچیرڤان بارزانی:
ئیرۆ د ۳٥ سالڤه‌گه‌را تاوانا ئه‌نفالێ دا کو، رژێما به‌رێ یا ئیراقێ ل سالا ۱۹۸۸ێ ل دژی خه‌لک و ئاخا کوردستانێ ئه‌نجام دا، ئه‌م ب رێز و حورمه‌ت زێده‌تر ژ ۱۸۲ هه‌زار شه‌هیدێن ئه‌نفالێ ب بیر تینن، به‌ژنا خوه ل هه‌مبه‌ر جانێ وان یێ پاک دا دته‌وینن و سلاڤ ل مالبات و که‌سووکارێن وان یێن سه‌ربلند بن.
ب ڤێ مناسبه‌تێ ئه‌م دوپات دکن کو دڤێ حکومه‌تا ئیراقێ که‌سووکارێن ئه‌نفالکریان، د هه‌موو واران دا، قه‌ره‌بوو بکه و بریارا دادگه‌ها بلند یا تاوانان یا ئیراقێ کو، ئه‌نفال وه‌ک جینۆسید، تاوانا دژی مرۆڤاتیێ و تاوانا جه‌نگێ ناس کریه، جیبجی بکه. ل هه‌رێما کوردستانێ ژی دڤێ باشتر خزمه‌تا وان بێ کرن و زێده‌تر گرینگی پێ بێ دایین.
قه‌واره‌یا ده‌ستووری یا هه‌رێما کوردستانێ به‌رهه‌مێ خه‌بات و تێکۆشین و ب سه‌دان هه‌زاران شه‌هیدێن تاوانێن هۆڤانه یێن وه‌که؛ ئه‌نفال، کیمیاباران و قوربانیدانا گه‌لێ کوردستانێ یه. هه‌ر د ڤێ بیرانینێ دا، دا ب یه‌کرێزی، براتی و کارێن هه‌ڤبه‌ش بۆ پاراستنا ده‌ستکه‌فتی و مافێن خوه، مورمه‌تێ ل جان و یادا شه‌هیدان بگرین. هه‌روه‌سا دڤێ ئه‌م هه‌موو هه‌ولێن خوه بدن ژ بۆ کو ئه‌نفال د قادا ناڤنه‌ته‌وه‌یی دا زێده‌تر وه‌که جینۆسید بێ ناسکرن و ل چو جهه‌کێ جیهانێ تاوانه‌که وسا دوباره نه‌به.
سلاڤ ل سه‌ر گیانێ شه‌هیدان به.
نێچیرڤان بارزانی
سه‌رۆکێ هه‌رێما کوردستانێ
٢٠٣/٤/١٤
