سه‌رۆکێ هه‌رێما کوردستانێ د پەیامەکێ دا جەژنا قوربانێ ل کوردستانیان پیرۆز دکە و جەژن و بهێنڤەدانەکا خوەش و ئارام ژ هەموویان را دخوازە.
نێچیرڤان بارزانی سه‌رۆکێ هه‌رێما کوردستانێ د پەیاما خوە یا ب هەلکەفتا هاتنا جەژنا قوربانێ دا هێڤی دکە کو هەر کەس ژ ئالیێ خوە ڤە د ڤێ جەژنێ دا تێگەه و واتەیێن جەژنێ د گه‌رده‌نازادی، لێبۆرین و لهه‌ڤهاتنێ د ژیان و تێکلیێن خوه یێن رۆژانه دا نوو بکن و د رێزگرتن، حه‌زکرن، خێرخوازی و گیانێ هه‌ڤکاریا ب هه‌ڤ را دا رووپه‌له‌ک نوو ڤه‌کن.
ناڤەرۆکا پەیاما نێچیرڤان بارزانی سه‌رۆکێ هه‌رێما کوردستانێ:
ئه‌ز جه‌ژنا قوربانێ ل وه‌لاتیێن خوەشتڤی یێن کوردستانێ و هه‌موو مسلمانێن ل ئیراق و جیهانێ ب گه‌رمی پیرۆز دکم. هێڤیدارم کو ئه‌ڤ جه‌ژن خێر و خوەشی به و ژ بۆ هه‌موو ئالیان ئاشتی و ئارامیێ ب خوه را بینه. ژ هه‌موویان را بێهنڤه‌دانه‌کا خوه‌ش دخوازم.
ب ڤێ هه‌لکه‌فتێ بلا ئه‌م تێگه‌ه و واته‌یێن جه‌ژنێ د گه‌رده‌نازادی، لێبۆرین و لهه‌ڤهاتنێ د ژیان و تێکلیێن خوه یێن رۆژانه دا نوو بکن و د رێزگرتن، حه‌زکرن، خێرخوازی و گیانێ هه‌ڤکاریا ب هه‌ڤ را دا رووپه‌له‌ک نوو ڤه‌کن.
خوه‌دایێ مه‌زن وه‌لات و گه‌لێ مه بپارێزه. جه‌ژنا وه هه‌موویان پیرۆز به و هه‌ر سال ب خێر و خوه‌شی به.
نێچیرڤان بارزانی
سه‌رۆکێ هه‌رێما کوردستانێ
٢٠٢٤/٦/١٥
