دەقێ نامەیا مەلا مستەفا بارزانی بۆ گەنەڕال دیگۆل سەرۆكێ فەرەنسا:
گەنەڕال..
دەلیڤەیێ بدە پیرەمێرەکێ وەکی من، دا کو ئەڤێ داخوازیا گرنگ بۆ هەوە بنێریت، پیرەمێرەکی کو ژ دەستپێکا لاوینییا خۆ ڤە، بۆ ئازادی و پاراستنا کەرامەتا گەلێ خوە خەباتێ دکەت.
هوون مەزنترین خەباتکەرێ سەرهەلدانێ نە ل ئەورۆپایێ، هوون ئەون یێن کو وەلاتێ خوە بەرەڤ سەرفرازیێ بری، هوون نەشێن هەست ب ئێش و ئازارێن گەلێ کوردێ چیایی نەکەن، یێ کو دەمێ شەش سالێن ڕەبەقە ل باکورێ عێراقێ، د خەباتەکا بێ بێهنڤەدان دایە.
ژ وێ ژی پتر، هوون سەرۆکێ فەرەنسایێ نە، سەرۆکێ وێ نەتەوا بلند و پایەبەرزن کو پرەنسێپێن ئازادیێن سیاسی و مەبدەئێ مافێ چارەنڤیسێ گەلان پێشکێشی جیهانێ کری. ژ وێ ژی پتر، هوون (گەنەڕال دیگۆل) ڕزگارکەرێ هەموو وەلاتێن بیانی یێن فەرەنسی ئاخێڤن، دژمنێ سەرسەختێ هەر ڕامانەکا چەوساندنێ نە و دۆستێ ڕاستەقینەیێ هەر مرۆڤەکێ ئازادیخوازن.
گەنەڕال.. هوین د ڕژد بوون ل سەر دەربڕینا نەرازیبوونێ ل هەمبەر شەڕێ (ڤێتنامێ)، ئەز یێ پشتراستم کو ل دەڤ هەوە دۆزا گەلێ کورد ژ یا ڤێتنامییا کێمتر نینە.
ئەم د ڤێ شەڕ و خەباتا پاراستنا نەتەوا خوە دا، ب تەمامی ب تنێ نە، ڕێكخراوا نەتەوەیێن ئێکگرتی ئەم یێ پشتگۆهـ هاڤێتین، هەروەسا چەندین زلهێز ژی د هاریکاریکرنا عێراقێ دا ب نووترین چەکێن وێرانکەر هەڤڕكیێ دکەن، لەورا دویماهیک لایەن مابیت کو ئەم چاڤەڕێی ئۆمێدێ لێ بکەین، ب تنێ (دیگۆل)ێ فەرەنسایێ یە.
ئەڤڕۆ، دەمێ عێراقی داخوازا چەکی ژ فەرەنسایێ دکەت، ئەم وەسا دبینین کو بێی چارەسەرکرنەکا مەبدەئی یا کێشا کورد، هەر هنارتنەکا چەکی بۆ عێراقێ ب تنێ دێ بیتە ئەگەرێ وێرانکرنا وەلاتێ مە و کوشتنا ب کۆم یا ژن و زارۆکێن مە.
قورئانا پیرۆز دبێژیت: (بۆ هەر مرۆڤەکی ل ئاسمانان بەهەشتەکا بچووک هەیە، کو ل دەمێ نڤێژێ دشێت بەرێ خۆ بدەتێ). هوون و فەرەنسا بەهەشتا ئاسمانی یا مە نە.
مستەفا بارزانی
عێراق – کوردستان
٨ێ سباتا ١٩٦٨
شوباتا 1968
