دڤێ ئیران دەملدەست ئێریشان راوەستینە

 بارەگەها بارزانی د داخویانیەکێ  دا ب ئێریشێن پاسداران بۆ سەر ‌‌هەرێما كوردستانێ ب دژواری شەرمەزار دکە و دبێژە کو ئێرێش و موشەکباران چو پرسگرێکان چارەسەر ناکە. بارەگەها بارزانی د داخویانیا خوە دا داخوازێ ژ پاسدارێن ئیرانێ دکە کو دەملدەست ڤان ئێریشین کە خەلکێ سڤیل و ژن و زارۆکان دکن ئارمانج راوەستینن. 

داخویانیا باره‌گه‌ها بارزانی

ئه‌ڤە گه‌له‌ک جاره‌ هه‌رێما کوردستانێ راستی مووشه‌ک و بۆمبه‌بارانا هێزێن ئیرانێ تێ. ئه‌م ڤان ئێریش و بۆمبه‌بارانان شه‌رمه‌زار دکن، ژ به‌ر کو د ئه‌نجامێ وان ئێریشان دا خەلکێ سڤیل، ژن و زارۆکێن بێگونەه هاتن کوشتن و بریندارکرن و ئه‌ڤ د راستیێ دا سووج و تاوانکاریە. د هه‌مان ده‌مێ دا ئه‌ڤ ئێریش و بۆمبه‌بارانکرن بنپێکرنا پره‌نسیبێن جیرانتی، دۆستایه‌تی و سه‌روه‌ری یه‌ و چو ئەگەرەک بۆ نینه‌ و ل دژی به‌رژه‌وه‌ندی و ئارامیا هه‌رێما کوردستانێ یه‌.

ئه‌م رادگەهینن ژی کو ئێریش و مووشه‌کبارانکرن  پرسگرێکان چاره‌سه‌ر ناکه‌ و دڤێ ئێدی ئه‌م په‌نایێ بۆ کریارێن ب ڤی ئاوایێ کو ژ بلی سووج و بێئیستقراریێ تشته‌ک دن ژێ به‌رهه‌م نایێ، نه‌بن.

 ئه‌م داخواز دکن کو ده‌ملده‌ست ده‌ست ژ ڤان ئێریش و بۆمبه‌بارانان به‌ردن و ئێدی هه‌رێما کوردستانێ نه‌به‌ مه‌یدانا چاره‌سه‌رکرنا پرسگرێک و ناکۆکیێن ناڤخوه‌یی یێن وه‌لاتێن جیران.

باره‌گه‌ها بارزانی

۲۸ێ ئیلۆنێ ۲۰۲۲