دو به‌رپرسێن ڕێڤه‌به‌ریا خوه‌سه‌ر هاتن کوشتن
ل باشوورێ حه‌سه‌کێ 2 ژنێن به‌پرسێن ڕێڤه‌به‌ریا خوه‌سه‌ر هاتن کوشتن. گومان هه‌یه کو ئه‌و ژ ئالیێ داعشێ ڤه هاتبن کوشتن. به‌رپرسێ کامپێن باکور و ڕۆژهلاتێ سووریێ ژی ل سه‌ر زێده‌بوونا مه‌ترسیا داشێ ل ده‌ڤه‌رێ، هشیاریێ دده.
ل گۆر داخویانیا ئه‌نجوومه‌نا باژارێ حه‌سه‌که، سه‌عده فه‌یسه‌ل، هه‌ڤسه‌رۆکا ئه‌نجوومه‌نا تل شایه‌ر و هند له‌تیف م، سه‌رۆکا کۆمیته‌یا ئابووری ل هه‌مان باژارۆکی ئێڤارا ئینێ هاتنە ڕه‌ڤاندن
هه‌ر ل گۆر داخویانیا هاتیه به‌لاڤکرن ھەر دو ژن؛ هند له‌تیف و سەعده فه‌یسه‌ل کوشتی هاتنە دیتن.
و ته‌رمێ وان ژی ل باژارۆکێ ده‌شیشه ل باشوورێ حه‌سه‌که هاتنه دیتن.
د داخویانیێ ده ئاماژه ب وێ هاتیه کرن، ئارمانجا ڤان بوویه‌ران تێکدانا ئارامیا باژێر و به‌لاڤکرنا ترسێ یه د ناڤا خه‌لکێ دا.
ل سەر ڤێ بوویەرێ، ڕوانگه‌ها سووری یا مافێن مرۆڤ ڕاگەهاند کو بەری نھا ژ ئالیێ داعشێ ڤگه‌ف ل هه‌ردوو ژنان هاتبوو كرن
به‌رپرسێ کامپێن باکور و ڕۆژهلاتێ سووریێ، شێخمووس ئه‌حمه‌د ب ژ ڕووداو تڤیێ ببەحسا بوویەرێ كر.
ل گۆر شێخمووس ئه‌حمه‌د ژ ده‌ستپێکا سالا 2021ێ وەرە لڤ و ته‌ڤگه‌را داعشێ ل هه‌رێما وان و ل هه‌رێمێن ژێر کۆنترۆلا شامێ” زێده بوونه و داعش خوه خورت دکه و چالاکیان پێک تینه. ژ ده‌ستپێکا سالێ هه‌تا نها 13 كەس ھاتنە كوشتنن.
ل چاوانیا بوویه‌را کوشتنا هه‌ردو ژنێن به‌رپرس د ڕێڤه‌به‌ریا خوه‌سه‌ر دا، ئه‌حمه‌د دبێژه: “به‌رێ ژی گه‌ف ل وان ل وان ھتابوون كرن، گرووپه‌کێ ئێرشی وان کریه و ئه‌و برنه و پشتی ساعه‌ته‌کێ ژی ئه‌و کوشتنه و ته‌رمێن وان ئاڤێتنه.”
