داستانا خواکورکی هێڤێن و بنگه‌ها سه‌رهلدان و تێکۆشینا ل دژی زلمێ بوو و سه‌مبۆلا پاراستن و تێکۆشینێ بوو.
به‌ری ۳٤ سالان، د ٥ئێ ئیلۆنێ دا، پشتی ٤٦ ڕۆژان به‌رخوه‌دانا هێزێن پێشمه‌رگه‌یێن کوردستانێ، داستانا خواکورکێ هات تۆمارکرن. داستان خواکورکێ یه‌ک ژ شه‌رێن هه‌ری ناڤدار یێن هێزێن پێشمه‌رگه یێن کوردستانێ یه کو ڕاسته‌راست ب سه‌رپه‌ره‌شتیا سه‌رۆک مه‌سوود بارزانی بوو.
د ۱۹ئێ تیرمه‌ها ۱۹۸۸ئان دا ئارتێشا بائاسێ ل هه‌رێما خواکورکێ ل دژی هه‌رێمێن ڕزگارکری یێن شۆره‌شا کوردستانێ ده‌ست ب ئێریشه‌که به‌رفره‌ه کر. ئارتێشا بائاسێ ب به‌شداریا زێده‌تر ژ ۱٥ لیوایێن له‌شکه‌ری تۆپ، فرۆکه‌یێن شه‌ر و هه‌تا چه‌کێن کیمیایی بکار ئانین.
پێشمه‌رگه یێن کوردستانێ یێن مێرخاس و فه‌داکار ته‌ڤی هێزا خوه یا نه‌وه‌کهه‌ڤ، کارین زیانه‌که مه‌زن بگهینن هێزێن ئێریشکار یێن ڕه‌ژیما بائاس.
شه‌رێ خواکورکێ د وارێ سیاسی، له‌شکه‌ری و ستراته‌ژیک دا خوه‌دی گرینگیه‌که مه‌زن بوو، ژ به‌ر کو پێشمه‌رگه کارین گه‌له‌ک چه‌ک و جه‌بلخانه ب ده‌ست بخن. ژ ئالیێ سیاسی ڤه ژناڤبرنا خه‌ونا ڕێژیما بائاس بوو، ژ به‌ر کو ڕژێمێ د وێ باوه‌ریێ دا بوو کو بداویهاتنا شه‌رێ ئراق و ئیرانێ دێ شۆره‌شا کوردستانێ ژی تێک ببه، لێ خوه‌راگریا پێشمه‌رگه ل خواکورکێ خه‌ونێن ڕێژیما بائاس بنگور کرن.
سه‌رۆک مه‌سوود بارزانی د گۆتاره‌کێ دا ژ بۆ پێشمه‌رگه یێن قه‌هره‌مان یێن به‌شداری شه‌رێ خواکورکێ بوونه ڕاگهاند کو، دێ د ده‌مه‌که نێزیک دا ڕه‌وشا ناڤخوه‌یی وه‌ره گوهارتن و دژمن ژی دێ نه‌چار ببه ل هه‌مبه‌ر ڤێ خوه‌راگری و به‌رخوه‌دانا پێشمه‌رگه خوه د به‌ر چاڤان ڕا ده‌رباس بکه.
داستانا خواکورکێ بوو هێڤێن و چاڤکانیا ئیلهاما ڕوهێ به‌رخوه‌دان و ڕووبرووبوونا زلما ڕه‌ژیما بائاس و سه‌رهلدانا بروومه‌ت یا ئادارا سالا ۱۹۹۱ئان ژێ به‌رهه‌م هات.
سلاڤ ل گیانێ پاکێ شه‌هیدێن داستانا خواکورکێ و هه‌موو شه‌هیدێن ڕێیا ڕزگاریا کوردستانێ.
