دەولەتێن عەرەبی لشوونا پاترۆلێ گرنگیێ ب گەشتیاریێ ددن

که‌رتا گه‌شتیاریێ ل سه‌ر ئاستێ وه‌لاتێن عه‌ره‌بی، بوویه‌ جهێ گرنگیه‌ک مه‌زن، پشتی که‌رتا په‌ترۆلێ، کو ب رێژه‌یه‌کا مه‌زن به‌شداریێ د داهاتا نشتمانی و بلندکرنا ئاستێ ژیانا وه‌لاتیان و گه‌شکرنا بازاران ده‌ دکه‌.ل گۆری داوین راپۆرێن تایبه‌ت ب ڤی واری، هه‌ژمارا گه‌شتیاران ژ بۆ وه‌لاتێن عه‌ره‌بی د سالا ۲۰۱۷ئ ده‌، ب ئاوایه‌کی بالکێش بلند بوویه‌.رێخستنا گه‌شتیاریا جیهانی یا سه‌ر ب نه‌ته‌وێن یه‌کگرتی ڤه‌، د راپۆره‌کێ ده‌ راگهاند، کو سالا ۲۰۱۷ئ، نێزیکی ۸۰ ملیۆن گه‌شتیار سه‌ردانا وه‌لاتێن عه‌ره‌بی کرنه‌ و نێزیکی ۷۸ ملیار دۆلار ل بازارێن عه‌ره‌بی خه‌رج کرنه‌.راپۆرێ دیار کر، کو ئه‌و رێژه‌ ب تایبه‌تی ل شاهنشینا سعودیێ بلند بوویه‌، کو د سالا ۲۰۱۷ئ ده‌، به‌رامبه‌ر سالێن دن گه‌ڵه‌کی هاتنا گه‌شتیاران زێده‌ بویه‌ و نێزیکی ۱۶ ملیۆن گه‌شتیار و سه‌ردانکر، کو پرانیا وان ژ بۆ مه‌راسیمێن حه‌جێ، سه‌ردانا وی وه‌لاتی کرنه‌.هه‌مان راپۆرا نه‌توێن یه‌کگرتی دا خویاکرن، کو هه‌ژمارا گه‌شتیاران، ئێن کو سه‌ردانا وه‌لاتێن عه‌ره‌بی یێن رۆژهلاتا ناڤین کرنه‌، ۵۸.۱ ملیۆن گه‌شتیاره‌ و یێن کو سه‌ردانا وه‌لاتێن عه‌ره‌بی ل باکوورێ ئه‌فریقیا کرنه‌ ۲۱.۷ ملیۆنه‌ و ب ڤێ یه‌کێ هه‌ژمارا گشتی نێزیکی ۸۰ ملیۆن گه‌شتیار ده‌ردکه‌ڤه‌.K24