سیاسی

داڤوتۆگلو: ئه‌ردۆگان ژ سه‌ری هه‌تا بنی هات گوهه‌رتن

سه‌رۆکێ پارتیا پێشه‌رۆژێ, ئه‌حمه‌د داڤوتۆگلو, د به‌رنامه‌یه‌کا ته‌له‌ڤزیۆنی دا به‌هسا ڕۆژه‌ڤا ترکیێ‌ کر و ب توندی ئه‌ردۆگان ڕه‌خنه‌ کر. داڤوتۆگلو گۆت “ئه‌ردۆگان ژ سه‌ری ھئه‌تا بنی ھئاتیه‌ گوھه‌رتن.”

ئه‌حمه‌د داڤوتۆگلو د به‌شه‌ک ئاخاڤتنا خوه‌ ژ وێ به‌رنامه‌یا ته‌له‌فزیۆنی دا دبێژه‌: “ده‌ما ئه‌ز سه‌رۆکێ پارتیێ بووم من چه‌ندین جارا ژ ئه‌ردۆگان ڕا‌ گۆت: ئه‌ڤ پارتی تێکدچه‌ ژ به‌ر کو ده‌زگه‌ھ (موه‌سه‌سات) د ناڤا پارتیێ دا‌ نه‌مایه‌. ھاریکاریا من بکه‌ ئه‌م پارتیێ ژ نووڤه‌ ڕێخستن بکن و موه‌سه‌ساتا ئاڤا بکه‌ن. لێ ئه‌ردۆگان گوھ نه‌دا من، وی گوھ دا وێ گوروبا کو دژتیا من دکرا و ئه‌ز مه‌جبوور بووم ده‌ستکێشانا خوه‌ ژ پارتیێ ڕابگه‌ھینم.

د به‌رسڤا پرسه‌کێ یا وێ به‌رنامه‌یێ دا، داڤوتۆگلو گۆت: یێ مرۆڤان دکه‌ مرۆڤ پره‌نسیپێ وانه‌. ئه‌ز ل پره‌نسیپێ خوه‌ خوه‌دی ده‌رکه‌تم، لێ ئه‌ردۆگان ژ سه‌ری هه‌تا بنی هاته‌ گوهه‌رتن. ئه‌ردۆگان ژ بۆ خوه‌ندنا هه‌لبه‌سته‌ کێ هاته‌ گرتن. هه‌رکه‌سه‌کی وه‌سا دزانی کو ئه‌و گه‌له‌که‌ ڕێزێ ل ئازادیا دگره‌، لێ وی هه‌رکه‌س هه‌تا یێن نێزکی خوه‌ ژی ژ ئازادیێ دوور خست و هه‌رکه‌س ب خیانه‌تێ ئتهام کر. ئه‌ردۆگان ترکیه‌ ڤه‌گه‌راند ده‌مێن به‌رێ.

داڤوتۆگلو دبێژه‌؛ ” ئه‌گه‌ر ئه‌ز بماما ل جهێ خوه‌ من دا ئۆفیسه‌کا سه‌رۆکوه‌زیرییێ ل دیاربه‌کرێ ڤه‌کربوویا.”

ل سه‌ر پرسه‌کی د ده‌ربارێ هلبژارتنان دا‌ داڤوتۆگلو دبێژه‌: “من ژیانا خوه‌ دایه‌ ڤی کاری، دێ که‌سه‌ک نکاربه‌ سهێ ده‌ینه‌ سه‌ر هلبژارتنا. هلبژارتن ب ئاوایه‌ک ده‌مۆکراتیک چێنه‌بن و ئه‌ردۆگان یان ئالیێن دن نه‌هێلن ب ئاوایه‌ک ده‌مۆکراتیک هلبژارتن ئه‌نجام بدن، دێ به‌رسڤا مه‌ گه‌له‌ک توند به‌.

وه‌که‌ تێ زانین، ئه‌حمه‌د داڤوتۆگلو، 13ێ ئیلۆنا 2019ێ ده‌ستژکارکشانا خوه‌ ژ ئاک پارتیێ ڕاگه‌هاند و پشتی ده‌مه‌کێ پارتیا پاشه‌رۆژێ دامه‌زراند و ۹ێ ته‌باخا سالا ۲۰۲۰ی دا یه‌که‌مین کۆنگره‌یا خوه‌ ل باژارێ ئامه‌دێ ل باکورێ کوردستانێ چێ کر.

داڤوتۆگلو کو به‌رێ وه‌ک پارلامه‌نته‌رێ ئاک پارتی، وه‌زیرێ ده‌رڤه‌ و سه‌رۆکوه‌زیرێ ترکیێ د ناڤ سیاسه‌تێ دا کار کریه‌.

Back to top button