دانه‌ناسین و ئیمازاکرنا کتێبا ژ مهابادێ تا حه‌مرینێ
سه‌نته‌رێ کۆماته یێ ده‌کۆمه‌نتکرنا دیرۆکا شۆره‌شێ، ل رۆژا سێشەمێ ٢٠٢٤/٤/٢٣ ل باژاراێ دهۆكێ و ل ھۆلا کۆنفرەنسان یا زانکۆیا دھۆکێ، مه‌راسما دانه‌ناسین و ئیمازاکرنا کتێبا (ژ مهابادێ تا حه‌مرینێ) یا بیره‌وه‌ریێن خه‌باتکارێ دێرین ئەبدولباقی بامه‌رنی، ئه‌ندامێ پارتیا هیوا، پێشمه‌رگه یێ هه‌ر دو ته‌ڤگه‌رێن بارزان ۱۹٤۳ و ۱۹٤٥ێ، کۆمارا کوردستان ل مهابادێ و پێشمه‌رگه یێ هه‌ر دو شۆره‌شێن ئیلۆن و گولانێ، لدارخست.
د ڤێ مەراسما بژارتە دا كو، هژمارەكا مەزن ژ كەساتی، ئەكادیمیسەن، رەوشەنبیر، پێشمەرگە یێن دێرین و بەرپرسێن حزبی و حكومەتی یێن دەڤەرێ تێدا ئامادەبوون، چەند پەیڤ ل سەر گرنگیا ده‌کۆمه‌نتکرنا دیرۆکا شۆره‌شێ و بیرهاتنێن پێشمەرگە یێن دێرین و رۆلا سەنتەرێ كۆماتە د ڤی واریدا هاتن پێشكەش كرن وەك پەیڤا، ماجد سەید سالح جێگرێ پارێزگارێ دھۆکێ و پەیڤا ئاکۆ محمد رێڤەبەرێ گشتیێ یێ تۆرا میدیایی یا رووداوێ. هەرەسا رزگار كێستەیی بەرپرسێ سەنتەرێ كۆماتە د پەیڤەكێ دا بەحسا هزرا ئاڤاكرن و خەبات و چالاكیێن سەنتەرێ كۆماتە كر.
ل سەر ڤێ چالاکیێ، سه‌نته‌رێ کۆماته یێ ده‌کۆمه‌نتکرنا دیرۆکا شۆره‌شێ ژ رایا گشتی را داخویانیەک وەشاند و ئەڤ ل ژێر ناڤەرۆکا داخویانیێ:
پشتی کار و خەباتێن نێزیکی ساڵەکێ یێن سەنتەر کۆماتە، ب هەڤکاری دگەل کاک کاوە عبدالباقی بامەرنی، ئەم وەک سەنتەرێ کۆماتە شیاین ل رۆژا 23/4/2024 پەرتووکا خەباتکەرێ دێرین عبدالباقی بامەرنی چاپ و بەلاڤ بکەین و د رێورەسمەکا ژ هەژی دا ل هۆلا کۆنفرانسان یا زانکۆیا دهۆکێ پەرتووک هاتە ناساندن و ئیمزاکرن. د هەمان دەم دا کورتیەک ل سەر بزاڤ و چالاکیێن سەنتەرێ کۆماتە یێن دوو سال و نیڤا ژی هاتە پێشکێشکرن.
سوپاس بۆ جەنابێ کاک نێچیرڤان بــارزانــی جێگرێ سەرۆکێ پارتی دیموکــراتی کوردســتان بۆ پشتەڤانیا وان بۆ سەنتەری.
سوپاس بۆ کاک ئاکو محەمەد رێڤەبەرێ توڕا مێدیایا رووداو بۆ پشتەڤانی و هەماهەنگیا وانا بەردەم لگەل مە.
سوپاس بۆ نڤیسینگەها جەنابێ کاک نێچیــرڤانی کو مەزاختنێن چاپێ بستۆ خۆڤە گرتین.
سوپاس بۆ خەلکێ مە یێ هێژا بۆ ئامادەبوونا وانا ژ هەژی و پر بوها.
