دۆگو په‌رینچه‌ک، سه‌رۆکێ پارتییا وه‌لات، د وه‌شانا زندی یا خەبه‌رتورکێ دا بێچه‌ککرنا پەکەکێ شرۆڤه کر.
دۆگو په‌رینچه‌ک د به‌رسڤا پرسێن رۆژنامەڤان فاروق ئاکسۆی دا ته‌که‌ز کر کو پلانا کوردستانێ یا “که‌ژال”کو ئەمریکا ۳٥ سالن هه‌ول دده ب ئیسرائیلێ را ئاڤا بکه، تێک چوویه.
په‌رینچه‌ک ده‌ستنیشان کر کو ئەبدولا ئۆجەلان د ڤێ پێڤاژۆیێ دا ئیسرائیلێ ژی وه‌کی دژمن ده‌ستنیشان کریه.
په‌رینچه‌ک دبێژه:
“کۆمیسیۆنه‌ک دێ هێتە دامه‌زراندن، چاره‌سه‌ری و پلان دێ هه‌بن، لێ پێشی دڤێ ستراته‌ژیه‌ک هه‌به. ئه‌ڤ ستراته‌ژی ئه‌نته‌گراسیۆنا ب کۆمارا ترکیه‌یێ و مله‌تێ ترک را یه. دێ چه‌کێن خوه دانن. لێ ئه‌و دکارن وان پاشی بدەستبخن ڤە، ئان ژی ئەمه‌ریکا و ئیسرائیل دکارن وان پۆشمان بکن، ڕاسته؟ لێ چاره‌سه‌ریا داوی و بنگه‌هین ئا کۆمارا ترکیه‌یێ یه. ژ وانێ هه‌تا ئه‌دیرنه‌یێ، کۆمارا ترکیه‌یێ ده‌وله‌تا مه یه. ئه‌م، ترک، کورد و مرۆڤێن ژ ئه‌سلێ خوه یێن جوودا، هه‌می به‌شه‌ک ژ مله‌تێ ترکیه‌یێ نه.
په‌رنچه‌ک ل سه‌ر پرسا “گه‌لۆ سه‌رۆکێن پایه‌بلند یێن پەکەکێ دێ وەرن ترکیه‌یێ؟” وها به‌رسڤ دا:
“بێ گومان، دڤێ وه‌لاتیێن مه چه‌کێن خوه ده‌ینن و وه‌رن. لێ ئه‌م ڤێ ئیراده‌یێ ژ وان دخوازن. ئه‌و دێ ببێژن، ‘ئه‌م ب کۆمارا ترکیه‌یێ و نه‌ته‌وه‌یا ترکیه‌یێ را ئه‌نته‌گره دبن.“ ب ڕاستی، ڕێبه‌رێ وان ئەبدولا ئۆجەلان ڤێ دبێژه. دڤێ ئه‌و ببێژن، ‘ئه‌م ژ به‌ر ڤێ بریارا ستراته‌ژیک تێن. ئه‌ڤ وه‌لاتێ مه یه، ده‌وله‌تا مه یه.”
دڤێ ئه‌ندامێن پەکەکێ بهێنە عه‌فووکرن، لێ ب شه‌رته‌کی. ئه‌و دێ ببێژن، “ئه‌ز ئارمانجا ئه‌نته‌گراسیۆنێ ب کۆمارا ترکیه‌یێ و نه‌ته‌وه‌یا ترک را پارڤه دکم. ئه‌ز دخوازم ژ قانوونا عه‌فوویێ سوود وه‌ربگرم.“ مه، وه‌کی پارتییا وه‌لات، قانوونه‌ک عه‌فوویێ ئاماده کریه. ئه‌م دێ ڕۆژا یه‌کشه‌مێ ژ ڕایا گشتی را ڕاگەهینن. دڤێ ئه‌و که‌سێن کو دێ هێنە عه‌فووکرن هه‌مبێز بکن و ب وان را ئه‌نته‌گره ببن.
