نڤیسین: ئاشتى فەتحى بێسفكى
پشتى هاتنا رێكخراوا تيرورستى يا ب ناڤێ دەولەتا ئيسلامى ل عيراق و شامێ (داعش) بو وەلاتێ عيراقێ ل سالا 2014 ێ بوو هوكارێ تێكدانا فاكتەرێ ئاراميێ ل سەرانسەرى عيراقێ كو هەرێما كوردستانێ ژى ژ ئەڤێ مەترسيێ بێ بەهر نەبوويە.
ھەرێما كوردستانێ توشى ب دەهان نەخوشى و نەهامەتييێن مەزن بوو ل سەر دەستێ ئەڤێ رێكخراوا تيرورستى يا جيهانى، ژ تالانكرن و جيوناسايد و كوشتارێن مەزن ب سەرێ ملەتێ كورد ئينان ، هەر ژ دەستپێكا كریارێن ئەڤێ رێكخراوا تيرورستیا داعش بوونە هوكارێ پەكخستنا سەرجەم كار و وەبەرهێنان و خزمەتگوزاريێن گشتى ل سەرانسەرى هەريێما كوردستانێ د گشت بواران دا.
سەرەراى هندێ كو پێشتر هژمارەكا مەزنا كومپانيێن جيهانى ژبو ئاڤەدانكرنا هەريێما كوردستانێ د سەرجەم بوارێن جودا جودا دا ل ھەرێما كوردستانێ كاردكر، لێ پشتى دوماهيكهاتنا شەرێ تيرورستى يێ ريێكخراوا داعش ل 7 ێ كانونا ئێكێ سالا 2017 ێ و شكەستنا ئەڤێ رێكخراوا جيهانى ل سەردەستێ پێشمەرگەيێن قەهرەمان و سوپایێ عيراقێ و ب پشتەڤانيا هەڤپەيمانيا ناڤدەولەتى ، ئێدى ملەتێ كورد شيا هندەك دەمژمێران ب ئازادى پال بكەڤە.
پشتی بدوماهيكهاتنا شەرێ تيرورستى يێ داعش، د نوكە دا جارەكا دی هەرێما كوردستانێ پێدڤی ب ئاڤەدانكرن و خزمەتگوزاريێن گشتى د گشت بواران دا ھەيە. دەستپێكرنا گفتوگويێن دناڤبەرا هەولێر و بەغدایێ دا ل 20 ێ خزيرانا سالا 2019 ێ ژ بو چارەسەركرنا ئاريشەيێن هەلاويستى بوويە پالدەرەكێ مەزن ژبو سەرنجراكێشانا كومپانى و دەستەيێن بازرگانى د وەبەرهێنان و پشكداريكرن د بەردەوامیدان ب ئاڤەدانكرنا هەرێما كوردستانێ.
ئيمزاكرنا ياداشتناما لێكتێگەهشتنێ دناڤبەرا ژورا بازرگانى يا هەريێما كوردستانێ و ژورا بازرگانى يا ويلايەتێن ئێكگرتى يێن ئەمريكایێ ل 23 ێ خزيرانا سالا 2019 ێ ب ئامادەبوونا سەروكێ هەرێما كوردستانێ (نێچيرڤان بارزانى ) و جيگرێ هاريكارێ وەزيرێ دەرڤە يێ ويلايەتێن ئێكگرتى يێن ئەمريكا (ئەندرو پيك) د ئاراستەكرنا كومپانيێن ئەمريكى د ئاڤەدانكرنا هەريێما كوردستانێ دا پێنگاڤەكا گەلەك مەزنە، سەرەراى هندێ كو هژمارەكا كومپانيێن ئەمريكى ل هەرێما كوردستانێ بەردەوامى كاردكەن و د دەما شەرێ پێشمەرگەيێ قەهرەمان ل دژى ،رێكخراوا تيرورستى يا داعش دا ژی بەردەوام بوون لسەر كارێ خوە و هەرێما كوردستانێ بتنێ نەهێلا و د نەخوشترين ئاستەنگيێن روو ب روویێ هەرێما كوردستانێ بوين ئەمريكا خوە ب خودانێ كوردان زانیە .
لەورا پرانيا نڤيسەر و شلوڤەكاريێن نافخوەیى و ناڤدەولەتى رولێ سەروكێ هەرێما كوردستانێ (نيێچيرڤان بارزانى) د ئاراستەكرنا دووبارە ئاڤەدانكرنا هەرێما كوردستانێ دا ب بەرز دنرخينن، رول و شوونتليێن وى د دەما دەرباز بوى دا د ئاڤەدانكرن و پێشخستنا سەرجەم بوارێن جودا جودا دا ل هەرێما كوردستانێ رون و ئاشكەرايە.
2019.06.24
