داخویانی یا سه‌رۆکوه‌زیرێ هه‌رێما کوردستانێ
مه ب پشت بەستن ب جودایێ مەزن و ئیراده‌یا بهێز یا گه‌لێ مه، مه کاری به‌ره‌ڤانیێ ژ مافێن گه‌لێ کوردستانێ بکن و دگه‌ل سه‌رۆکوه‌زیرێ فه‌ده‌رال برێز ممه‌مه‌د شیاع سوودانی ژ بۆ دابینکرنا مووچه‌یێن وه‌لاتیان بگەهن رێکه‌فتنه‌کا گونجاو.
سپاس ژ بۆ سه‌برا درێژ یا وه‌لاتیێن خوەراگر کو باوه‌ریا خوه ب حکومه‌تا خوه وندا نه‌کرن.
سپاسیا جه‌نابێ سه‌رۆک بارزانی دکم کو ژ بۆ ده‌رباسکرنا وان ئاسته‌نگان پشته‌ڤانی و رێبه‌ریا مه کر.
سپاس ژ بۆ پشتگری و رۆلا سه‌رۆکێ هه‌رێما کوردستانێ یا ژ بۆ پشتگری و سه‌رکه‌فتنا پرۆسه‌یا دانووستاندنان دگه‌ل حکومه‌تا فه‌ده‌رال.
سپاسیا ئالیێن سیاسی یێن ئیراقا فه‌ده‌رال ژ بۆ پشته‌ڤانیا وان.
سپاس ژ بۆ پارتی و ئالیێن سیاسی یێن کوردستانی و فراکسیۆنێن کوردستانی ل پەرله‌مه‌نتۆیا ئیراقا فه‌ده‌رال ژ بۆ پشته‌ڤانیکرن و هه‌ڤده‌نگیا وان بۆ دابینکرنا مافێن مووچه‌یێن کارمه‌ندێن هه‌رێما کوردستانێ.
سپاسیا شاندا حکومه‌تا هه‌رێما کوردستانێ دکم کو بێیی وەستیان و ب هه‌سته‌ک به‌رپرسیاری د ئه‌ڤی کارێ دژوار دا بسەركەفتن.
ب پشته‌ڤانیا خوه‌دێ ئه‌م دێ به‌رده‌وام بن ل سەر خزمه‌تکرنا هه‌ڤوه‌لاتیێن خوه یێن عه‌زیز و رێ نادن كو هه‌ولێن ناحەزان ئارامیا هه‌رێما کوردستانێ تێک بدن.
مه‌سروور بارزانی
سه‌رۆکوه‌زیرێ حکومه‌تا هه‌رێما کوردستانێ
۲۰۲۳/۹/۱
هەروەسا پشتی بریارا ئه‌نجوومه‌نا وه‌زیرێن ئیراقێ، مه‌سرور بارزانی سەرۆکوەزیرێ کوردستانێ و محه‌مه‌د شیاع سوودانی سەرۆکوەزیرێ ئیراقێ ب ته‌له‌فۆنێ ئاخڤین؛ ل گۆری داخویانیا حکومه‌تا هه‌رێما کوردستانێ، سه‌رۆکوه‌زیرێ هه‌رێما کوردستانێ سپاسیا پشته‌ڤانیا سه‌رۆکوه‌زیرێ ئیراقێ ژ بۆ گەهشتنا رێکه‌فتنه‌کێ ل سه‌ر دابینکرنا مووچه‌یێن حکومه‌تا هه‌رێما کوردستانێ کر.
مه‌سروور بارزانی هه‌روها هێڤی خوه‌ست کو ئه‌ڤ رێکه‌فتن ببه بنگه‌هه‌ک ژ بۆ چاره‌سه‌رکرنا هه‌موو کێشه‌یێن ناڤبه‌را هه‌رێما کوردستانێ و حکومه‌تا فه‌ده‌رال ب رێیا دیالۆگێ و ل گۆر ده‌ستوور و رێکه‌فتنان.