“ب ڕایا من، ئێدی پارتییا ده‌م گه‌ره‌ک ژ هۆلێ ڕابه. ژ به‌ر کو ڕێخستنکرنا ل سه‌ر بنگه‌ها دابه‌شبوونێ دبه سه‌ده‌ما دابه‌شبوونێ. ڕێخستنکرنا ل سه‌ر بنگه‌ها یه‌کیتیێ دبه سه‌ده‌ما یه‌کیتیێ. ب گۆتنه‌که دن، هه‌که هوون پارتییه‌ک کوردی ئاڤا بکن، ئه‌و پارتییا کوردی دێ هه‌ر گاڤ بنگه‌ها جوداکاریێ پێک بینه. ئه‌ڤ دێ د هه‌مان ده‌مێ دا ژ تێگهیشتنا ئەبدولا ئۆجەلان دوورکه‌تنه‌ک به. ئۆجەلان گۆت، ‘ژ نها و پێ ڤه، ئه‌م دێ ل سه‌ر بنگه‌ها خه‌تێن ئه‌تنیکی، ئۆلی، ئان مه‌زهه‌بی سیاسه‌تێ نه‌کن.“
“ته‌نێ قانوونا عه‌فوویێ پرسگرێکێ چاره‌سه‌ر ناکه. ئه‌ڤ که‌س دێ بکاربن ده‌بارا خوه بکن، کاره‌کی ببینن و بکه‌ڤن ژیانێ. گه‌ر باوه‌رنامه‌یا وان ئا حقووقێ هه‌به، ئه‌و دکارن ببن پارێزه‌ر. گه‌ر باوه‌رنامه‌یا وان ئا بژیشکی هه‌به، ئه‌و دکارن ببن بژیشک. ئه‌و جۆتکارن؛ ئه‌و دێ بچن و ل تراکتۆرێ سوار ببن و چاندنیا خوه بکن. ئه‌و دکارن ببن ئه‌سناف.”
دۆگو په‌رینچه‌ک هێزێن کو ل دژی ڤێ پێڤاژۆیێ نه وها وەسف کرن:
“که‌سێن کو ل دژی ڤێ پێڤاژۆیێ ل ترکیه‌یێ ده‌ردکه‌ڤن، نه‌ته‌وه‌په‌ره‌ستێن سه‌خته و چه‌پگرێن سه‌خته نه. له‌شکه‌ر و پۆلیسێن مه یێن ترک جانێ خوه دانه، خوین ڕژاندنه و ته‌رۆریزمێ ب داوی کرنه. پەکەکە ژی چه‌کێن خوه داتینه. گه‌لۆ نه‌ته‌وه‌په‌ره‌سته‌ک دێ ل دژی ڤێ یه‌کێ ده‌رکه‌ڤه؟ گه‌لۆ که‌سه‌ک کو ل دژی ده‌ردکه‌ڤه دێ وه‌کی نه‌ته‌وه‌په‌ره‌ستێ ترک وه‌ره بناڤکرن؟ .
“هه‌م نه‌ته‌وه‌په‌ره‌ست و هه‌م ژی یێن کو قاشۆ چه‌پگرن د دژبه‌ریا خوه یا ل دژی ڤێ پێڤاژۆیێ دا یه‌کن. ئامه‌ریکا و ئیسرائیل ئه‌ون کو وان یه‌ک دکن.”
“پێڤاژۆ به‌ر ب سه‌رکه‌فتنێ ڤه دچه”
ئۆمه‌ر چه‌لیک د به‌رسڤا پرسا پێشکێشڤان ده گۆت، “دڤێ ئه‌ڤ پرسگرێکا بێچه‌کبوونێ د ناڤ ٥-٦ مه‌هان دا ب ته‌ڤاهی وه‌ره چاره‌سه‌رکرن. ژ به‌ر کو ناکۆکی، گه‌نده‌لی و نه‌لهه‌ڤی دکارن بکه‌ڤن ده‌ورێ.” هوون وسا دفکرن؟”، په‌رینچه‌ک نرخاندنا ژێرین کر:
“ئه‌و دێ وه‌ره‌ن چاره‌سه‌رکرن. ئیراده‌یه‌ک بنگه‌هین هه‌یه. بریارا ئەبدولا ئۆجالان هه‌یه. بریارا ده‌وله‌تا ترکیه‌یێ ژی هه‌یه. یا هه‌ری گرینگ، مله‌ت پشتگریێ دده ڤێ یه‌کێ. گه‌لێ مه ل باشووڕۆژهلات و ڕۆژهلاتێ ئاناتۆلیایێ، و هه‌ر وه‌ها ل سته‌نبۆل، ئه‌نقه‌ره و ئیزمیرێ، هه‌می ۸٦ ملیۆن ژ مه، پشتگریێ ددن ڤێ پێڤاژۆیا بێچه‌کبوونێ و ئه‌نته‌گراسیۆنێ د ناڤ ده‌وله‌ت و مله‌ت دا.
