رۆژهەلاتا ناڤین جهەکێ جیۆپۆلۆتیکی و ستراتیژی هەیە، ژێدەرەکێ گرنگە ژ روویێ ئابۆری و بازرگانی ڤە، دیسا هەر د کەڤن دا بۆ فرۆتنا کەرەستەیێن خاڤ و ڕێکا بازرگانی یا ستراتیژی د ناڤبەرا رۆژهەلات و رۆژئاڤا دا وەکۆ، تەنگاڤا هورمز، ژێدەرەکێ گرنگ بوویە. ژ بەر ڤێ یەکێ ئێران بەردەوام جهێ ململانێ بوویە د ناڤبەرا وەلاتێن زلهێز دا، دیسان ئێران بویە جهێ کێشە و ناکوکیان، بویە گۆرەپانەكا شەڕی و رەنگە ئەڤ شەڕە دوبارە بهێتە روودان و مەزنتربیت و ئێراق ژی بەر ب ڤان پێلێن شەڕی بکەڤیت و ببیتە جهێ ناکۆکیێن ناڤبەرا وەلاتێ ئیسرائیل و وان میلیشایێن سەر ب ئیرانێ ڤە، دەرکەتنا شێوازەکێ دی یێ شەڕی.
رەنگە جارەکا دی شەڕ رووبدەت و سەرەدەریا ئیسرائیلی ب پێشتەڤانیا ئەمریکا دژی ئێرانێ یا جودا و جێوازتر و توندتربیت ژ شەڕێ بۆری، ئیسرائیل یا ڤێ چەندێ دکەت داکۆ ئێرانێ ب تەمامی لاواز بکەت و نەچار بکەت کو دگەل ئەمریکا دانوستاندێ بکەت و نەبیتە خودانا چەکێ ئەتۆمی و سیستەمێ سیاسی یێ ئێرانێ بهێته لاوازکرن ژناڤبرن و لاوازکرنا ئابۆرێ ئێرانی و لاوازکرنا هێزو گرۆپێن نە یاسایی ل ناڤچێ ئەڤێن کو ئێران پێشتەڤانیا وان دکەت. پتریا سیاسەتمەدارێن ئێراقی ڤێ چەندێ پێشبێنی دکرن کۆ بەریا چەند سالان دزانین دێ هێرشی بۆ سەر ئێرانێ رویدەن، رەنگە ئێران دوبارە جارەکادی بکەڤێت بەر هێرشێن دژوار و ڤێجارێ ژی میلیشیاتێن حەشدا شەعبی ل ئێراقێ بکەڤن بەر ب ڤان جورە هێرشان.” ئەگەر پرۆگرامێ ئەتومی ل ئێرانێ ژ ناڤ نەچووبیت، د جارا دوێ دا دێ هێتە ژ ناڤبرن و سەرگریت .“
دبیت د چەند رۆژێن داهاتی دا دووبارە شەڕ دەست پێبکەتەڤە و ئێران بهێتە بوردوماندکرن و پرۆژەیێ ئەتومی ب تەمامێ بهێتە وێرانکرن، ژێرخانا ئێرانی یا هێزا سەربازی و ب گشتی زیانەکا مەزنتر دێ ڤێکەڤیت. رەنگە ئەڤ چەنده بهێتە ئەنجامدان بەریا دیدارا ترەمپی و ناتەنیاهۆی. زوربەیا وەلاتێن زلهێز ژی دژی چەکێ ئەتومی یێ ئێرانێ نە، و رەنگە گوهۆڕین ل ئێراقێ ژی ڕووبدەن، ئەو گروپێن نە یاسایی و میلیشیاتێن ئێراقی ب دوماهێک بهێن هێچ بریارەکێ ب رێکا دەستووری ناکەن، چونكە ئەو میلیشیاتە کۆ وەلاتێ ئێرانێ پاڵپشتا وانە، ئەگەر پاڵپشتیا وان لاواز بیت یان هەر نەمینت، ژبەر هندێ ئەوان میلیشیاتان موشەك بەرەف ئیسرائیلێ بکاردئینان بونە مەترسی سەر وەلاتێ ئێسرائیلی.
باشترین رێك بۆ وەلاتێ ئێرانێ دگەل ترامپی کومببیت ڤەکرنا زەمینەسازیەکێ بۆ ڤەکرنا دەرگەهەکێ دیپلۆماسی ب رێکا دانوستاندنێ مەترسی بۆ سەر ئێرانێ بهێنە ڕاوستاندن، چونکە باشترین رێكا چارەسەریێ یە ئێران کومببیت ڤەکرنا زەمینەسازیەکێ بۆ ڤەکرنا دەرگەهەکێ دیپلۆماسی برێکا دانوستاندنێ ڤان هێڕشێن ئیسرائیل بۆ سەر ئێرانێ بهێنە ڕاوستاندن چونکە تاکە رێك بۆ ژناڤبرنا مەترسیا چەکێ ئەتومی و ئاشتیێ هەردو وەلات پێدڤی ب دانوستاندنێ نە.
