سیاسی

رووسیایێ ئیعتیراف کر

ل سه‌ر داگیرکرنا ئوکراینایێ ژ ئالیێ رووسیایێ  ڤە نێزیکی هەیڤ و نیڤا ده‌رباس بوون. د ڤی شه‌ری دا هه‌ردو ئالیان ژی گه‌له‌ک زیانێن مه‌زن دان. ب تایبەتی ژیرخانیا ئوکراینیایێ، هەما بێژە، ب تمامی ژ ئالیێ هێزا لەشکەری یا رووسیایێ ڤە هاتیە ژناڤ برن.

 ل سەر پێشهاتێن داویێ یێن شەری ئوکراینا و رووسیایێ، به‌رده‌ڤکێ کره‌ملن، دمتری په‌سکۆڤ د پرەسکۆنفەرەنسەکا  خوه‌ دا گەلەک تشتێن بالكیس گۆتن و هندەک ئیعتیراڤ ژی کرن، وی داخوویاکرن کو، رووسیایێ گه‌له‌ک ئه‌فسه‌رێن خوه‌ ژ ده‌ست دانه‌. 

رۆژنه‌مه‌ڤان ژ په‌سکۆڤ پرسیار کر:“ چه‌ند ئه‌فسه‌رێن رووسیاێێ د ڤی شەری دا ژیانا خوه‌ ژ ده‌ست دانه‌؟“  په‌سکۆڤ د به‌رسڤا خوه‌ دا گۆت: مه‌ گه‌له‌ک ئه‌فسکه‌رێن خوە وندا کرنه‌، ئه‌ڤ ژی ژ بۆ رووسیایێ تراژیدیه‌که‌.

رۆژه‌نامه‌ڤانه‌ک ژ  به‌رده‌ڤکێ کره‌ملن، دمتری په‌سکۆڤ دپرسه‌: ده‌ما ئه‌م ل ژمارا وان ئەفسەرێن د شەرێ دژی ئوکراینایێ دا ژیانا خوە ژ دەست دانە دنێرن، گەلۆ ما ئەڤ شه‌ر ژ بۆ رووسیایێ نه‌ شه‌رمه‌زاریه؟

په‌سکۆڤ د بەرسڤێ دا دبێژە: نه‌خێر،  ل سەر وان  بوویه‌رێن دڤی شه‌ری دا دقەومن   تێگەهشتنەک  خه‌له‌ت هه‌یه‌. ئه‌م ل هیڤیێ نە  کو د ڤان  دو ڕۆژێن پێشیا مه‌ دا رووسیا ل ئوکراینایێ بگهه‌ ئارمانجێن خوه‌.

ڕوسیا رۆژا ۲٤ێ مه‌ها سباتێ ده‌ست ب شه‌رێ ل دژی ئوکراینایی  کر. ۲٥ێ ئادارێ وه‌زاره‌تا بەرگریێ یا رووسیایێ د داخوویانیه‌کێ دا ئاشکه‌ره‌ کریبوو کو، بە تەنێ  ۳٥۱ ئه‌فسه‌رێن رووسیایی ژیانا خوه‌ ژ ده‌ست دانه‌ و ۳ هه‌زار و ۸۲٥ ئه‌فسه‌ر ژی بریندار بوونه‌، لێ ۳۰ هه‌زار ئه‌فسه‌رێن ئوکرانیا هاتنه‌ کوشتن.

بەلێ نها به‌رده‌ڤکێ کره‌ملن دمتری په‌سکۆڤ ب ئاشکرایی ژ رۆژنامەڤانان را دبێژە کو ئەرتەشا رووسیایێ د ڤی شەری دا گەلەک لەشکەر و ئەفسەران ژیانا خوە ژ دەست دایە.

لێ دخوه‌یێ کو به‌رخوه‌دانا ئوکراینیان نه‌هشت رووسیا بگهە ئارمانجا خوه‌ و ئه‌ڤ جارا یه‌که‌مه‌ کو، رووسیا ب فه‌رمی ئیعتیرافێ دکە کو گەلەک لەشکەر و ئەفسەرێن رووسیایێ ژیانا خوە ژ دەست دایە کو ئەڤ یەک ژی ژ بۆ وەلاتەک وەک رووسیایێ تراژیدیەک و شەرمەزاریە. 

Back to top button