نڤیسین: ئاشتی فەتحی بێسفكی
حكومەتا رژێما بەعسا ژناڤچوى گەلەك كومەلكوژى و كوشتن و تالانكرن ب سەرێ ملەتێ كورد ئينايه، چاڤەرێبوونا چەندين سالان يا بێ ئه نجام دگەل حكومەتێن جودا جودا يێن عيراقێ و بێهيڤىبون ژ گوتنێن بێ كردار يێن حكومەتا عيراقێ، ژبەركو مافێ چارەنڤيسى ئێك ژ وان مافانه يێن كو هاتيه پێدان بو تەڤايا گه لێن جيهانێ.
چاڤەرێبوونا چەندين سالان يا بێ ئه نجام دگەل حكومەتێن جودا جودا يێن عيراقێ و بێهيڤىبون ژ گوتنێن بێ كردار يێن حكومەتا عيراقێ، ژبەركو مافێ چارەنڤيسى ئێك ژ وان مافانه يێن كو هاتيه پێدان بو تەڤايا گه لێن جيهانێ.
گه لێ كورد ژ پێخەمەت قورتالبون ژ دەردەسەرى و بندەستيا چەندين سالان بريارا رەفەراندومێ دا بو جودابون ژ عيراقێ، ئێدى كوردێن هه رێما كوردستانێ ل 25ێ ئيلونا سالا 2017ێ بريارا پشكداريكرن د روژا مێژووى يا گەلێ كورد دا كر و ب پرانيا دەنگان ب رێژه يا 92% بەلێ بو رەفەراندوم و سەربەخويا هەرێما كوردستانێ هەلبژارت.
پشتى قوناغا رەفەراندومێ، حكومەتا عيراقێ دەست ب سزادانا گەلێ كورد كر ب ئابلوقەيێن ئابوورى و سياسى و ڤەگوهاستنێ وەكى دائێخستنا سەرجەم هێلێن فروكەڤانى يێن فروكخانەیێن هەولێر و سلێمانيێ و داخازا گرتنا سنورێن وەلاتێن دەوروبەرێن هەرێما كوردستانێ كر كو وەلاتێ ئيرانێ ب فەرمى سەرجەم سنورێن خو دگەل هەرێما كوردستانێ دائێخستن، كێمكرنا پشكا كوردان د بودجەيا عيراقێ دا، راگرتنا مووچەيێن فەرمانبەرێن هەرێما كوردستانێ، هەروەسا لڤاندنا هێزا لەشكەرى ل وان دەڤەرێن هێزێن پێشمەرگەيێ قەهرەمان رزگاركرين ل سالا 2003 ێ دا، زێدەبارى ئەڤێ چەندێ خيانەتا خيانەتكارێن 16 ێ ئكتوبەرا سالا 2017 ێ يێن كو رابوين ب فروتنا كەركوكێ د ماوه يێ 24 دەمژمێران دا بێ تەقاندنا ئێك فيشەك، لەورا هەرێما كوردستانێ د ئەڤێ قوناغا دەربازبوى دا باوەشەكا توند و درێژ ل هەمبەر قەيران و ئاريشەيێن مەزن دا گرت.
پشتى سركرنا ئەنجامێن رەفەراندومێ ل 25 ێ ئكتوبه را سالا 2017 ژ پێخەمەت نەپەيدابوونا چ بيروكەيێن كوشتارى يێن لەشكەرى دناڤبەرا هەولێر و بەغدایێ دا، دان و ستاندنێن بەردەوامێن سەروكوەزيرێ هەرێما كوردستانێ و سەروكوەزيرێ بەرێ یێ عيراقێ ژبو خورتكرنا پەيوەنديێن هەولێر و بەغدا ئێدى ژ قوناغا بيروكەيا هەلگرتنا چەكى ل هەمبه ر هەولێر و بەغدایێ بەرەڤ قوناغا دان و ستاندنێ ڤه دەربازبوو. ب دبلوماسى و هێزا نەرما دبلوماسىيا سەروكوەزيرێ هەرێما كوردستانێ دووباره شيان پشكا بوودجەيا هەرێما كوردستانێ و مووچەیێ فەرمانبەرێن هەرێما كوردستانێ دابين بكن ژ حكومەتا عيراقێ،
رولێ سەروكوەزير (نێچيرڤان بارزانى) رولەكێ ئێكجار يێ مەزن بوويه د ڤەكرنا گرێكێن دناڤبەرا هەولێر و بەغدایێ دا و شيايه سەرجەم ئابلوقەيێن جوراوجورێن ل سەر هەرێما كوردستانێ راگرە، دووباره پەيوەنديێن دبلوماسى دگەل وەلاتێن بيانى پەره پێ بده و رەوشا جاران ب ئارامى ڤەگه رينە، لەورا ملەتێ كورد هەر دەمەكى دا پێدڤياتى ب كەسايەتيێن مينا سەروك بارزانى هەيه كو فاكتەرێ چارەسەركرنا گشت گرێكايه د قوناغێن پرى .ئاستەنگ و هەستيار
2019.05.31
