ره‌زاله‌تا نه‌خشه‌یا سیاسی ل رۆژاڤایێ کوردستانێ
ل ڕۆژاڤایێ کوردستانێ پێنج که‌س هاتنه جه‌م هه‌ڤ ل ڕۆژاڤایێ کوردستانێ پارتیێک دانینه. له سه‌رێ وان ژی شڤانه‌ک هه‌یه (پەکەکە/پەیەدە). ئه‌و شڤان ب خوه ژی نه شڤانه‌کێ باشه ب بیانیان ڕا گرێدایی یه.. دێ وان هه‌موویان گه‌له‌ک ب هێسانی بده گوران و ده‌وله‌تان.
گه‌لۆ نه‌ته‌وه‌یا کورد، مله‌ته‌کێ ئارستۆکرات و ب ئه‌ساله‌ته. ئه‌ڤ چ ڕه‌زاله‌ته کو ب ده‌ستێن سیاسه‌تمه‌داران ل سه‌رێ نه‌ته‌وه‌یا کورد چێ بوویه. ده‌ما سیاسه‌تمه‌دار ل ڤێ نه‌خشه‌یێ دنێرین شەرم و فه‌دی ناکن.
۱-ئه‌ڤ نه‌خشە، ڕه‌وشا ڕۆژاڤایێ کوردستانێ یا نه‌خوه‌ش و به‌ره‌دایی و په‌ریشان دیار دکه. لۆما ژی به‌ریا لھەڤھاتنێ د ڤێ ئه‌و نه‌خشە بێ شرۆڤه کرن.
ڕۆژاڤایێ کوردستانێ، به‌شا بچووکترن یا کوردستانێ یه. نیڤا نفوسا وان ژی پشتی شه‌رێ ناڤخوه یێ سووریێ ده‌رکه‌ت ده‌رڤه‌یی وه‌لات. گه‌له‌ک هه‌رێم ژی د بن داگیرکه‌ریا ده‌وله‌تا ترک دا نه. هه‌رێمێن ژ ده‌رڤه‌یی ھەرێمێن هاتنه داگیرکرن ژی دیسا ب ئاوایه‌کی د بن کۆنترۆلا ده‌وله‌تا ڕووسی، سوریێ، ترکیێ دا نه. ل ڕۆژاڤایێ کوردستانێ سیاسه‌تا بەعس یا نیژادپه‌ره‌ست نكاری كه‌مه‌را عه‌ره‌بی چێ بکه، نووها چێبوویه؛ ل کوردستانێ و ب تایبه‌تی ژی ل قامشلیێ هه‌ژمارا عه‌ره‌بان زێده بوویه.
د ڤێ ڕه‌وش و نه‌خشێ دا ۲٥ پارتی ھاتینە با ھەڤ گویا ھەڤپەیمانی ئاڤا کرنه. د ناڤ ئه‌نەکەسێ دا ژی ۱۰-۱۱ پارتی هه‌نه. هه‌ژمارا پارتیێن ڕۆژاڤایێ کوردستانێ دبه ۳٥-۳٦ پارتی. گه‌لۆ چه‌ند کوردێن ڕۆژاڤایێ کوردستانێ ناڤێ ڤان پارتیان دزانن؟ کورده‌ک وه‌سات نه، کورده‌ک سیاسه‌تمه‌دارژی دکاره کو ناڤێ ڤان پارتیان بهێژمره؟ ئه‌ڤ پارتیانە کێ ته‌مسیل دکن؟ چه‌ند ئه‌ندامێن وان هه‌نه؟ سه‌رۆکێن وان کی نه؟ ئه‌ڤ پارتیانە ب ده‌ستێ کیژان ده‌وله‌تێ چێبوونه؟
حافز ژی نکارن ناڤێن ڤان پارتیێن ڕۆژاڤای کوردستان ژبه‌ر بکه. .
مرۆڤ دکاره پرسان ھێشتا ڕێز بکه. لێ ئه‌ز دزانم کو قیمه‌تا ڤان پارتیان نینە. هه‌مو ژی د بن کۆنترۆلا پەکەکە/پەیەدێ دا نه. ژ وێرێ نانی دخون. دێ چه‌وا سه‌ربخوه و ئازاد ته‌ڤبگه‌رن.
۲-ئه‌ڤ نه‌خشا په‌ریشانی، ڕه‌زاله‌تی و بێشاخسیه‌تی یا سیاسی ب ده‌ستێ ده‌وله‌تا سووریێ و پەکەکێ چێ بوو. ده‌وله‌تا سووریێ ب ده‌ستێ پەکەکێ سێ ستراته‌ژی مه‌شاندن. د ڤان هه‌ر سێ ستراته‌ژیێن خوه دا ژی سه‌رکه‌فتی بوو.
ستراته‌ژیا یه‌که‌مین: جوانێن ڕۆژاڤایێ کوردستانێ ل باکورێ کوردستانێ و ل ده‌ڤه‌رێن دن بده کووشتن و قر بکه.
ستراته‌ژیا دویه‌مین: کوردستانێ ب ده‌ستێ پەکەکێ تەعه‌ریب بکه.
ستراته‌ژیا سه‌یه‌مین: ته‌ڤگه‌را نه‌ته‌وه‌یی یا کوردستانێ تەسفیه بکه. ڕێخستن و سه‌رۆکاتیا ڕێخستنێن کوردستانێ بێ ڕوومه‌ت بکه. کوردان پارچه پارچه بکه. هه‌ر پێنچ که‌س پارتیه‌کێ ئاڤا بکن، خه‌لک ژی ب وان بکه‌نه.
ئیبراھیم گۆجلو
2020..05.21
