دهۆک دێ ب رێورەسمەکێ سەرکەفتنا ب سەر کۆرۆنایێ دا راگەهینە
پێشنیازێن رێڤەبەرییا گشتی یا رۆشنبیری و هونەری یا پارێزگەها دهۆکێ بۆ ئەنجامدانا رێورەسمەکا تایبەت بۆ سەرکەفتنا ب سەر کۆرۆنایێ دا (قوناغا ئێکێ ژ پاقژبوونا دهۆکێ ژ کۆرۆنایێ).
دەمێ ئانجامدانێ، رۆژا چوارشەمبی 2020.04.22 کو هەڤدەمە دگەل سالرۆژا رۆژنامەگەریا کوردی، دەم :10:00 شەڤ
چەوانیا برێڤەبرنا مەراسمێ:
1- ڤەمراندنا کارەبا نیشتیمانی و یا موەلیدان/ ژه‌نه‌راتۆران بۆ دەما 5 خولەکان ل سەرانسەری پارێزگەها دهۆکێ
2- داخازکرن ژ خەلکی کۆ ل سەر بانێن مالێن خوە روناهییەکێ هلکەن وەکو شەمالک و خەتیر و لائیت یان هەر رۆناهییەکا دن كو رەوشەكا جوان ب باژێرێ بدە
3- هەلکرنا ھژمارەکا بالۆنان و بەردانا وان بەرەف ئەسمانی کو ئەڤ بالونا ب ژمارەکا دەستنیشناکری دێ هێنە بەلاڤکرن ل سەر تاخێن دهۆکێ
4- هەلدانا دەنگێن ناقوسا دێران و کبارێ ل مزگەفتان
5- هەلکرنا ئاگری ل سەرێ چیایێ زاوا و کێلیا شەدایێ ژلایێ وەرزشڤانا ڤە 6- یاریێن ئاگری دێ هێنە هاڤێتن ل چیایێ زاوا.
7- هەلکرنا خەتیرا ئاگری ل پارکا نەورۆز وەکو نیشانا سەرکەفتنێ یان ل خەتیرا پارکا پانۆراما ژلایێ ستافەکێ دەستنیشانکری بێی کو قەلەبالغ چێببە.
8- بەرهەڤکرنا سترانەکا تایبەت ب سوپاسیکرنا کەسێن ماندی بووین د رووبرووبوونا ڤیرۆسا کۆرۆرنایێ دا
9- ترومبێلێن هاتن و چوونێ و پۆلیسان وی دەمی ل ناڤ تاخێن دهۆکی بگەریێن و موزیکەکا كو دەربرینێ ژ دهۆکێ بکە ل سەر بلندگۆیێن ترۆمبێلا بدەنە کاری.
10- دورستکرنا چەندین فلیکسان کو ل سەنتەرێ دهۆکی بهێنە بەلاڤکرن كو دەربرینێ ژ سوپاسیکرنا کەسێن ماندی بکە
11- ب رێکا کورەک تیلیکوم وێ رۆژێ ب نامەکێ دێ داخاز ژ خەلکی هێتە کرن کو پشکدار بن و تێکست ژی دێ ئەڤە بیت (وەلاتییێ خوەشتڤی: ئەڤ شەڤە دەمژمێر 10 پشکداربە ب سوپاسیکرنا هێزێن نافخوە و پێشمەرگە و ستافێ ساخلەمییێ ب هەلکرنا هەر جورە روناهیەکێ و دەست قوتانێ لسەر بانێن مالێن خوە).
12- سپۆت ڤیدیۆ دێ هێنە دروستکرن و بەلاڤکرن ل سۆوشیال میدیایێ ژ بۆ سوپاسیکرنا هێزێن نافخوە و پێشمەرگە و ستافێ ساخلەمیێ.
13- ریکلام دێ هێتە دروستکرن ژبو پشکداریکرنا خەلکی د مەراسمێ دا.
14- ئەڤ چەندە ب هەماهەنگی د گەل رێڤەبەرییا پۆلیسان و هاتنوچوونێ ب فرۆکان دێ هێتە وێنەکرن. دگەل کەسانێن شارەزا د بیاڤێ وێنەکرنێ دا ب کامیرێن باش دیسان ل چەند جهێن دەستنیشانکری فلای کام بهێنە بکارئینان بۆ وێنەکرنا مەراسیمان، بۆ هندێ ڤیدیۆیەکا باش ژ ڤێ رێورەسمێ بهێتە دروستکرن و پاشان ل تیڤی و سۆشیال میدیایێ بهێتە بەلاڤکرن
