ئەم سالا نوو پیرۆز دکن و دلێ مە ل رۆژهلاتێ کوردستانێ یە
رێداکسیۆنا مالپەرێ “سبەهی” سەرسالا نوو، سالا ٢٠٢٣ێ، ل هەموو خوەندەڤان، نڤیسکار و هەڤکارێن مالپەری ب دل و جان پیرۆز دکە. ئەم هیڤیدارین کو سالا نوو ژ بۆ گەلێ کورد ل هەر چار پارچەیێن کوردستانێ و ل هەر دەرا کورد لێ بن، ژ بۆ هەموو پێکهاتەیێن ئۆلی و نەتەوەیی ل هەرێما كوردستانێ سالا خێر و خوەشیی بە، هەر گەل و نەتەوە و تاکەکەس ب ماف، هێڤی و داخوازێن خوە شاد ببن.
د دەمەکی دا کو ئەم سالا نوو پیرۆز دکن و پێشوازیێ ل سالا ٢٠٢٣ێ دکن، دل و هەستێن مە دگەل برایێن مەیە ل رۆژهلاتێ کوردستانی کو ئەڤ پتر ژ سەد رۆژانە شۆرەشا ب ناڤێ “شۆرەشا ژینا” ل ئیرانێ و ب تایبەتی ل رۆژهلاتێ کوردستانێ بەردەوامە.
ئەم ب هێڤی نە کو گەلێ کورد و گەلێن دن یێن ئیرانێ دێ مافێن خوە ب دەست بخن و رژێما کەڤنەپەرست و دکتاتۆر یا ئیسلامێ ژی دێ بکەڤە ناڤ زبلخانا دیرۆکێ دا چارەنڤیسێ وێ رژێمێ ژی دێ وەک چارەنڤیسێ دکتاتۆر سەدام حسێن و رژێما بەعس بە.
