دەنگڤەدانا سەردانا پێنس بۆ هەولێرێ
جیگرێ سه‌رۆکێ ئه‌مریکایێ مایک پێنس، سه‌ردانا هه‌ولێرێ کر و ژ ئالیێ سه‌رۆکێ هه‌رێما کوردستانێ نێچیرڤان بارزانی ڤه هاته پێشوازیکرن.
رۆژا شه‌میێ ٢٠١٩/١١/٢٣ێ، جیگرێ سه‌رۆکێ ئەمریکایێ مایک پێنس ه سه‌ردانا هه‌ولێرێ کر و ژ ئالیێ سه‌رۆکێ هه‌رێما کوردستانێ نێچیرڤان بارزانی ڤه هات پێشوازیکرن.
سه‌رۆکوەزیر مه‌سروور بارزانی، جیگرێ سه‌رۆکێ هه‌رێما کوردستانێ مسته‌فا سه‌یید قادر، جیگرێ سه‌رۆکوەزیر قوباد تالابه‌نی و هه‌ژماره‌ک به‌رپرسێن هه‌رێما کوردستانێ به‌شداری پێشوازیکرن و جڤینا دگه‌ل جیگرێ سه‌رۆکێ ئەمریکایێ بوون.
پێنس د ڤێ سەردانا خوە دا سەردانا بەغدایێ نەکر و دگەل سەرۆک و مەزنە بەرپرسێن عیراقێ چ دیدار و جڤین نەکرن، ئەو نە دگەل سەرۆککۆمار، نە دگەل سەرۆکوەزیر و نە ژی دگەل سەرۆکێ پارلامەنتۆیا عیراقێ نە جڤیا.
جیگرێ سەرۆکێ ئەمریکایێ سەردانا بنگەهێ سەربازیێ ئەمریکی ل عەین ئەسەد ل پارێزگاها ئەنبارێ کر و ل وێرێ چەند دەقیقەیەکا ب تەلەفۆنێ دگەل سەرۆکوەزیرێ عیراقێ عادل عەبدولمەهدی ئاخڤی.
ڤێ سەردانا مایک پێنس یا بوو هەرێما کوردستانێ د مەدیا جیهانی دا گەلەک دەنگ ڤەدا،
رۆژنامەیا واشینگتون پۆست یا ئەمریکی د نڤیسینە کو مایک پێنس جیگرێ سەرکێ ئەمریکایێ د سەردانەکا نەراگەهاندی دا سەردانا عیراقێ دکە داکو کوردان ل سەر بەردەوامیا هەڤپەیمانیا ناڤبەرا ئەمریکا و کوردستانێ پشتراست بکە.
رۆژنامەیا نیویۆرک تایمز یا ئەمریکی بەحسا سەردانا مایک پێنس دکە و دنڤیسینە کو جیگرێ سەرۆکێ ئەمریکایێ ل هەولێرێ دگەل “سیاسەتڤانێن ب هێز” سەرۆکێ هەرێما كوردستانێ نێچیرڤان ىارزانی و سەرۆکوەزیڕ مەسروور بارزانی کو”پسمامێن هەڤن” دجڤە.
بلوومبێرگ یا ئەمریکی دنڤیسینە کو ل هەولێری سەرۆکێ هەرێما کوردستانێ نێچیرڤان بارزانی فەرشا سۆر ژ بۆ مایک پێنس جیگرێ سەرۆکێ ئەمریکایێ راخستیە و بارزانی گۆتیە کو سەردانا پێنس دڤێ قۆناغێ دا ئیشارەتەک گرنگە ژ بۆ بەدەوامیا هەڤپەیمانیا ئەمریکا و کوردستانێ.
رۆژنامەیا گاردییان یا بەریتانی دبێژە کو سەردانا پێنس بۆ عیراقێ ژ بۆ دلرەحەتکرنا کوردێن هەڤپەیمانێن ئەمریکا د شەرێ دژی داعیسێ دا یە.
