من گه‌له‌ک جاران گۆتیە کو ئێدی کورد وه‌ندا ناکن. ڕۆژ ب ڕۆژ وێ قه‌زه‌نج بکن. لۆما ژی دڤێ ئه‌م ب سه‌بر ڤێ پێڤاژۆیێ بشۆپینن.
نها ب سایا ئه‌مریکا، یه‌ک ژ دژمنێ گه‌لێ کورد یێ هه‌ری خه‌ته‌ر، دژمنێ ئینسانه‌تیێ، دۆستێ هه‌می خه‌رابیان قاسم سوله‌یمانی چوو. ئه‌مریکا ئه‌و شاند دۆژه‌هێ. ئاقووبه‌تا وی ل سه‌رێ دیکتاتۆرێن دن به.
هه‌لبه‌ت کوشتنا وی نه وه‌ها ژ دۆرێ یه‌که، ب کوشتنا وی جه‌ناواری، ترک و فارسان ژی دربه‌یه‌که مه‌زن خوارن.
دڤێ کورد پتر هشیار بن. ئێدی ڕۆژ ب ڕۆژ وێ قه‌زه‌نج بکن. ئه‌ڤ قه‌زه‌نج ژی ژ باشوورێ کوردستانێ و ب سایا ئازادیا ور دێ ده‌ستپێ بکه و هه‌می کوردستان بگەھیتە ئازادی و سه‌رخوه‌بوونا خوه.
ل ڤێ جیهانی چ گه‌ل و وه‌لاتان ب قاسی کوردان به‌ده‌ل نه‌دانه، ئێش نه‌کشاندنه، رۆندك و وێرانی نه‌دیتنه. لێ هه‌ر تشته‌ک داویێ وێ ژی هه‌یه. ئێدی داوی ل ڤان تێ و کوردستانا سه‌ربخوه پێک تێ. ئه‌ڤ دێ ببه گاڤا ئه‌ول یا ژ بۆنا کوردستانا مه‌زن.
ژ نها دا تۆڤێن ترسێ که‌تیه دلێ داگیرکه‌ران. ئه‌و ژ مه باشتر دزانن کو وێ چ بێ سه‌رێ وان. لێ دڤێ ئه‌م ژ هه‌ر جارێ پتر شیار بن. دڤێ ئه‌م ژ هه‌ر جارێ پتر ژ بۆنا بارزانیان ببن پشتگر.
یێن کوردستانێ نافرۆشن و ژ بۆنا سه‌رخوه‌بوونا وێ د ناڤا ته‌ڤگه‌رێ دا نه ته‌نها بارزانی نه. ژ به‌ر کو ڤان جامێرانا ژ ڕۆژا ئه‌ول ده ده‌ما بریارا خوه یا ژ بۆنا ئازادیا وه‌لاتێ خوه دان و گۆتن؛ دڤێ ئه‌م ده‌ستهلاتا وه‌لاتێ خوه بن و، نه پێویسته بیانی، دڤێ ئه‌م خه‌لکێ خوه ب ڕێڤه ببن.
ل گۆر ڤێ بریارێ ده‌ست ب شه‌رێ ئازادی و سه‌رخوه‌بوونا کوردستانێ کرن. ئه‌ڤ بوو سه‌د سالن کو ل گۆر ڤێ ئارمانج و بریارێ ته‌ڤدگه‌رن.
هه‌لبه‌ت ژ ناڤا ڤێ ته‌ڤگه‌را ژ بۆنا ئازادیا گه‌لێ خوه گه‌له‌ک به‌ده‌ل دان لێ چ جاران خوه ڕاده‌ستی دژمن نه‌کرن و نه‌بوون نۆکه‌رێ داگیرکه‌ران و وه‌لاتێ خوه نه‌کرن بازارا داگیرکه‌ران.
ژ به‌ر ڤێ بوو کو تم، هه‌ر چار داگیرکه‌رێن مه، ژ بۆنا بارزانیان ژ هۆلێ ڕاکن، هه‌ر ب هه‌ڤرا کارکرنه. ب هه‌ڤرا ژ بۆنا نەھێلانا وان بریار دانه. لێ ب سه‌ر نه‌که‌تن و ناکه‌ڤن. یێ کو هه‌لوه‌ستا هه‌ر چار داگیرکه‌ران تێک بر و کورد کر خوه‌دی ڕێبازه‌کێ دیسا بارزانی بوون.
سالا ۲۰۲۰ سالا کوردانه!!!
ب هێڤیا سالا۲۰۲۰ ببه سالا تێکچوون و هلوه‌شاندنا ڕژیمێن ئیسلامی یا ئران و ترکیێ. کوردستانه‌کا سه‌ربخوه ژ ناڤا وان ده‌رکه‌ڤه.
بلا سالا نوو ل داگیرکه‌ران ببه وێرانوو و ژ کوردان ڕا ژی ببه ئازادی.
کوردنۆ بلا هێڤیێن وه یا ژ بۆنا کوردستانه‌کا سه‌ربخوه خورت به. ئه‌م هه‌تا سالا ۲۰۲۱ ڤێ هێڤیێ بخن ژیانێ و بکن ڕاستی. باشوور، ڕۆژهلات و باکورێ کوردستانێ دبن ده‌وله‌ت.
سالا ۲۰۲۰ وێ ژ بۆنا کوردان ئازادی و سه‌رخوه‌بوون بینه. ل مه ته‌ڤان پیرۆز به.
بووبێ ئه‌سه‌ر
2020.01.03
