پشتی کو حکومه‌تا هه‌رێما کوردستانا ئۆفیسا پارتییا ده‌مۆکراتیک ئا گه‌لان (هەدەپە) و پارتییا ده‌مێ ل هه‌ولێرێ گرتی و نوونه‌رێن وان چوون باژارێ سلێمانیێ، پارتییا ده‌مێ بریار دا کو شانده‌کێ بشینه هه‌ولێرێ کو سه‌ردانا ئۆفیسا گرتی بکه.
د ده‌ربارێ بوویه‌رێ دا ده‌م پارتییێ داخوویانیه‌ک توند کو ژ ده‌ره‌وان تەژی بوو ڕاگەهاند. نها ژی بریار ددن کو، شاندەکێ ڕێکن هه‌ولێر داکو، سەردانا ئۆفیسا هاتی گرتن بکن. ئه‌ڤ ب سه‌رێ خوه پرۆڤاکاسیۆنه‌که. دڤێ هه‌رکه‌سه‌ک بزانبه کو، ل باشووێ کوردستانێ حکومه‌ته‌ک هه‌یه و هه‌ر که‌سه‌ک ل ڤی وه‌لاتی بژی و چالاکیه‌کی بکه دڤێ ڕێزێ ل یاسایا بگره و ده‌زگه‌هێن حکومه‌تێ ناسبکه و ل گۆرا قانوونێن هه‌یی یێن هەرێما کوردستانێ ته‌ڤبگه‌ره.
بەرپرسێن ده‌م پارتییێ ڕاستیێ نابێژن و داخوویانیێن ده‌ره‌و ڕادگەیهینن. گه‌لۆ وان ئه‌و نوونه‌راتیێ کو دبێژن ئه‌وه ته‌ڤدگه‌رن؟ چۆقاس ڕێزێ ل قانوونێن هه‌رێما کوردستانێ دگرن؟ ئه‌ڤ پرسا سه‌ره‌که‌یه. دڤێ به‌رپرسێن ده‌م پارتییێ بزانن کو، ئه‌و وه‌لات کوردستانە و خوه‌دی یاسایه و هه‌رکه‌س نکاره چه‌وه بخوازه ته‌ڤبگه‌ره.
ژ ئالیه‌ک دن ڤه، ده‌م پارتی د داخویانیا خوه دا دبێژه: “ئێریشا پەدەکێ یا ل دژی نوونه‌رێن مه یێن هه‌ولێرێ زرارێ دده یه‌کێتیا کوردان” پەدەکێ ئێریشێ چو ده‌ڤه‌ره‌کی و که‌سه‌کی نه‌کریه. ل هه‌رێما کوردستانێ ده‌ستهلاته‌ک هه‌یه کو ژ پاراستنا ئاسایشا کوردستانێ به‌رپرسه. ئه‌گه‌ر کریاره‌ک هه‌به ده‌زگه‌هێن حکومه‌تێ دکن و مه‌جبوورن قانوونا هه‌یی بێخن خزمه‌تا پاراستنا ئاسایشا گه‌ل دا.
