ل سەر ناڤێ رێداکسۆنا مالپەرا “سبەهی” رۆژا رۆژنامەگەریا کوردی ل هەموو رۆژنامەڤان و مەدیاکارێن کوردستانێ پیرۆز دکین. ب ڤێ هەلکەفتێ سلاڤ رەحمەت ل گۆرا وان رۆژنامەڤانان بن یێن کو د رێیا گۆتنا راست دا ژینا خوە کریە قوربان.
یه‌که‌مین رۆژنامه‌یا کوردی ب ناڤێ “کوردستان” ل سەر دەستێ مقداد مەدحەت به‌درخان به‌ری ۱۲٤ سالان ل ۲۲ نسانا سالا ۱۸۹۸ ێ ل قاهیره، پایته‌ختا مسرێ ،ده‌ست ب وه‌شانا خوه کر. ئه‌ڤ رۆژ وه‌کی رۆژا رۆژنامه‌گه‌ری و مەدیایا کوردی هەر سال تێ پیرۆز کرن.
مقداد مەدحەت به‌درخان د یەکەمین هژمارا رۆژنامەیا کوردستان دا ئارمانجا دەرخستنا رۆژنامەیێ دیار دکە و دنڤیسە:
“ل دنیایێ چقاس مسلمان هه‌نه د گوند و باژارێن هه‌میان دا دبستان و رۆژنامه هه‌نه. بوویه‌رێن ل دنیایێ دقه‌ومن د ڤان رۆژنامه‌یان دا تێن نڤیسین. لێ مخابن کورد ژ رۆژنامه‌یه‌کێ بێ پارن و نزانن د دنیایێ دا چ دقه‌ومه، جیرانێ وان مۆسقۆف چاوا یه دێ چ بکه. لۆما د ریا خوه‌دێ دا من ئه‌ڤ رۆژناما ها نڤیسی. ب ئیزنا خوه‌دێ ته‌عالا ژ نها پێ ڤه د هه‌ر پانزده رۆژان دا ئه‌زێ رۆژنامه‌یه‌کێ بنڤیسم. من ناڤێ وێ کریه کوردستان. د ڤێ رۆژنامه‌یێ دا ئه‌زێ قالا قه‌نجیا زانیاریێ و تێگەهیشتنێ بکم، ل کو ده‌رێ مرۆڤ فێر دبه، ل کو ده‌رێ خوه‌ندنگه‌ه و دبستانێن قه‌نج هه‌نه، ئه‌زێ نیشانی کوردان بدم؛ ل کو ده‌رێ چ شه‌ر دبه، ده‌وله‌تێن مه‌زن چ دکن، چاوا شه‌ر دکن، تجاره‌تێ چاوا دکن، ئه‌زێ قالا هه‌موویان بکم.”
گۆرا مقداد مەدحەت بەدرخان و هەڤال و هەڤرێ یێن وی ب گول و گولاڤ بە
رێداکسیۆنا مالپەرا
www.sibehi.com
