داخویانیا كوردێن سۆڤیەتا بەرێ ده‌ربارێ ئێریشێن په‌کە‌كێ
دو رێخستنێن جڤاكا مەدەنی یا كوردێن سۆڤیەتا بەرێ (فه‌ده‌راسیۆنا ناڤنه‌ته‌وی یا دیاسپۆرایێن کوردان و جڤاکا پشته‌ڤانی و هه‌ڤکارییێ ب گه‌لێ کورد ڕا) دەربارێ ئێریشێن پەكەكێ ل سەر پێشمەرگەیێن كوردستانێ ژ رایا گشتی را داخویانیەك دا و وان ئێریشان شەرمەزار دكن.
تێكستا داخویانیێ ل ژێرە:
بوویه‌رێن ڤان داوییان، کو ب ئێریشێن پەکەکێ ل سه‌ر پێشمه‌رگه‌یێن کوردستانێ ڤە گرێدایینه، کو د ئه‌نجامێ دا کوشتی و بریندار هه‌نه، هه‌روها ژ ئالییێ هێزێن پەکەکێ ڤە ته‌قاندنا بۆرییا نه‌فتێ، کو بۆ هه‌رێما کوردستانا ئیراقێ پر گرنگه، مه پر خه‌مگین دکه.
ئه‌م ڤان عه‌مه‌لێن پەکەکێ ب توندی شه‌رمه‌زار دکن و بانگی سه‌رۆکاتییا وێ رێخستنێ دکن ب له‌ز عه‌مه‌لێن وی ئاواهی بدنه سه‌کناندن.
بۆنا مه دژبه‌رییا پەکەکێ د هنداڤا پێکانینا په‌یمانا د ناڤبه‌را هه‌ولێرێ و به‌غدایێ دا یا ده‌رهه‌قا شه‌نگالێ دا تشته‌کی نه‌قه‌بوولکرنێ یه، یا کو ده‌ما پێک وه‌ره، وێ ره‌وشا جڤاکا ئێزدییان یا زێراندی باشتر بکه، وێ رێ ڤه‌که بۆنا کوردێن ئێزدی ڤه‌گه‌رنه جی و وارێن خوه و وێ ئالی ئارامییا وان و ئۆرگانیزه‌کرنا ئالیکارییێ بۆ وان بکن ژ ئالییێ ده‌وله‌تێ و رێخستنێن ناڤنه‌ته‌وی دا.
هه‌رێما کوردستانێ ئیرۆ یه‌کینه‌یا ده‌وله‌تا کوردان یا ته‌کانه یه د ناڤا ته‌شکیلا ئیراقێ دا، کو ب فه‌رمی هاتییه ناسکرن، هه‌روها ژ ئالییێ جڤاکا ناڤنه‌ته‌وه‌یی دا ژی.
ب باوه‌رییا مه، هه‌موو کوردێن جیهانێ، هه‌موو رێخستنێن کوردان یێن سیاسی گه‌ره‌کە سه‌رکه‌تنێن هه‌رێما کوردستانێ و ستاتوویا وێ مینا رۆناهییا چاڤێ خوه بپارێزن و مقاتییێ لێ بکن.
سه‌رکه‌تنێن وێ هه‌رێمێ د کارێ ئاڤابوونا ده‌وله‌تێ دا – ئه‌و سه‌رکه‌تنێن ته‌ڤایا گه‌لێ کورده.
ئه‌م گشک گه‌ره‌کە وان پرسگرێکێن هوندور و ده‌ر فێم بکن، کو هه‌رێما کوردستانێ ب وان را روو ب روو دبه.
ئه‌م بانگی رێبه‌رێن پەکەکێ دکن به‌رژه‌وه‌ندییێن گه‌لێ کورد سه‌ر هه‌ر تشتی را بگرن، ده‌ست ژ پرۆڤۆکاسیۆنێن دژی ده‌ستهلاتا قانوونی یا هه‌رێما کوردستانێ بکشینن و نه‌هێلن، کو جاره‌که دن ئێریشێن چه‌کداری ل دژی پارێزڤانێن کوردستانێ یێن راسته‌قین – پێشمه‌رگه‌یان دوباره بن.
ئه‌م هه‌روها بانگ ل رێبه‌رێن پەکەکێ دکن چالاکیێن هلوه‌شینه‌ر یێن دژی ته‌ڤگه‌را ئازادیخواز یا ل هه‌موو پارچه‌یێن کوردستانێ راوه‌ستینن.
ئه‌م سه‌ر وێ باوه‌رییێ نه، کو ئیدیۆلۆژییا پەکەکێ یا نها، کو هه‌ول دده ل ستویێ مله‌ت ڤە بالینه، نه گۆری خه‌یالا گه‌لێ کورد یا ب سه‌دان سالانه بۆنا دامه‌زراندنا ده‌وله‌تا خوه ئا سه‌ربخوه و ئه‌ڤ یه‌ک ب تو ئاواهی نایێ قه‌بوولکرنێ و ئالی یه‌کێتییا گه‌لێ کورد ناکه.
ئه‌م هه‌روها بانگ ل ده‌ستهلاتا هه‌رێما کوردستانێ دکن هه‌ر مه‌جالێن لازم قه‌بوول بکه بۆنا پێشیگرتنا ته‌ڤلهه‌ڤییان ل هه‌رێمێ و ئه‌گه‌ر مومکون به، پرسگرێکان بێی خوینرێتنێ چاره‌سه‌ر بکه.
فه‌ده‌راسیۆنا ناڤنه‌ته‌وی یا دیاسپۆرایێن کوردان
جڤاکا پشته‌ڤانی و هه‌ڤکارییێ ب گه‌لێ کورد را
