مووسا خالد
سەردانا سەرۆککومارێ ترکیێ، رەجەب تەیب ئەردوگان، بۆ بەغدایێ و پاشی بۆ هەرێما کۆردستانێ و پێشوازیکرنا وی ژ ئالیێ نێچیرڤان بارزانێ سەرۆکێ هەرێما کوردستانێ ڤە، ئەڤە رامانا هندێ ددەت کو هەرێما کوردستانێ و نێچیرڤان بارزانی بەردەوام دگەل چارەسەکرنا هەموو کێشەیانە ب دیالۆگێ و لهەڤتێگەهشتنێ. هەر د ڤێ چارچۆڤەیێ دا، سه‌رۆكێ هەرێما کوردستانێ نێچیرڤان بارزانی بۆ چارەکرنا هەموو كێشه‌كان سه‌ره‌دانا به‌غدایێ کر، ژوان کێشەیان ژێ:
١- موچەو و بودجەیا کوردستانێ
۲- دەستنیشانکرنا سەرۆکێ ئەنجومەنێ نوێنەران ل ئێراقێ
٣- هەڵبژارتێن پەڕلەمانێ کوردستانێ و بابەتێ کوتا و کێمکرنا کورسیێن پێکهاتەتێن هەرێما کوردستانێ ژلایێ دادگەها فێدرالی ڤە
٤- هنارتنا نەفتا هەرێما کوردستانێ بۆ دەرڤە
٥- دانوستاندن دگەل حکومەتا فیدرال و دوماهێک ئینان ب وان هێرشێن نە درۆست ب رێکا درونا بۆ سەر کێلگەها غازێ ل کۆرمۆر کو زیان گەهاندییە کارەبا رۆژانە یا هەولاتیێن هەرێما کوردستانێ.
نێچیرڤان بارزانی دگەل تەکەزی ل وێ چەندێ کر حکومەتا ئیراقێ ڤەکۆلینان بو ڤێ هێرشێ بکەن. چونکە ئەمەریکا د سیاسەتا خوە دا دگەل حکومەتا ئیراق و حکومەتا هەرێما کوردستانێ د پشتەڤانیکرنا پاراستنا ئاسایش و سەقامگێریا سەروەریا ئیراق بەردەوام و چارەسەکرنا هەموو کێشەێن ناڤبەرا هەولێر و بەغدایێ دا بەردەوام دبت. چوونا نێچیرڤان بارزانی ژ بۆ بەغدایێ ئەڤە تەکەزیێ ل وێ چەندێ دکەت کو، کوردستان بەردەوام دوپاتیێ ل چارسەرەکرنا هەموو کێشەیان دکەت.
دیسان دادگەها فێدرالی بویە وەکۆ دادگەهەکا سیاسیی بەردەوام بریارا ل دژی قەوارێ هەرێما کوردستانێ ددەت، وەکو کێمکرنا کورسیێن پەرلەمانی یێن کوتایان و ئەڤە ژی وێ چەندێ دگەهینت کو ئەڤ بریارە بۆ لاوزکرنا قەوارێ هەرێما کوردستانێ یە و دادگەها فێدرالی ل دژی دەستوری کاردکەت.
خوەڤەکێشانا پارتی د هەلبژارتنان دا دیسان ترسەک دی کەتیە ناڤا جادەیا عیراقی، چونکێ پارتی هێزەکا مەزن و ئیکەمە ل سەر ئاستێ هەرێما کوردستانێ و عیراقێ، لەورا پشتی چوونا نـێچیرڤان بارزانی بۆ بەغـدایێ دوپاتی وێ چـەندێ ژی کر کـۆ ھەرێما کوردستانێ ب بەردەوامی ل سەر چارەسەیا کێشەیان رژدە و گۆت: ئەم ل میکانیـزمەکێ دگەرن داکو ب بەردەوامییا کۆمبوونان کێشەیێن هـەولێرێ و بەغدایێ چارەبـبن. ل گۆره‌ى وێ رێككه‌فتنا هاتییه‌كرن، دێ هه‌یڤانه مووچه‌یێن فه‌رمانبه‌رێن هه‌رێمێ هێنه هنارتن. د کۆمبوونا سه‌رۆكێ هه‌رێما كوردستانێ و سه‌رۆكوه‌زیرێ ئیراقێ ل به‌غدایێ تێدا به‌حس ل پرسێن هه‌لاویستى یێن د ناڤبه‌را هه‌ولێر و به‌غدایێ دا هاتنە كرن، نێچیرڤان بارزانى سه‌رۆكێ هه‌رێما كوردستانێ و محه‌مه‌د شیاع سوودانى سه‌رۆكوه‌زیرێ ئیراقێ دوپاتکرن کو په‌یوه‌ندیێن د ناڤبه‌را هه‌ولێر و به‌غدا هەموو کێشە بهێنە چارەسەکرن ب شێوەیەکێ بنەرەت.
سه‌رۆك نێچیرڤان بارزانى، هه‌ر د چارچووڤه‌یێ ڤێ سەرەدانێ دا پشكداری د كۆمبوونا هه‌ڤپه‌یمانییا رێڤەبرنا دەولەتێ دا کر و هەر لایەک ل سەر هندێ رازینە کۆ ئەڤ کێشە بهێنە چارەکرن.
سه‌رۆك نێچیرڤان بارزانى ل به‌غدایێ بوو ژ بۆ به‌حسكرنا پرسگرێكێن هه‌لاویستى یێن د ناڤبه‌را هه‌ولێر و به‌غدایێ دا. سه‌رۆك نێچیرڤان بارزانى د سه‌ره‌دانا خوە دا بۆ به‌غدایێ بابه‌تێن مووچه، بودجه، هنارتنا په‌ترۆلێ و په‌یوه‌ندیێن هه‌ولێر و به‌غدایێ بەحس کرن کو گرنگە ئەو هەموو بهێنە چارەسەکرن.
