وه‌کو دیار ڕه‌وش ل ڕوژاڤایێ کوردستانێ مه‌ترسیداره ژبه‌رکو ئه‌مریکا دێ ھێزێن خوە ل وێرێ ڤه‌کێشە و دێ ده‌رفه‌ت بو تورکیا په‌یدا ببە کو ھێرشێ بکه سه‌ر ڕوژاڤا و داگیر بکە!
دبە کو ل قوناخا ئێکێ له‌شکه‌رێ تورکیا ناوچەیا تربه‌سپی و سه‌روکانیێ، ئه‌وا دکه‌ڤیته د ناڤبه‌را جزیره و کوبانێ دا، بگرە و ھه‌ردوو ده‌ڤه‌رێن کوردی ژێک ڤه‌قه‌تینە و پاشی ئه‌گه‌ر جڤاکا ناڤده‌وله‌تی بێده‌نگ ما به‌ره‌ف ناوچەیێن دی یێن کوردی بچە و داگیربکە! لێ دڤێت بزانین :
١- کیانێ ڕوژاڤایێ کوردستانێ ژ ئه‌نجامێ ڤالاهیا دەڤەرێ ژ ئاسایش و له‌شکه‌رێ سوریێ و په‌یدابونا تەرورێ ب پشته‌ڤانیا ئه‌مریکا و ھه‌ڤپه‌یمانان چێبویه. چ بریارێن جڤاتا ئاسایشا ناڤده‌وله‌تی و ئه‌مریکی بو چێکرنا کیانه‌ک کوردی نینن.
٢- ئه‌مریکا پشته‌ڤانیا کوردان ل سوریا کریه ژ بۆ شه‌رێ دژی داعشێ، نه ژ بۆ مه‌به‌سته‌کا دی.
٣- ڕێکخستنێن سه‌ر ب پارتیا کارکەرێن کوردستانێ (پەکەکە) یێ ڤه خوە ل سه‌ر کوردێن سوریا سەپاند و ده‌ڤه‌را کوردی خستە بن دەستێ خوە. ئه‌و ڕێکخستن ژلایێ تورکیا، سوریا و ئۆپۆزسیۆنا سوریاڤه ناهێن قەبوول کرن، هەروەسا ئەو هێز ل ده‌ف ئه‌مریکا ژی جهێ گومانێ نە!
٤- دڤێت پرسا ڕوژاڤا ببه پرسا کوردێن سوریا و ڕێکخستنێن ب ناڤێ کوردێن سوریا دووری ھه‌ژمونا پەکەکێ ل خوە خودان ده‌رکه‌ڤن.
٥- ھه‌ولبده‌ن په‌یوه‌ندیا دگه‌ل تورکیا چێکه‌ن و مه‌ترسیا تورکیا نه‌ھێلن و سودی ژ سه‌ربورا ھه‌رێما کوردستانێ ببینن یاکو شیای دلنیایێ بو ھه‌می ده‌وله‌تێن دراوسێ چێکە و په‌یوه‌ندیێن باش دگه‌ل ئاڤا بکە.
٦- ڕێکخستنا نووی ل سه‌ر بنه‌مایێن دابینکرنا مافێن کوردان د ده‌ستورێ نوو یێ سوریا دا ڕێکه‌فتنێ دگه‌ل حکومه‌تا سوریا بکه.
٧- ژ بۆ پاراستنا ده‌ڤه‌رێن وان د چارچوڤەیێ بریاره‌کا جڤاتا ناڤده‌وله‌تی دا په‌یوه‌ندیێ ب جڤاکا ناڤده‌وله‌تی، ئه‌مریکا، ڕوسیا و ئەورۆپا بکە .
٨- ره‌ڤه‌ندا کوردستانی ل ئەورۆپا و ئه‌مریکا خوپیشاندانان دژی حکومه‌تا تورکیا بکه‌ن داکو ده‌ست ژ پیلانا خوە و ھه‌ره‌شه‌یێن خوە به‌رده.
٩ – خه‌لکێ کوردستانا ترکیا بڕژیته سه‌ر جادا و دژی سیاسه‌تا حکومه‌تا تورکیا خوپیشاندان و مانگرتنا بکه‌ن.
١٠- بزاڤه‌کا دپلوماسی کورستانی جیھانی بھێت کرن ژ بۆ پاشگه‌زکرنا ترکیا ژ بریارا وێ.
١١- دێ ل بیر ئینم کو د دیدا ئه‌مریکی دا دێ کیانه‌کی کوردی ل باکورێ ڕوژھه‌لاتا سوریا چێبە و دێ دگه‌ل ھه‌رێما کوردستانێ ھه‌ڤگرە، ئه‌ڤه ل دووڤ گوتنا ھنری کیسنجه‌ر د کتێبا وی یا سالا ٢٠١٥ چاپکری دا. له‌ورا وه‌سا دھێته پێشبینی کرن کو ئه‌مریکا ب ئێکجاری ژ ده‌ڤه‌رێ دەرناکەڤە و دێ ژ بۆنا پاراستنا ھنده‌ک ده‌ستکه‌فتیێن کوردان ل ڕوژاڤا بزاڤێن وێ و یێن ئەورپپا یێن سیاسی و دپبلوماسی به‌رده‌وام بن .
١٢- ھشتا به‌رنامێ ئه‌مریکا ل ڕوژھه‌لاتا ناڤین گه‌له‌ک مایه و به‌رژه‌وه‌ندێن وێ گه‌له‌کن ل ده‌ڤه‌رێ ئه‌ڤه ده‌ڤه‌ره‌کا زیندیه بو ئه‌مریکا و ئیسرائیل ژی پرسه‌کا ستراتیژیه بو وێ. له‌ورا ژ بۆنا پارستنا به‌رژه‌وه‌ندێن خوە و ھه‌ڤپه‌یمانێن خوە و به‌رسینگرتنا تەرۆرێ و رێگرتن ل مایتێکرنێن ھه‌ڤرکێن وێ ھه‌بونه‌کا ئه‌مریکی یا بھێز ل وێ دەڤەری د مینیە. ژبلی کو ئه‌ڤه بریارا سه‌روکێ ئه‌مریکایه یا کارپێکه‌ره لێ گه‌له‌ک کاربده‌ست و دامه‌زراوێن ئه‌مریکی یێن بالا ده‌ست دگه‌ل وێ بریارێ نینن ھه‌روه‌کو ده‌وله‌تێن ئەورۆپایی ژی دگه‌ل نینن و ده‌لیڤا ڕاستڤه‌کرنێ بو ھه‌یه.
١٣- دڤێت ڤێ ژی بزانین کو ئه‌مریکا وه‌کو زلھێزه‌کا جیھانی پێگیریه‌کا سیاسی و ئه‌خلاقی ھه‌یه به‌رامبه‌ر جڤاکێ ناڤده‌وله‌تی ژ بۆ بجھئینانا مافێن مروڤ و مافێن چاره‌نووسا گه‌لان ل دووڤ دەکومه‌نتێن ڕێکخراوێن نێڤده‌وله‌تی.
١٤- به‌رپسیاریا ئێکێ و یا دوماھیێ یا کوردان بخویه کو بزانن دێ چاوا سیاسه‌تێ که‌ن کو یا گونجای و مه‌قبول بە ل ئاستێ ھه‌رێمایه‌تی و جیھانی کو بشێت ده‌ستکه‌فتیا بو کوردان بده‌ستڤه بینیت.
Ji FB
ئیحسان ئامێدی
٢٠١٩/١٠/٩
