ده‌ما بقه‌ومه‌ وەلاتپارێز دکارن ده‌ستکه‌فتیێن خوه‌ بپارێزن

که‌رکووک دشه‌وته‌، ژ بۆ کو ل همبه‌ر ئێریشێن نژادپه‌ره‌ستێن عه‌ره‌ب راوەستن، جوانێن کورد سینگا خوە کرن مه‌رتال و ٤ جوان شه‌هید بوون. ده‌ستهلاتا حکومه‌تا هه‌رێما کوردستانێ بوویه‌رێن که‌رکووکێ ب توندی شه‌رمه‌زار دکه‌ و ژ بۆ ره‌وشا خراب ل که‌رکووکێ هه‌یی هه‌لوه‌ستێن خوه‌ ب زه‌لالی ددن دیارکرن. ئه‌ڤ یه‌ک ژی ده‌لیله‌که‌ کو، ده‌ما بقه‌ومه‌ کورد دکارن ده‌ست بدن هه‌ڤ و ده‌ستکه‌فتیێن خوه‌ بپارێزن.

به‌رپرسێن پارتی و رێخستنێن کوردان یین وەلاتپارێز داخوویانیان ددن و گه‌له‌ک نڤیسکار و ره‌وشه‌نبیرێن کورد ب یه‌ک ده‌نگی دبێژن “که‌رکووک کوردستانه‌” و دڤێ بێ پاراستن. پشتی ره‌فه‌راندوما ۲۰۱۷ێ مخابن هنده‌ک هێزان که‌رکووک راده‌ستی حکومه‌تا ئراقێ یێن کو نها کوردان دکوژن و هه‌ولددن که‌رکووکێ ژ کوردا پاکژ بکن، کرن. ئیرۆ ئەگەرێ ئالۆزیێن که‌رکووکێ ئه‌و هه‌لوه‌ستا وان هێزێن کورده‌.

هلبژارتنێن پارێزگاهان نێزک دبن، ب ڤه‌گه‌را پاتییا دەمۆکراتا کوردستانێ (پەدەک)ێ بۆ که‌رکووک ژی جاردن ترس که‌ت زکێ نژادپه‌ره‌ستێن عه‌ره‌ب. ژ بۆ ڤێ ژی ده‌ست پرۆڤاکاسیۆنا کرن و دخوازن جاردن ره‌وشا ئه‌وله‌هیا که‌رکووکێ تێکبدن.

ل گۆرا داخوویانیا ده‌ستهلاتیا کوردستانێ دخوه‌یێ ڤێ جارێ له‌یزتکا نژادپه‌ره‌ستێن عه‌ره‌ب سه‌رناکه‌ڤه‌ و ده‌ما پێوست به‌، کورد دکارن خوه‌ بپارێزن و ئه‌ڤ ئیرادا کوردان ل باشوورێ کوردستانێ هه‌یه‌.

ژ خوه‌ دخوه‌یێ کو سه‌رۆکێ هه‌رێما کوردستانێ گه‌له‌ک ڤه‌کری ب ئاوایه‌ک فه‌رمی بالا سه‌رۆکوه‌زیرێ ئراقێ کشاندیه‌. هه‌روه‌ها بریارا کوردستانێ ب زه‌له‌لی دایه‌ خوویاکرن.

د ڤان بوویه‌ران دا تشته‌ک گه‌له‌ک بالکێش هه‌یه‌ کو، مه‌دیایا پەکەکێ هه‌تا ڤێ گاڤێ د ده‌رباری بوویه‌رێن که‌رکووکێ دا بێدەنگە و نە نووچە نە دخیانیان نادە. مه‌دیایا پەکەکێ کو، ده‌ما مێشه‌ک دفره‌ دکاره‌ ب هه‌زارێن نووچه‌یا ل سه‌ر چێبکه‌، و ب سه‌دان ده‌ره‌وان به‌لاڤ بکه‌. لێ د ده‌ربارێ که‌رکووکێ دا بێ ده‌نگه‌. گه‌له‌ک ڤه‌کری یه‌ کو پەکەکە هێژا هه‌لوه‌ستا خوه‌ یا پشتی ره‌فه‌راندوما ۲۰۱۷ێ یا راده‌ستکرنا که‌رکووکێ ژ بۆ حکومه‌تا ئیراقێ به‌رده‌وام دکه‌. هینگێ ژی ل سەر بوویەرێن ١٦ێ ئۆکتۆبەرێ دەما هێزێن یەنەکێ کەرکووک رادەستی حەشدا شەعبی کری، پەکەکێ پشتگریا ئالیێن گرێدایی ئیرانێ کر.
یانی جاردن پەکەکە ب هێزێن خوه‌ ل که‌رکووکێ دکاره‌ ل دژی هێزێن کوردستانێ ل ته‌نشتا هێزێن ئراقێ و حه‌شدا شه‌بی بسه‌کنه‌.
هه‌ر ئالیێ سیاسی کو پشتگریا که‌رکووکێ دکه‌ و دبێژه‌ “که‌رکووک کوردستانه‌” دڤێ ڤێ مه‌ترسیا پەکەکێ ل سه‌ر که‌رکووکێ ببینه‌ و ببه‌ خوه‌دی هه‌لوه‌ست. وه‌ک دن ته‌نێ ب سلۆگانا خوه‌دی لێ ده‌رکه‌تنا که‌رکووکێ نابه‌.

“که‌رکووک کوردستانه‌” و “که‌رکووک دلێ کوردستانێ یه‌”. جاردن ئیرۆ ئه‌و ئیراده‌ و هێزا کوردان یا کو که‌رکووکێ بپارێزه‌ هه‌یه‌. ده‌ما پێوست بە ئه‌ڤ یه‌ک ب رێیێن مه‌شروع تێ کرن.

نێرین/شرۆڤە