دیالۆگا ناڤبەرا بارزانی و ترومپ
کۆشکا سپی داخویانیه‌ک ده‌ربارێ جڤینا نێچیرڤان بارزانی و دۆنالد ترومپ دا به‌لاڤ كر
سه‌رۆکێ هه‌رێما کوردستانێ ئیرۆ د چارچۆڤه‌یا کۆربه‌ندا ئابۆری یا جیهانی ل داڤۆسێ، جڤینه‌ک د گه‌ل سه‌رۆکێ ئه‌مریکایێ دۆنالد ترومپ ئه‌نجام دا.
کۆشکا سپی ده‌قا گۆتنێن دۆنالد ترومپ، سه‌رۆکێ ئه‌مریکایێ و نێچیرڤان بارزانی، سه‌رۆکێ هه‌رێما کوردستانێ د جڤینا ل داڤۆسێ به‌لاڤ کر.
ئه‌ڤ ل ژێر داخویانیا کۆشکا سپی یا ده‌ربارێ جڤینێ:
گۆتنێن سه‌رۆک ترومپ و سه‌رۆک بارزانی، سه‌رۆکێ هه‌رێما کوردستانێ پێش جڤینا دوالی. داڤۆس، سویسره:
سه‌رۆک ترومپ: گه‌له‌ک سپاس، جهێ کێفخوه‌شیا منه کو دگه‌ل سه‌رۆکێ کوردستانێ سه‌رۆک بارزانی مه، ده‌مه‌ک مه یا دیارکری ژ بۆ جڤینێ هه‌یه. ژ مێژ بوومه دخوه‌ست بجڤن. مه د گه‌ل هه‌ڤ گه‌له‌ک باش کار کریه.
وه‌ک هون دزانن ئه‌م ژ هنده‌ک ناڤچه‌یێن سینۆری یێن سووریێ ڤه‌کشیا نه و ئه‌ڤ ژی مه ب باشی د گه‌ل ترکیێ کریه. ئه‌وقاس باش هاتیه کرن کو هاتبه بیرا هه‌ر که‌سه‌کی. نها ئه‌و یا ژێ ڕه دگۆتن “ناڤچه‌یا ئارام” هه‌یه و پێزانینێن من بۆ وان هه‌موویان هه‌نه کو وها کرنه ئه‌ڤ ده‌ڤه‌ر سلامه‌ت بن.
لێ به‌لێ گه‌له‌ک گرینگه، هه‌ر وه‌که هوون دزانن، په‌ترۆلا مه هه‌یه و مه هنده‌ک سه‌رباز بۆ په‌ترۆلێ هشتنه، ژ به‌ر مه په‌ترۆل بده‌ست خستیه، کار ل سه‌ر ڤێ یه‌کێ دکن و مه گه‌له‌کی ب باشی پاراستیه.
ئه‌م هه‌روها ب هه‌زاران ده‌سته‌سه‌رکریێن مه یێن داعشێ هه‌نه، مه خلافه‌تا (داعش)ئێ ژ سه‌دی ۱۰۰ تێکشکاند، ئه‌ڤ ناڤچه‌یه گه‌له‌ک جهێ بالداریێ یه، هه‌روها په‌یوه‌ندیه‌که مه یا گه‌له‌کی باش هه‌یه و جهێ کێفخوه‌شیا منه کو لگه‌ل ته مه، گه‌له‌کی سپاس.
سه‌رۆک بارزانی: سپاس جه‌نابێ سه‌رۆک، گه‌له‌ک سپاس.
سه‌رۆک ترومپ: دکاری تشته‌کی ببێژی؟
سه‌رۆک بارزانی: به‌لێ، دخوازم ڤێ ده‌رفه‌تێ بکار بینم داکو سپاسیا ته بکم ڕێزدار سه‌رۆک بۆ پێشوازیکرنا ل مه ل داڤۆسێ، وه‌ک وه ژی به‌حس کر و تو دزانی ده‌مه‌که زێده یه ل به‌ندا ڤێ کێلیکێ نه.
سپاس بۆ سه‌رکردایه‌تیا ته، سپاس بۆ پشتیڤانیێن ته، مه ب هه‌ڤره داعش تێکشکاند.
سه‌رۆک ترومپ: ڕاسته.
سه‌رۆک بارزانی: له‌وما ب ناڤێ گه‌لێ کوردستانێ دخوازم سپاس و پێزانێن خوه بینن زمان بۆ سه‌رکردایه‌تی و پشتیڤانیا ته، سپاس.
سه‌رۆک ترومپ: گه‌له‌ک سپاس، ب ڕاستی تشته‌کی گه‌له‌ک باشه.
سه‌رۆک بارزانی: گه‌له‌ک سپاس، حورمه‌تا من هه‌یه.
رووداو
